Actor Govinda: બોલિવૂડ અભિનેતા ગોવિંદાને વાગી ગોળી, ઇજાગ્રસ્ત થતા હોસ્પિટલમાં કરાયો દાખલ
Actor Govinda: અભિનેતા ગોવિંદાને પોતાની જ રિવોલ્વરથી ગોળી વાગી હતી
Actor Govinda: બોલિવૂડ અભિનેતા ગોવિંદાને ગોળી વાગી હતી. મળતી જાણકારી અનુસાર, અભિનેતા ગોવિંદાને પોતાની જ રિવોલ્વરથી ગોળી વાગી હતી. પોતાની જ રિવોલ્વરમાંથી મિસફાયર થતા ગોળી વાગી હતી. સારવાર માટે ગોવિંદાને હોસ્પિટલમાં દાખલ કરાયા હતા.
ગોવિંદાના મેનેજર શશિ સિન્હાએ એએનઆઇને કહ્યું હતું કે , 'ગોવિંદા કોલકાતા જવાની તૈયારી કરી રહ્યો હતો. ત્યારે તેમની લાયસન્સવાળી રિવોલ્વર તેમના હાથમાંથી છૂટી ગઇ અને ફાયરિંગ થયું હતું જેથી ગોળી તેમના પગમાં વાગી હતી. ડૉક્ટરે ગોળી બહાર કાઢી દીધી છે અને તેમની હાલત સારી છે. તે અત્યારે હોસ્પિટલમાં છે.
Actor and Shiv Sena leader Govinda has been taken to the nearest hospital after he was accidentally shot in the leg by his own revolver this morning, says a senior Mumbai Police official
— ANI (@ANI) October 1, 2024
More details awaited.
(file pic) pic.twitter.com/SBqnMcDgoA
અભિનેતા ગોવિંદાને તેની જ ગનમાંથી પગમાં ગોળી વાગી છે. આ ઘટના સવારે સાડા પાંચ વાગ્યાના અરસામાં બની હતી. ભૂલથી મિસફાયર થયું હતું. હવે અભિનેતા CRITI કેર હોસ્પિટલમાં દાખલ છે.
#UPDATE | Actor and Shiv Sena leader Govinda was getting ready to leave for Kolkata. He was keeping his licensed revolver in the cupboard when it fell from his hand and a bullet got fired which hit his leg. The doctor has removed the bullet and his condition is fine. He is in the… https://t.co/iBtEcngdoA
— ANI (@ANI) October 1, 2024
આ ઘટના સવારે 5 વાગ્યે બની હતી અને તે કોઈ કામ માટે બહાર જઈ રહ્યો હતો. આ દરમિયાન અચાનક રિવોલ્વરમાંથી મિસ ફાયર થયું હતું. ગોવિંદાને ગોળી વાગતા હોબાળો મચી ગયો હતો. ઘાયલ ગોવિંદાને તાત્કાલિક CRITI હોસ્પિટલમાં દાખલ કરવામાં આવ્યો, જ્યાં તેની સારવાર ચાલી રહી છે. દરમિયાન પોલીસે ઘટનાસ્થળે પહોંચીને મામલાની તપાસ શરૂ કરી છે.
પોલીસના જણાવ્યા અનુસાર, ફાયરિંગ બાદ તે ઘટનાસ્થળે પહોંચી હતી અને ગોવિંદાની ગન જપ્ત કરી હતી. આ મામલે તપાસ શરૂ કરવામાં આવી છે. અભિનેતાની રિવોલ્વરમાંથી મિસ ફાયર થયું હતું અને ગોળી તેના ઘૂંટણમાં વાગી હતી. ગોવિંદા પાસે લાયસન્સવાળી રિવોલ્વર છે. જો કે તેના પરિવાર અને ટીમે હજુ સુધી કોઈ સત્તાવાર નિવેદન જાહેર કર્યું નથી.
નોંધનીય છે કે ગોવિંદા આ દિવસોમાં એક્ટિંગની દુનિયાથી દૂર છે. તે લાંબા સમયથી કોઈ ફિલ્મમાં જોવા મળ્યો નથી. જોકે તેના મ્યૂઝિક વીડિયો આવતા રહે છે. આ સાથે તે ઘણા રિયાલિટી શોમાં પણ જોવા મળે છે. ટીવી પર ગોવિંદા તેની પત્ની સુનીતા સાથે અનેકવાર જોવા મળે છે. જ્યાં ઘણી વખત તે પોતાની પ્રોફેશનલ અને ક્યારેક અંગત જીવન વિશે એવા ખુલાસા કરે છે જેના વિશે ફેન્સ પણ જાણતા નથી.
ટોપ સ્ટોરી
ટ્રેન્ડિંગ સમાચાર
