કપિલ શર્માને નવા શોમાં થઈ રહ્યું છે લાખો રૂપિયાનું નુકશાન, આટલી ઓછી ફીમાં કરી રહ્યો છે કામ, જાણો

મુંબઈ: કપિલ શર્માએ ગયા અઠવાડિયે શાનદાર રીતે નવો શો શરૂ કર્યો છે. 29 ડિસેમ્બરે કપિલના નવા શો ધ કપિલ શર્મા શો સીઝન 2ની વાપસી થઈ છે. કપિલ શર્માના શોમાં પ્રથમ ગેસ્ટ રણવીર સિંહ અને સારા અલી ખાન હતા.

આ વખતે કપિલ આ શો સલમાન ખાન સાથે મળી પ્રોડ્યૂસ કરી રહ્યો છે. પહેલા તે શો પોતે જ પ્રોડ્યૂસ કરતો હતો. વર્ષ 2016માં કપિલે પોતાના શોની શરૂઆત કરી હતી. તેની સાથે સુનીલ ગ્રોવર, કીકૂ શારદા, ચંદન પ્રભાકર સાથે જોવા મળ્યા હતા.

કપિલને પ્લેટફોર્મ તો મળી ગયું છે પરંતુ પૈસાના મામલે તેનો મોટો ઝટકો લાગ્યો છે. કપિલ શર્માને પહેલા કરતા ખૂબ જ ઓછી ફી મળી રહી છે. કપિલ શર્માની ફી 40-50 લાખ સુધી ઘટી ગઈ છે. કપિલ લગભગ 60-80 લાખ રૂપિયા ચાર્જ કરતો હતો. મીડિયા રિપોર્ટ્સ પ્રમાણે કપિલને એક એપિસોડ માટે હવે 15 લાખ રૂપિયા મળી રહ્યા છે.

કપિલ શર્માએ ઉત્સાહથી પોતાના શોની શરૂઆત કરી હતી. કપિલને જોઈ એવું લાગ્યું નહી કે તે ખૂબ લાંબા બ્રેક બાદ પરત ફર્યો છે. દર્શકો પણ કપિલના આ અંદાજને ખૂબ પસંદ કરી રહ્યા છે. કપિલ શર્માનો આ પ્રથમ શો ટેલિકાસ્ટ થયો છે પરંતુ શોને ખૂબ જ સારી ટીઆરપી મળી છે.