કોણ છે નેહા ધુપિયાનો પતિ, અમિતાભ બચ્ચન સાથે કરી ચૂક્યો છે કામ, જાણો વિગતે

અંગદે યુટીવી બિન્દાસના પૉપ્યૂલર ટીવી શૉ 'ઇમૉશનલ અત્યાચાર'ની પહેલી સિઝનને હૉસ્ટ કરી છે. તે સેલિબ્રિટી રિયાલિટી શૉ 'ફિયર ફેક્ટર: ખતરો કે ખેલાડી'ની ત્રીજી સિઝનમાં પણ કામ કરી ચૂક્યો છે.

નોંધનીય છે કે, અંગદ બેદીના પિતા બિશનસિંહ બેદી ભારતીય ક્રિકેટ ટીમના પૂર્વ કેપ્ટન રહી ચૂક્યા છે, તેમની ગણતરી ભારતના મહાન સ્પિનર બૉલર્સમાં કરાય છે. બિશનસિંહ બેદી 1976માં ભારતીય ટીમના કેપ્ટન બન્યા, તેમને 22 ટેસ્ટમાં ભારતની કેપ્ટન્સી કરી જેમાં વેસ્ટઇન્ડિઝ વિરુદ્ધ પોર્ટ ઓફ સ્પેનની મેચ યાદગાર રહી હતી.