Pathaan: 'પઠાણ'માં જોવા મળી 'ટાઈગર'ની ઝલક, શાહરૂખ ખાનની ફિલ્મમાં સલમાન ખાનનો કેમિયો જોઈને ચાહકોએ મારી સીટી
Salman khan In Pathaan: સુપરસ્ટાર શાહરૂખ ખાનની ફિલ્મ પઠાણમાં સુપરસ્ટાર સલમાન ખાનનો કેમિયો બતાવવામાં આવ્યો છે. જેને જોઈને પઠાણ માટે ચાહકોનો ઉત્સાહ બમણો થઈ ગયો છે.
Salman Khan IN Shah Rukh Khan Pathaan: બોલિવૂડ સુપરસ્ટાર શાહરૂખ ખાનની ફિલ્મ પઠાણ આજથી સિનેમાઘરોમાં રિલીઝ થઈ છે. શાહરૂખ ખાનના ફેન્સ આ ફિલ્મની ઘણા સમયથી રાહ જોઈ રહ્યા હતા. આવી સ્થિતિમાં ફિલ્મ 'પઠાણ'ને લઈને ચાહકોમાં ભારે એક્સાઇમેન્ટ જોવા મળી રહી છે. પરંતુ 'પઠાણ' માટે તમારી એક્સાઇમેન્ટ હજુ વધુ વધવાની છે. કારણ કે અભિનેતા શાહરૂખની 'પઠાણ'માં સુપરસ્ટાર દબંગ સલમાન ખાનનો કેમિયો દેખાડવામાં આવ્યો છે. જેને જોઈને થિયેટરમાં હાજર ચાહકોએ જોરથી સીટીઓ મારી હતી. અને ચાહકોએ ખૂબ જ ઉત્સાહથી સલમાન ખાનના કેમિયો પર રીએક્શન આપ્યું હતું.
શાહરૂખની ફિલ્મ 'પઠાણ'માં સલમાન
સલમાન ખાન અને શાહરૂખ ખાન બોલિવૂડના બે મેગા સુપરસ્ટારમાંથી એક છે. આવી સ્થિતિમાં 'પઠાણ'ની રીલિઝ પહેલા એવી ચર્ચા ખૂબ જ જોરદાર હતી કે સલમાન ખાન કિંગ ખાનની 'પઠાણ'માં કેમિયો કરતો જોવા મળશે. આવું જ કંઈક બન્યું છે કારણ કે સલમાન ખાનના એક ફેને સોશિયલ મીડિયા પ્લેટફોર્મ ટ્વિટર પર એક લેટેસ્ટ વીડિયો શેર કર્યો છે. આ વીડિયો ફિલ્મ 'પઠાણ'ના થિયેટર શો દરમિયાનનો છે. જેમાં સુપરસ્ટાર સલમાન ખાન 'પઠાણ'માં એક્શન કરતો જોવા મળી રહ્યો છે. આ વીડિયોમાં તમે જોઈ શકો છો કે 'પઠાણ'ના એક સીનમાં જ્યારે શાહરૂખ ખાન દુશ્મનોથી ઘેરાયેલો હોય છે ત્યારે સલમાન ખાનની ફાડુ એન્ટ્રી થાય છે. સલમાનની ટાઈગર ફ્રેન્ચાઈઝીનું સંગીત અને ચાહકોની સીટીઓ બેકગ્રાઉન્ડમાં સંભળાય છે. આ સીનમાં સલમાન પોતાનો ફેમસ સ્કાર્ફ હાથમાં પકડીને ગુંડાઓને ધોઈ નાખતો જોવા મળે છે. આવી સ્થિતિમાં ફિલ્મ 'પઠાણ'માં સલમાન ખાનના કેમિયોએ ચાર્મ વધાર્યો છે. જણાવી દઈએ કે પઠાણ ફિલ્મમાં સલમાન ખાનનો લગભગ 20 મિનિટનો કેમિયો જોવા મળશે.
BAAP entry!!
And that Tiger BGM 🔥
Salman Khan entry #Pathaanpic.twitter.com/j0cK9XC8HY — Asıf (@BeingAsifx) January 25, 2023
સલમાન અને શાહરૂખ આ પહેલા પણ સાથે જોવા મળ્યા છે
આ પહેલીવાર નથી જ્યારે સુપરસ્ટાર સલમાન ખાન અને શાહરૂખ ખાન એકબીજાની ફિલ્મોમાં કેમિયો કરતા જોવા મળ્યા હોય. આ પહેલા પણ અનેક વાર ઘણીબધી ફિલ્મોમાં તેઓ કેમિયો કરતાં જોવા મળ્યા છે. જેવી કે ફિલ્મ.ટ્યુબલાઇટ, હર દિલ જો પ્યાર કરેગા અને ઝીરો, કરણ અર્જુન, હમ તુમ્હારે હૈ સનમ, કુછ કુછ હોતા હૈ જેવી ઘણી ફિલ્મોમાં સાથે જોવા મળ્યા છે.
ટોપ સ્ટોરી
ટ્રેન્ડિંગ સમાચાર
