દીપિકાની ફિલ્મ ‘છપાક’ પર સંકટ, વકીલને ક્રેડિટ નહી  આપો તો લાગશે રોક

જો વકીલને ક્રેડિટ આપવામાં નહી આવે તો 15 જાન્યુઆરી બાદ આ ફિલ્મના પ્રસારિત થવા પર રોક લાગી શકે છે.

મુંબઇઃ બોલિવૂડ એક્ટ્રેસ દીપિકા પાદુકોણની ફિલ્મ ‘છપાક’ રીલિઝ થઇ ચૂકી છે. સોશિયલ મીડિયા પર ખૂબ  ચર્ચામાં રહેલી આ ફિલ્મ પર હવે સંકટના વાદળ મંડરાઇ રહ્યા છે. ‘છપાક’ની રીલિઝ અગાઉ જ વકીલ અર્પણા ભટ્ટે ફિલ્મમાં ક્રેડિટ માંગ્યું હતું. તેમણે કોર્ટમાં આ મામલે અપીલ કરી હતી.  તેમની  અરજી પર સુનાવણી કરતા દિલ્હી  હાઇકોર્ટે ‘છપાક’  ફિલ્મના મેકર્સને અર્પણા ભટ્ટને ક્રેડિટ આપવાનો આદેશ આપ્યો છે. આદેશ અનુસાર, જો વકીલને ક્રેડિટ આપવામાં નહી આવે તો 15 જાન્યુઆરી બાદ  આ  ફિલ્મના પ્રસારિત થવા પર રોક લાગી શકે છે. ન્યૂઝ એજન્સી એએનઆઇએના મતે દિલ્હી હાઇકોર્ટે ‘છપાક’ના  મેકર્સને વકીલ  અર્પણા ભટ્ટને ક્રેડિટ આપવાનો આદેશ આપ્યો હતો. અર્પણાએ  એસિડ એટેક સર્વાઇવર લક્ષ્મી  અગ્રવાલનો કેસ લડ્યો હતો. ક્રેડિટ ન આપવાના કારણે મલ્ટીપ્લેક્સ અને લાઇવ સ્ટ્રીમિંગ પર આ રોક 15 જાન્યુઆરીથી લાગુ થશે જ્યારે અન્ય પ્લેટફોર્મ પર  આ રોક 17 જાન્યુઆરીથી લાગુ થશે.

Delhi High Court restrains from releasing of film 'Chhapaak' without giving credit to lawyer Aparna Bhat, who represented survivor Lakshmi in her legal battle. The restraint will be effective from January 15 for multiplexes and live streaming and for others from January 17 https://t.co/bqIdpqcZmu

— ANI (@ANI) January 11, 2020

કોર્ટે ફિલ્મના નિર્માતા ફોક્સ સ્ટાર સ્ટૂડિયોની આ અરજી પર આ આદેશ આપ્યો છે.જેમાં એક નીચલી અદાલતના એ આદેશને પડકારવામાં  આવ્યો હતો જેમાં કોર્ટે નિર્માતાઓને વકીલ અર્પણા ભટ્ટના યોગદાનને  માન્યતા આપવા કહ્યુ  હતું. જસ્ટિસ પ્રતિભા એમ સિંહ  કહ્યું કે, 15 જાન્યુઆરી સુધી સિનેમાઘરોમાં  ચાલી રહેલી ફિલ્મોની સ્લાઇડમાં બદલાવ કરવામાં આવે.  નોંધનીય છે કે વકીલ અર્પણા ભટ્ટે પોતાની અરજીમાં કહ્યું હતું કે, તેમણે  એસિડ એટેક સર્વાઇવર લક્ષ્મી અગ્રવાલનો  કેસ વર્ષો સુધી લડ્યો પરંતુ આ ફિલ્મમાં તેમને  ક્રેડિટ આપવામાં આવી નથી. અર્પણાનું કહેવું છે કે તેમણે છપાક ફિલ્મની સ્ક્રિપ્ટમાં પણ ખૂબ મદદ કરી હતી.