Pooja Hegde એ ઇન્ડિગો એરલાઇન્સ વિરુદ્ધ કરી ફરિયાદ, ટ્વિટ કરી કહ્યુ- 'અમને ધમકાવવામાં આવ્યા'

પૂજા હેગડેએ પોતાના ટ્વીટમાં ઈન્ડિગો એરલાઈન્સને ટેગ કર્યું છે

ફાઇલ તસવીર

Pooja Hegde Slams Airline: બોલિવૂડ એક્ટ્રેસ પૂજા હેગડેએ આજે ​​ઇન્ડિગો એરલાઇન્સ સામે ખરાબ વર્તનની ફરિયાદ કરી હતી. પૂજા હેગડેએ એરલાઇન્સના સ્ટાફ દ્ધારા કરવામાં આવેલા ખરાબ વર્તનની આકરી ટીકા કરી હતી. તાજેતરમાં ઇન્ડિગો એરલાઇન્સમાં મુસાફરી કરતા સમયે અભિનેત્રી સાથે ગેરવર્તણૂક કરવામાં આવી હતી, જેનો તેણે ટ્વિટ દ્વારા ખુલાસો કર્યો છે.

પૂજા હેગડેએ ટ્વીટમાં લખ્યું હતું કે ઈન્ડિગો એરલાઈનના સ્ટાફ મેમ્બર વિપુલ નાકાસેએ મુંબઈથી ફ્લાઈટ દરમિયાન અમારી સાથે ખૂબ જ ખરાબ વર્તન કર્યું હતું. તેણે અત્યંત અસંસ્કારી, અજ્ઞાની અને અહંકારી સ્વરમાં વાત કરી હતી. તેણે ધમકીઓ આપી જે ખૂબ જ દુઃખદ છે. સામાન્ય રીતે હું આવી બાબતો પર ટ્વિટ કરતી નથી પરંતુ તે ખરેખર ભયાનક હતું.

પૂજા હેગડેએ પોતાના ટ્વીટમાં ઈન્ડિગો એરલાઈન્સને ટેગ કર્યું છે અને કંપનીના સ્ટાફના અભદ્ર વર્તન વિશે જણાવ્યું હતું. આ ટ્વીટને અત્યાર સુધીમાં 1826 વખત રીટ્વીટ કરવામાં આવી છે અને તેને 18.9K લાઈક્સ મળી છે.

ઈન્ડિગો એરલાઈન્સે પૂજા હેગડેના આ ટ્વીટનો જવાબ આપતા એક્ટ્રેસનો પીએનઆર અને કોન્ટેક્ટ નંબર ડીએમ કરવા કહ્યુ હતુ. જોકે પૂજા હેગડેએ અત્યાર સુધી આ ટ્વીટનો જવાબ આપ્યો નથી. પૂજા હેગડેના આ ટ્વીટ પર યુઝર્સ અલગ-અલગ પ્રકારના રિએક્શન આપી રહ્યા છે, કેટલાક લોકો એરલાઈન પર ગુસ્સો કાઢી રહ્યા છે તો કેટલાક લોકો પૂજા હેગડેને જ સલાહ આપી રહ્યા છે. પૂજા હેગડેના આ ટ્વીટને લઈને હોબાળો મચી ગયો છે.