KBC 13: 25 લાખના આ સવાલનો જવાબ ન આપી શક્યો અમન બાજપેયી, તમે જાણો છો સાચો જવાબ?
એક તબક્કે અમનની તમામ લાઈફલાઈન્સ પૂરી થઈ ગઈ હતી, ત્યારબાદ તેણે વધુ જોખમ ન લેતા રમત છોડવાનો નિર્ણય કર્યો.
KBC 13: હાલમાં 'કૌન બનેગા કરોડપતિ'ની 13 મી સીઝન ચાલી રહી છે. દરરોજ સ્પર્ધકો સોની ટીવીના પ્રખ્યાત ગેમ શોમાં પોતાનું નસીબ અજમાવવા આવી રહ્યા છે. બુધવારે આવા જ એક સ્પર્ધક અમન બાજપેયી અમિતાભ બચ્ચનની સામે હોટ સીટ પર પહોંચ્યા હતા. તેણે ફાસ્ટેસ્ટ ફિંગર ફર્સ્ટનો સૌથી ઝડપી જવાબ આપ્યો. અમન લખનઉનો છે અને તે ભવિષ્યમાં ફેમિલી રેસ્ટોરન્ટ ખોલવા માંગે છે.
અમન આ શોમાંથી 12 લાખ 50 હજાર રૂપિયા લઈને ઘરે પરત ફર્યો. એક તબક્કે અમનની તમામ લાઈફલાઈન્સ પૂરી થઈ ગઈ હતી, ત્યારબાદ તેણે વધુ જોખમ ન લેતા રમત છોડવાનો નિર્ણય કર્યો. 25 લાખ રૂપિયાના સવાલ પર તેણે પોતાની રમત છોડી દીધી. તે જ સમયે શોના હોસ્ટ અમિતાભ બચ્ચને કહ્યું કે અમન સાથે વાતચીત કરીને તેઓ ખૂબ ખુશ છે.
અમન લખનઉનો રહેવાસી છે
લખનઉના રહેવાસી અમને કહ્યું કે તેના માતાપિતા માટે તેની કારકિર્દીના વિકલ્પ પર સહમત થવું સહેલું નહોતું કારણ કે તેના માટે ઘણા ખર્ચની જરૂર હતી. તેમના પિતા મનોજ કુમાર બાજપેયી પરિવાર કલ્યાણના મહાનિર્દેશક હેઠળ વર્ગ 3ના કર્મચારી છે. તેમની પાસે રેસ્ટોરન્ટ ખોલવા માટે પૂરતા પૈસા નથી. તેણે કહ્યું કે હું વિજેતા રકમનો ઉપયોગ ફેમિલી રેસ્ટોરન્ટમાં કરીશ.
View this post on Instagram
જાણો શું હતો સવાલ
સવાલ: 1993 થી 1996 વચ્ચે કાર્યરત રાષ્ટ્રીય માનવ અધિકાર પંચના પ્રથમ અધ્યક્ષ કોણ હતા?
- જસ્ટિસ જે.એસ. વર્મા
- જસ્ટિસ એ એમ આનંદ
- જસ્ટિસ રંગનાથ મિશ્રા
- જસ્ટિસ એમએન વેંકટાચલિયાહ
સાચો જવાબ હતો જસ્ટિસ રંગનાથ મિશ્રા.
ટોપ સ્ટોરી
ટ્રેન્ડિંગ સમાચાર
