CM વિજય રૂપાણી ભાષણ આપતા હતા ને ધારાસભ્યને આવી ગઈ નીંદર, જુઓ તસવીરો

મહેસાણાઃ મહેસાણા ખાતે મુખ્યમંત્રી વિજય રૂપાણી, નાયબ મુખ્યમંત્રી નીતિનભાઈ પટેલની ઉપસ્થિતિમાં જિલ્લાનું નુતન વર્ષ સ્નેહમિલન યોજાયું હતું. ભાજપ દ્વારા યોજાયેલા સ્નેહમિલન કાર્યક્રમમાં મુખ્યમંત્રી વિજય રૂપાણી ભાષણ આપતા હતા ત્યારે પક્ષના જ એક ધારાસભ્ય નીંદર માણતા કેમેરામાં કેદ થઈ ગયા હતા. સ્ટેજ પર બિરાજમાન ખેરાલુના ભાજપના ધારાસભ્ય અને દંડક ભરતસિંહ ડાભી ઘસઘસાટ ઉંઘતા જોવા મળ્યા હતા.

હાલ આ અંગેનો વીડિયો સોશિયલ મીડિયામાં વાયરલ થઈ રહ્યો છે.

જ્યારે તેમને ખબર પડી કે સ્ટેજ પર આમંત્રિત નેતાઓ અને મહેમાનો કોઇક બાબત પર તાળીઓ પાડી રહ્યાં છે, તો અચાનકજ ઝબકી જઇને તાળીઓ પાડવા લાગ્યા હતા. આ સમગ્ર ઘટના ત્યાં હાજર મીડિયાકર્મીઓ દ્વારા કેમેરામાં કંડારી લેવામાં આવી હતી.