ગુજરાત ચૂંટણીઃ કોગ્રેસના ક્યા ચાર ધારાસભ્યોની જીતને હાઇકોર્ટમાં પડકારવામાં આવી?

જમાલપુર પરથી ઇમરાન ખેડાવાલાની જીતને હબીબ શેખે પડકારી છે

પાટણ બેઠક પરથી વિજેતના બનેલા કોગ્રેસના ધારાસભ્ય કે.સી પટેલની જીતને જકશીજી ઠાકોરે પડકારી છે.

ગાંધીનગર ઉત્તર પરથી સી.જે ચાવડાની જીતને કમલેશ જોષીએ પડકારી છે

દાણીલીમડા બેઠક પરથી વિજેતા બનેલા કોગ્રેસના ધારાસભ્ય શૈલેષ પરમારની જીતને જયંત મેવાડાએ પડકારી છે.

ગાંધીનગરઃ ગત ગુજરાત વિધાનસભાની ચૂંટણીમાં વિજેતા બનેલા ભાજપના 17 ધારાસભ્યો તો કોગ્રેસના 4 ધારાસભ્યો વિરુદ્ધ ગુજરાત હાઇકોર્ટમાં પીટિશન દાખલ કરવામાં આવી છે. આ અરજી પાંચ હજારથી ઓછા મતે જીતેલા 20 બેઠકોના ધારાસભ્યો વિરુદ્ધ કરવામાં આવી છે. અરજીમાં તમામ વીવીપેટની ગણતરીની માંગ કરવામાં આવી છે. જ્યારે કે બીજી તરફથી કોગ્રેસના ચાર ઉમેદવારોની જીતને પણ અપક્ષો અને આપના ઉમેદવારો દ્ધારા પડકારવામાં આવી છે. કોગ્રેસના જે ધારાસભ્યોની જીતને હાઇકોર્ટમાં પડકારવામાં આવી છે તેમાં દાણીલીમડા, જમાલપુર, ગાંધીનગર ઉત્તર, અને પાટણ બેઠકનો સમાવેશ થાય છે.