![ABP Premium](https://cdn.abplive.com/imagebank/Premium-ad-Icon.png)
Anant Radhika First Wedding Pics: લગ્નના બંધનમાં બંધાયા અનંત-રાધિકા, સામે આવ્યો નવયુગલનો પ્રથમ ફોટો
Anant Radhika First Wedding Pics: અનંત અંબાણી અને રાધિકા મર્ચન્ટ આજે લગ્નના બંધનમાં બંધાઈ ગયા છે. હવે લગ્ન પછી નવ પરણેલા જોડીના લગ્નના પ્રથમ ફોટા સામે આવી ગયા છે.
![Anant Radhika First Wedding Pics: લગ્નના બંધનમાં બંધાયા અનંત-રાધિકા, સામે આવ્યો નવયુગલનો પ્રથમ ફોટો anant ambani radhika merchant wedding first photo jio world centre Anant Radhika First Wedding Pics: લગ્નના બંધનમાં બંધાયા અનંત-રાધિકા, સામે આવ્યો નવયુગલનો પ્રથમ ફોટો](https://feeds.abplive.com/onecms/images/uploaded-images/2024/07/12/fa2d3c1185293dea5c5954e771c95acf1720807589972646_original.jpg?impolicy=abp_cdn&imwidth=1200&height=675)
Anant Radhika First Wedding Pics: મુકેશ અંબાણીના નાના પુત્ર અનંત અંબાણી લગ્નના બંધનમાં બંધાઈ ગયા છે. આજે અનંતે તેની મંગેતર રાધિકા મર્ચન્ટ સાથે જિયો વર્લ્ડ સેન્ટરમાં લગ્ન કર્યા છે. જોડીએ આજે સાત ફેરા લઈને સાત જન્મ માટે એકબીજાના થઈ ગયા છે. લગ્ન પછી અનંત રાધિકાના પ્રથમ ફોટા સામે આવ્યા છે જેમાં વર વધૂ એટલા સુંદર લાગે છે કે તેમનાથી નજર હટાવવી મુશ્કેલ છે.
વર વધૂના લુકની વાત કરીએ તો જ્યાં લાલ રંગની શેરવાનીમાં અનંત અંબાણી ખૂબ જ સારા લાગે છે તો બીજી તરફ સફેદ રંગના લહેંગામાં રાધિકા મર્ચન્ટ અત્યંત સુંદર દેખાઈ રહી છે. લગ્ન માટે રાધિકાએ ડિઝાઇનર અબુ જાની સંદીપના 'પૈણેતર' કલેક્શનનો લહેંગો પહેર્યો હતો. સફેદ લહેંગા સાથે લાલ દુપટ્ટો લીધેલી અંબાણી પરિવારની નાની વહુ અત્યંત સુંદર દેખાતી હતી.
લગ્ન પહેલાં અંબાણી પરિવારે આપ્યા પોઝ
અનંત અંબાણી અને રાધિકા મર્ચન્ટ આજે ધામધૂમથી જિયો વર્લ્ડ સેન્ટરમાં વૈદિક રીતિ રિવાજોથી લગ્નના બંધનમાં બંધાયા છે. સાંજે 4 વાગ્યે જ અનંત પોતાની દુલ્હનની બારાત લઈને એન્ટીલિયાથી રવાના થઈ ગયા હતા. વાજતે ગાજતે દૂલ્હારાજા લગ્નના સ્થળે પહોંચ્યા જ્યાં તેમણે આખા પરિવાર સાથે ખૂબ પોઝ આપ્યા.
અનંત રાધિકાના લગ્નમાં પહોંચ્યા આ સિતારાઓ
રાધિકા અનંતના લગ્નમાં બોલિવૂડ સેલેબ્સનો તાંતો લાગ્યો હતો. જેકી શ્રોફ, સલમાન ખાન, અનિલ કપૂર, માધુરી દીક્ષિત, પ્રિયંકા ચોપરા, રણવીર સિંહ, અર્જુન કપૂર, અનન્યા પાંડે, સારા અલી ખાન અને ખુશી કપૂર જેવા સિતારાઓએ લગ્નમાં હાજરી આપી. સંગીતકાર એ.આર. રહેમાન, સાઉથ સુપરસ્ટાર રજનીકાંત, ડિરેક્ટર એટલી કુમાર, ધોની વિથ ફેમિલી, હાર્દિક પાંડ્યા જેવી હસ્તીઓ પણ લગ્નમાં સામેલ થઈ.
અનંત અંબાણી અને રાધિકા મર્ચન્ટના લગ્નની ચર્ચાઓ મહિનાઓથી ચાલી રહી છે. આખરે આ જોડી 12 જુલાઈએ મુંબઈના જિયો વર્લ્ડ કન્વેન્શન સેન્ટરમાં લગ્ન કરવાની છે. રજનીકાંત અને અનિલ કપૂરથી લઈને બોરિસ જોનસન (Boris Johnson) સહિત દુનિયાની ઘણી જાણીતી હસ્તીઓએ આ લગ્ન સમારોહમાં હાજરી આપી છે. આ ઉપરાંત દેશ વિદેશના રમતો સાથે જોડાયેલા નામાંકિત લોકો પણ અનંત અંબાણીના લગ્નમાં હાજરી આપવા પહોંચ્યા છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)