Varun Dagar: ઇન્ડિયાઝ બેસ્ટ ડાન્સર કન્ટેસ્ટેન્ટ સાથે જાહેર રસ્તા વચ્ચે દુર્વ્યવહાર, ખેચીને લઈ ગઈ પોલીસ અને પછી....
Varun Dagar: ઘટના વિશે જણાવતા વરુણે કહ્યું કે તે દિલ્હીના કનોટ પ્લેસમાં પરફોર્મ કરી રહ્યો હતો. આ તેમની સામાન્ય જગ્યા છે અને તેમણે કહ્યું કે પોલીસ ઘણીવાર દરમિયાનગીરી કરે છે.
Varun Dagar: દિલ્હી પોલીસ તરફથી એક કલાકારને માર મારવાનો મામલો સામે આવ્યો છે. કલાકારને માર મારતો વીડિયો સોશિયલ મીડિયા પર વાયરલ થયો છે. હવે એ વાત સામે આવી છે કે આ કલાકાર બીજું કોઈ નહીં પણ ઈન્ડિયાઝ બેસ્ટ ડાન્સરનો ભૂતપૂર્વ સ્પર્ધક વરુણ ડાગર હતો. પોલીસ અને કેટલાક રાહદારીઓ દ્વારા વરુણને કથિત રીતે માર મારવામાં આવ્યો હતો. તેણે તેની સાથે થયેલા ખરાબ વ્યવહાર વિશે જણાવ્યું છે. તેણે કહ્યું કે આ ઘટનાએ તેને હચમચાવી નાખ્યો, જો કે, તેણે કહ્યું કે તે આ ઘટનાને તેના જુસ્સા પર અસર થવા દેશે નહીં. તેણે કહ્યું કે તે કોઈને નફરત કરવા નથી માંગતો પરંતુ આશ્ચર્ય થાય છે કે લોકોના દિલમાં આટલી બધી નફરત કેમ છે.
View this post on Instagram
આ ઘટના વિશે વિગતવાર જણાવતા વરુણે કહ્યું કે તે દિલ્હીના કનોટ પ્લેસમાં પરફોર્મન્સ આપી રહ્યો હતો. આ તેમની સામાન્ય જગ્યા છે અને તેઓએ કહ્યું કે પોલીસ ઘણીવાર દરમિયાનગીરી કરે છે અને તેમના પ્રદર્શનને અટકાવે છે. ધ ઈન્ડિયન એક્સપ્રેસ સાથે વાત કરતા તેણે કહ્યું, "ભૂતકાળમાં આવું ઘણી વખત બન્યું હોવાથી મેં વધુ ધ્યાન આપ્યું ન હતું. જો તે કાયદાની વિરુદ્ધ નથી, તો તેઓ અમને કેવી રીતે રોકી શકે? દર્શકો અમારા માટે ઉત્સાહિત હતા જેના લીધે શાયદ તેઓ ગુસ્સે થયા હોઇ શકે.
પોલીસ દ્વારા ગેરવર્તન
તેણે કહ્યું કે પાર્કિંગના કેટલાક કર્મચારીઓએ તેના પર પણ હુમલો કર્યો હતો. વરુણે જણાવ્યું કે તેમાંથી એકે તેનો કોલર પકડ્યો અને બીજાએ તેનું ગિટાર લીધું. તેને જાહેરમાં ઢસડીને પોલીસ વાનમાં લઈ જવામાં આવ્યો હતો. વરુણે કહ્યું, "મને તેમના દ્વારા મારવામાં આવ્યો હતો, મારા વાળ ખેંચવામાં આવ્યા હતા. મારી સાથે એક ગુનેગાર જેવો વ્યવહાર કરવામાં આવ્યું હતું." વરુણે કહ્યું, "હું તે વિસ્તારમાં કામ કરતા અધિકારીના ચહેરાઓને ઓળખું છું. તેઓ અલગ-અલગ હતા. તેમજ પાર્કિંગ એટેન્ડન્ટને સ્થાનિકોને મારવાનો અધિકાર કોણે આપ્યો? તે ખૂબ જ બિનજરૂરી હતું અને તેનાથી મને ખરેખર ગુસ્સો આવ્યો." " તેણે કહ્યું કે તેને અધિકારીએ માર માર્યો હતો અને બળજબરીથી પોલીસ સ્ટેશન લઈ જવામાં આવ્યો હતો.
ટ્રેન્ડિંગ સમાચાર
ટોપ સ્ટોરી
