બૉલીવુડનો કમાન્ડો માઇનસ 8 ડિગ્રીથી બરફની જેમ ઠરી ગયેલા તળાવમાં પડ્યો નહાવા, વીડિયો વાયરલ
એક્ટર પોતાના ઇન્સ્ટાગ્રામ પર આ સ્ટન્ટ વીડિયો શેર કર્યો છે. આ વીડિયોમાં વિદ્યુત જામવાલ માઇનસ 8 ડિગ્રી ઠંડા પાણીમાં બરફની જેમ ઠરી ગયેલા તળાવમાં નહાતો દેખાઇ રહ્યો છે,
મુંબઇઃ બૉલીવુડના સ્ટાર્સના વીડિયો અને તસવીરો અવારનવાર વાયરલ થતા રહે છે, આવા વીડિયો અને તસવીરોના ફેન્સ દિવાના બની જાય છે, પરંતુ આ બધાની વચ્ચે એક ખતરનાક સ્ટન્ટ કરતો એક્ટરનો વીડિયો વાયરલ થઇ રહ્યો છે. બૉલીવુડ કમાન્ડો ઉર્ફે વિદ્યુત જામવાલ (Vidyut Jammwal)ની ફિટનેસનો એક વીડિયો સામે આવ્યો છે, જેમાં તે કડકડતી ઠંડીમાં માઇનસ ડિગ્રીમાં ઠંડા તળાવમાં નહાતો દેખાઇ રહ્યો છે.
એક્ટર વિદ્યુત જામવાલે પોતાના ઇન્સ્ટાગ્રામ પર પોતાનો આ સ્ટન્ટ વીડિયો શેર કર્યો છે. આ વીડિયોમાં વિદ્યુત જામવાલ માઇનસ 8 ડિગ્રી ઠંડા પાણીમાં બરફની જેમ ઠરી ગયેલા તળાવમાં નહાતો દેખાઇ રહ્યો છે, ડુબકી મારતો વીડિયો ફેન્સને ખુબ પસંદ આવી રહ્યો છે. ફેન્સ આને ખુબ પસંદ કરી રહ્યા છે અને કોમેન્ટ કરી રહ્યા છે.
વિદ્યુત જામવાલ વીડિયોમાં બરફીલા મેદાનોમાં જોવા મળી રહ્યો છે. બધે બરફની જાડી ચાદર દેખાય છે. વીડિયોમાં પહેલા વિદ્યુત જાડા કપડા પહેરેલો જોવા મળે છે. પરંતુ ધીરે ધીરે તે પોતાના કપડા ઉતારી લે છે અને પછી બર્ફીલા તળાવમાં ઉતરી જાય છે. વીડિયોમાં વિદ્યુત કહે છે કે એક દિવસ પહેલા હિમવર્ષા થઈ હતી. જો કે આજે તે અહી આવ્યો છે. કેપ્શનમાં વિદ્યુતે કહ્યું છે કે તમારા પોતાના અવરોધોને તોડો. વિદ્યુત જામવાલ પણ વીડિયોમાં જણાવે છે કે આ સમયે સ્થળનું તાપમાન -8 ડિગ્રી છે.
View this post on Instagram
વિદ્યુત જામવાલના વર્કફ્રન્ટની વાત કરીએ તો વિદ્યુતે દક્ષિણ ભારતીય ફિલ્મમાં અભિનેતા તરીકે તેની કારકિર્દીની શરૂઆત કરી હતી. તે જ સમયે તેણે જોન અબ્રાહમ સામે વિલન બનીને ફોર્સ ફિલ્મથી બોલિવૂડમાં પ્રવેશ કર્યો. આ પછી વિદ્યુત કમાન્ડો, બુલેટ રાજા, જંગલી, ખુદા હાફિઝ, બાદશાહો સહિત ઘણી ફિલ્મોમાં જોવા મળ્યો અને ધીમે ધીમે તેની કારકિર્દીની ગાડી આગળ વધી રહી છે. વિદ્યુતની છેલ્લી ફિલ્મ સનક હતી.
ટ્રેન્ડિંગ સમાચાર
ટોપ સ્ટોરી
