સોશિયલ મીડિયા પર જેને અનુષ્કા શર્માનો ભાઈ ગણાવાય છે તે નકુલ ખરેખર કોણ છે? જાણો વિગત

નકુલ એક સારો એક્ટર જ નહીં પરંતુ એક સારો ડાન્સર પણ છે. નકુલ અનેક ડાન્સ ફોર્મમાં ટ્રેઈન્ડ પણ છે. નકુલ મેહતા ખાવાનો શોખીન છે. પરંતુ તે ખાવાની સાથે સાથે પોતાના સ્વાસ્થ્યનું પણ ધ્યાન રાખે છે.

નકુલને ઇશ્કબાજમાં એક્ટિંગ માટે એશિયન એવોર્ડ્સમાં બેસ્ટ એક્ટરનો એવોર્ડ મળ્યો હતો. નકુલ મેહતાને દર્શકો ટીવી શો ઉપરાંત વેબ સીરિઝ આઈ ડોન્ટ વોચ ટીવીમાં પણ જોઈ ચૂક્યા છે. આ ટીવી સીરિઝમાં તેની સાથે ટીગી જગતની અનેક હસ્તિઓ જોવા મળી હતી. નકુલ મેહતા ઉદયપુરના રાજપરીવાર સાથે સંબંધ ધરાવે છે. નકુલ રિયલ જીવનમાં સિગરેટ અને દારૂથી દૂર રહે છે.

નકુલે વર્ષ 2008માં ઇન્ડો સ્પેનિશ ફિલ્મ સાઈન કરી હતી, પરંતુ કોઈ કારણોસર તે ફિલ્મ શરૂ થતાં પહેલા જ બંધ થઈ ગઈ. આ ફિલ્મમાં નકુલની સાથે મોનિકા ક્રુઝ જોવા મળવાની હતી.

નકુલ સ્ટારપ્લસના શો ઇશ્કબાજમાં જોવા મળ્યો છે. આ શોને દર્શકો દ્વારા ખૂબ પસંદ કરવામાં આવી રહ્યો છે. આ શોમાં નકુલ એક બિઝનેસ ટાયકૂની ભૂમિકા ભજવી રહ્યો છે. શોમાં તેની સાથે મુખ્ય ભૂમિકામાં સુરભિ ચંદના જોવા મળી રહી છે.

નકુલે પોતાની એક્ટિંગ કારકિર્દીની શરૂઆત ટીવીથી નહીં પરંતુ તેલુગુ ફિલ્મ અભિમાનથી કરી હતી, જે વર્ષ 2005માં રિલીઝ થઈ. ત્યાર બાદ સ્ટાલ પ્લસ પરના શો પ્યાર કા દર્દ હૈ મીઠા-મીઠા પ્યારા પ્યારામાં જોવા મળ્યો હતો. આ શોમાં તેની વિરૂદ્ધ દિશા પરમાર જોવા મળી હતી. આ શોમાં દર્શકોએ નકુલ અને દિશાની ચોડીને ખૂબ પસંદ કરી હતી.

નકુલ મહેતાએ પોતાની લોંગટાઈમ ગર્લફ્રેન્ડ જાનતી પારેખની સાથે અંદાજે 9 વર્ષ સુધી ડેટ કર્યા બાદ લગ્ન કરવાનો નિર્ણય કર્યો હતો. જણાવીએ કે, નકુલની પત્ની જાનકી સિંગર, વોઇસ ઓવર આર્ટિસ્ટ છે. સાથે જ જણાવીએ કે, નકુલની પત્ની જાનકી ફિલ્મ જબ વી મેટમાં તુમસે હીમાં પોતાનો અવાજ આપી ચૂકી છે.

નવી દિલ્હીઃ આઈપીએલની 11મી સીઝનમાં ચેન્નઈ સુપર કિંગ્સના તમામ મેચ ખૂબ જ રોમાંચક હોય છે. બુધવારે પણ એક એવો જ મેચ જોવા મળ્યો. આ મેચ અંતિમ ઓવર સુધી ખેંચાયો જે ખૂબ જ ચોંકાવનારું હતું. રોયલ ચેલેન્જર્સ બેંગલોર વિરૂદ્ધ રમાયેલ મેચમાં જીતના હીરો સીએસકેના કેપ્ટન મહેન્દ્ર સિંહ ધોની રહ્યા. આ મેચ જોવા માટે ટીવી સ્ટાર નકુલ મેહતા પણ આવ્યો હતો જેને ફેન્સ RCBના કેપ્ટન વિરાટની વાઈફ અને એક્ટ્રેસ અનુષ્કા શર્માના ‘ભાઈ’ તરીકે ઓળખે છે.

જણાવી દઈએ કે, ગત વર્ષે અનુષ્કા-વિરાટના લગ્ન વખતે સોશિયલ મીડિયા યૂઝર્સે નકુલને અનુષ્કાનો ભાઈ બનાવી દીધો હતો. નકુલે આવી એક પોસ્ટનો સ્ક્રિનશૉટ લઈને પોતાના ઑફિશિયલ ટ્વીટર પર પોસ્ટ કરી વિરાટ-અનુષ્કાને શુભેચ્છાઓ આપી હતી. તેણે લખ્યું હતું કે, ‘હું અનુષ્કાનો ભાઈ છું છતા તેણે મને લગ્નમાં ઈન્વાઈટ કર્યો નથી.’ આ ઘટના બાદ નકુલ ખૂબ જ પોપ્યુલર થઈ ગયો.