![ABP Premium](https://cdn.abplive.com/imagebank/Premium-ad-Icon.png)
Matthew Perry Death: ‘Friends’ સ્ટાર Matthew Perryનું ડૂબી જવાથી મોત! ઘરમાંથી મળી એક્ટરની ડેડ બોડી
ફ્રેન્ડ્સ ફેમ મેથ્યુ પેરીનું 54 વર્ષની વયે અવસાન થયું છે.
![Matthew Perry Death: ‘Friends’ સ્ટાર Matthew Perryનું ડૂબી જવાથી મોત! ઘરમાંથી મળી એક્ટરની ડેડ બોડી Friends stat Matthew Perry died at 54 found apparent drowning Matthew Perry Death: ‘Friends’ સ્ટાર Matthew Perryનું ડૂબી જવાથી મોત! ઘરમાંથી મળી એક્ટરની ડેડ બોડી](https://feeds.abplive.com/onecms/images/uploaded-images/2023/10/29/1db01b26a69f93a2cbf480d87c4cffe4169854269797476_original.jpg?impolicy=abp_cdn&imwidth=1200&height=675)
Matthew Perry Death: અમેરિકન-કેનેડિયન અભિનેતા મેથ્યુ પેરીનું 54 વર્ષની વયે અવસાન થયું છે. અભિનેતા તેના લોસ એન્જલસના ઘરમાં મૃત હાલતમાં મળી આવ્યો છે. TMZ એ સ્ત્રોતને ટાંકીને જણાવ્યું હતું કે મેથ્યુનું મૃત્યુ હોટ ટબમાં ડૂબી જવાથી થયું હતું. તે ટીવી સિટકોમ 'ફ્રેન્ડ્સ-લાઈક અસ' માટે જાણીતો છે, જેમાં તેણે ચૅન્ડલર બિંગનું પાત્ર ભજવ્યું હતું.
મેથ્યુ પેરી અભિનેતા જ્હોન બેનેટ પેરી અને કેનેડાના પૂર્વ વડાપ્રધાન પિયર ટ્રુડોના એક સમયના પ્રેસ સચિવ સુઝાન મેરી લેંગફોર્ડના પુત્ર છે. તેનો જન્મ 19 ઓગસ્ટ, 1969ના રોજ વિલિયમ્સટાઉનમાં થયો હતો. જ્યારે પેરી 1 વર્ષના હતી, ત્યારે તેના માતાપિતાએ છૂટાછેડા લીધા હતા. તેણે 'ચાર્લ્સ ઇન ચાર્જ' દ્વારા બાળ કલાકાર તરીકે તેની અભિનય કારકિર્દીની શરૂઆત કરી હતી.
'ફ્રેન્ડ્સ'થી મળી ઓળખ
મેથ્યુઝ 'બેવર્લી હિલ્સ 90210' અને 'અ નાઈટ ઈન ધ લાઈફ ઓફ જિમી રીઅર્ડન'માં પણ દેખાયા હતા. પરંતુ તેને ખરી ખ્યાતિ ટીવી સિટકોમ 'ફ્રેન્ડ્સ'થી મળી. આ શ્રેણી 22 સપ્ટેમ્બર 1994 ના રોજ શરૂ થઈ અને 6 મે 2004 ના રોજ સમાપ્ત થઈ. આ સમયગાળા દરમિયાન, 236 એપિસોડ સાથે 'ફ્રેન્ડ્સ'ની દસ સીઝન ટેલિકાસ્ટ કરવામાં આવી હતી. તેણે ફૂલ્સ રશ ઇન, અલમોસ્ટ હીરોઝ, ધ હોલ નાઈન યાર્ડ્સ, 17 અગેઈન અને ધ રોન ક્લાર્ક સ્ટોરી સહિતની ઘણી ફિલ્મોમાં પણ કામ કર્યું છે.
View this post on Instagram
માત્ર 6 મહિના પછી સગાઈ તૂટી ગઈ
મેથ્યુએ હજુ સુધી લગ્ન કર્યા નથી. જોકે થોડા વર્ષો પહેલા તેણે મોલી હર્વિટ્ઝ સાથે સગાઈ કરી હતી. પરંતુ તેમના સંબંધો સફળ ન થયા અને 6 મહિના પછી તેમણે સગાઈ તોડી નાખી. આ સિવાય તેનું નામ લિઝી કેપલાન સાથે પણ જોડવામાં આવ્યું હતું.
ડ્રગની લતમાંથી બહાર આવવા માટે કરોડો ખર્ચ્યા
ન્યૂયોર્ક ટાઈમ્સને આપેલા ઈન્ટરવ્યુમાં મેથ્યુએ ખુલાસો કર્યો હતો કે તેને 14 વર્ષની ઉંમરથી જ ડ્રગ્સની લત લાગી ગઈ હતી. જે બાદ તેને ઘણી બીમારીઓનો સામનો કરવો પડ્યો હતો. મેથ્યુએ કહ્યું હતું કે તેણે ડ્રગની લતમાંથી બહાર આવવા માટે 9 મિલિયન ડોલર એટલે કે 74 કરોડ રૂપિયા ખર્ચ્યા છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)