Confirm: કોમેડી કિંગ કપીલ શર્મા કરશે વાપસી, આ શોની થઈ રહી છે તૈયારી

નવી દિલ્હીઃ કહેવાતું હતું કે કપિલ શર્માએ ડિપ્રેશન અને અસ્વસ્થ્ય હોવાને કારણે કામથી અંતર રાખ્યું હતું. જોકે હવે અહેવાલ મળી રહ્યા છે કે, તે ટૂંક સમયમાં નાના પડતે કમબેક કરશે. જે શોની સાથે કપિલ શર્મા વાપસી કરી રહ્યા છે તેનું નામ છે ધ કપિલ શર્મા શો. આમ તો પોતાના કમબેકના અહેવાલને કોમેડી કિંગે ખુદ કન્ફર્મ કર્યા છે.

કપિલે વેબ પોર્ટલ પીપિંગ મૂન સાથે વાતચીતમાં કહ્યું કે, 'હું મારા ફેન્સને આશ્વસ્ત કરવા ઈચ્છું છું કે, હું ટૂંકમાં જ ધ કપિલ શર્મા શોની નવી સિરીઝ સાથે પરત ફરીશ. આ શો ફેન્સ પર ફરીથી તે છાપ છોડશે અને તેમનો પ્રેમ જ શોને આગળ વધારશે. જોકે, હાલમાં શોની પ્લાનિંગ સ્ટેજ પર છે.'