ઓસ્કર એવોર્ડમાં ક્રિસને મુક્કો મારનાર વિલ સ્મિથે માફી માંગી, જાણો મુક્કો મારવાનું શું કારણ આપ્યું

ઓસ્કાર 2022 સમારોહમાં બધાની સામે ક્રિસ રોકને મુક્કો માર્યા બાદ વિલ સ્મિથે હવે માફી માંગી છે. વિલ સ્મિથે જાહેરમાં આવીને માફી માંગી છે અને સ્વીકાર્યું છે કે તે ખોટો હતો

વિલ સ્મિથે મુક્કો માર્યા બાદ માફી માંગી

ઓસ્કાર 2022 સમારોહમાં બધાની સામે ક્રિસ રોકને મુક્કો માર્યા બાદ વિલ સ્મિથે હવે માફી માંગી છે. વિલ સ્મિથે જાહેરમાં આવીને માફી માંગી છે અને સ્વીકાર્યું છે કે તે ખોટો હતો, એટલું જ નહીં વિલ સ્મિથ પોતે પણ પોતાના આ કૃત્યથી શરમ અનુભવી રહ્યો છે. વિલ સ્મિથે તેના સોશિયલ મીડિયા એકાઉન્ટ ઈન્સ્ટાગ્રામ પર માફી માંગીને લખ્યું છે કે 'કોઈપણ રુપેની હિંસા ઝેરી અને વિનાશક હોય છે. ગઈ રાતના એકેડેમી એવોર્ડ્સમાં મારું વર્તન સ્વિકારવા લાયક નહોતું. મારા ખર્ચ વિશે મજાક કરવી એ મારા કામનો એક ભાગ છે, પરંતુ જાડા (વિલની પત્ની)ની તબીબી સ્થિતિની મજાક ઉડાવવી એ મારી સહનશક્તિની બહાર હતું અને મેં ભાવુક થઈને એ રીતે પ્રતિક્રિયા આપી હતી.

'હું તમારી જાહેરમાં માફી માંગવા માંગુ છું, ક્રિસ. મેં લાઈન ક્રોસ કરી હતી, હું ખોટો હતો. હું શરમ અનુભવું છું અને મારી હરકતો એવા આદમી જેવી નહોતી જેવો આદમી હું બનવા માંગુ છું. પ્રેમ અને દયાની દુનિયામાં હિંસા માટે કોઈ સ્થાન નથી. હું એકેડેમી, શોના નિર્માતાઓ, શોમાં હાજર લોકો અને વિશ્વભરમાં શોને જોનારા દરેક વ્યક્તિની પણ માફી માંગવા માંગુ છું. હું વિલિયમ્સ પરિવાર અને મારા રાજા રિચાર્ડ પરિવારની માફી માંગવા માંગુ છું. મને ઘણો અફસોસ છે કે મારા વર્તનથી આ સુંદર યાત્રા પર ડાઘ પડી ગયો છે. હું તેના પર કામ કરી રહ્યો છું અને કરીશ.

 

 

 

 

 

View this post on Instagram

 

 

 

 

 

 

 

 

 

 

 

A post shared by Will Smith (@willsmith)

વિલ સ્મિથે ક્રિસને શા માટે મુક્કો માર્યો?
ક્રિસ રોક ડોક્યુમેન્ટરી ફીચર માટે ઓસ્કાર એવોર્ડ રજૂ કરવા સ્ટેજ પર આવ્યો હતો. આ દરમિયાન ક્રિસ રોકે વિલ સ્મિથની પત્નીના વાળ પર કોમેન્ટ કરી, જેના કારણે વિલ સ્મિથ ગુસ્સે થઈ ગયો અને તે સ્ટેજ પર પહોંચ્યો હતો. ત્યાર બાદ તેણે ક્રિસ રોકના ચહેરા પર મુક્કો માર્યો હતો. G.I Jane 2 ફિલ્મને લઈને ક્રિસ રોકે વિલ સ્મિથની પત્ની જેડા પિંકેટ સ્મિથની મજાક ઉડાવી હતી. જાડાની ટાલ પર ટિપ્પણી કરતા ક્રિસ રોકે કહ્યું કે, ટાલ હોવાના કારણે જ તેને આ ફિલ્મમાં કામ કરવાની તક મળી. વિલ સ્મિથ દ્વારા મુક્કો મારવામાં આવ્યા બાદ ક્રિસ રોક થોડીવાર માટે સ્તબ્ધ રહ્યો, પરંતુ તેણે તેને હળવાશથી લીધું હતું. વિલ સ્મિથે ક્રિસને કહ્યું હતું કે, મારી પત્નીનું નામ તારા મોંમાંથી ના લેતો.