તનુશ્રી પહેલા પણ બોલિવૂડની અનેક અભિનેત્રીઓએ લગાવ્યો છે કાસ્ટિંગ કાઉચનો આરોપ, જાણો કઈ-કઈ અભિનેત્રી બની છે ભોગ

કોરિયોગ્રાફર સરોજ ખાને મંતવ્ય કર્યું તું કે' બોલીવૂડમાં આ બધું કાંઇ નવું નથી, આમ તો થતું રહેતું હોય છે. અનુરાગ કશ્યપની ભૂતપૂર્વ પત્ની કલ્કી કોચલિને પણ આડકતરી રીતે કબૂલ કર્યું છે કે, બોલીવૂડમાં કાસ્ટિંગ કાઉચનો ભોગ બનવું પડતું હોય છે. તેણે જણાવ્યું હતું કે, ફિલ્મનાએક નિર્માતાએ તેનું જાતીય શોષણ કર્યું હતું. તે તેને ફિલ્મની ચર્ચા કરવાનું કહીને વારંવાર ડિનર પર ઇન્વાઇટ કરતો હતો. તે તેને મળતી ત્યારે તેને જાણ થતી કે ફિલ્મનો કોઇ પ્રોજેક્ટ જ નહોતો. તે નિર્માતા કલ્કી માટે કાંઇક અલગ જ વિચારી રહ્યો હતો.

પોતાના બિન્દાસ નિવેદનને કારણે ચર્ચામાં રહેનારી કંગના રનૌતે પણ આદિત્ય પંચોલી પર યૌન શોષણનો આક્ષેપ મુક્યો હતો. તેણે કેટલીય વાર ઇન્ટરવ્યુમાં આ મુદ્દો ઉખેડયો છે. સ્વરા ભાસ્કર પણ આવા મુદ્દાઓ સામે અવાજ ઊઠાવી ચુકી છે. સ્વરાએ બોલીવૂડના એક દિગ્દર્શક પર આક્ષેપ મુક્યો હતો. સ્વરાએ એમ પણ કહ્યું હતું કે, તે વખતે તેનામાં પોતાને થયેલા આ કડવા અનુભવને કહેવાની હિંમત નહોતી.

પોર્ન ફિલ્મ છોડીમાં બોલિવૂડમાં આવેલી સની લિયોનીએ પણ એક ઇન્ટરવ્યુમાં કહ્યું હતું કે, મહિલાઓ માટે આ ઇન્ડસ્ટ્રી જ સારી નથી. મારે એક મ્યુઝિક વીડિયો દરમિયાન કડવા અનુભવનો સામનો કરવો પડયો હતો. જ્યારે એક જાણીતા 'રેપરે' તેની સાથે ગેરવર્તણૂક કરી હતી.

તનુશ્રી પહેલા ઘણી ટોચની અભિનેત્રીઓએ પોતાની આપવિતી કહી છે. રાધિકા આપ્ટેએ થોડા સમય પહેલા આપેલા એક ઇન્ટરવ્યુમાં કહ્યું હતું કે, તે એક ફિલ્મના શૂટિંગ માટે સેટ પર ગઇ હતી જ્યાં દક્ષિણના એક અભિનેતાએ તેની સાથે ગેરવર્તણૂક કરવાનો પ્રયાસ કર્યો હતો, પરિણામે રાધિકાએ તેને સણસણતો તમાચો માર્યો હતો. જોકે આ વાતને ત્યાં જ દબાવી દેવામાં આવી હતી. રાધિકાએ કહ્યું હતું કે, 'એ સેટ પર મારો પહેલો જ દિવસ હતો. અને મેં તેને થપ્પડ મારી હતી. અને એ વ્યક્તિ સાથે કદી કામ નકરવાનો નિર્ણય કર્યો.

નવી દિલ્હીઃ બોલિવૂડ અભિનેત્રી અને મિસ ઇન્ડિયા-યૂનિવર્સ રહી ચૂકેલ તનુશ્રી દત્તાએ વિતેલા દિવસોમાં પોતાની સાથે 10 વર્ષ પહેલા થયેલી એક ઘટના પર એક્ટર નાના પાટેકર પર આરોપ લગાવ્યો છે. તનુશ્રીએ એક ઇન્ટરવ્યૂમાં વર્ષ 2008માં ફિલ્મ ‘હોર્ન ઓકે પ્લીઝ’ના સેટ પર કાસ્ટિંગ કાઉચનો ભોગ બની હોવાની વાત કહી છે. જોકે માત્ર તનુશ્રી જ નહીં પણ બોલિવૂડ અનેક અભિનેત્રીઓ આ પહેલા પણ કાસ્ટિંગ કાઉચનો આરોપ લગાવી ચૂકી છે.