સચિન પાયલોટે સાડા ચાર વર્ષ પછી સાફો પહેર્યો, જાણો સચિને સાફો નહીં પહેરવા શું કરી હતી પ્રતિજ્ઞા?

લોકસભાની 2014ની ચૂંટણીમાં સચિન પાયલોટ દૌસા બેઠક પરથી હારી ગયા હતા. એ વખતે સચિન પાયલોટે સોગંદ ખાધા હતા કે જ્યાં લગી ચૂંટણીમાં ફરી નહીં જીતું અને રાજસ્થાનમાં કોંગ્રેસને સત્તા નહીં અપાવું ત્યાં લગી સાફો નહીં પહેરું. કોંગ્રેસ જીતતાં સચિન પાયલોટની આ કસમ પૂરી થઈ અને તેમણે સાફો પહેરીને શપથવિધી કરી.

રાજસ્થાન વિધાનસભાની ચૂંટણીમાં જીત બાદ કોંગ્રેસમાં મુખ્યમંત્રી પદને લઈને ભારે રસાકસી જામી હતી. ગહેલોત અને સચિન પાયલટ બંને વચ્ચે મુખ્યમંત્રી પદને લઈને ભારે ખેંચતાણ સર્જાઈ હતી. આ મામલે નિર્ણય કરવા દિવસો સુધી બેઠકોનો ધમધામટ રહ્યો હતો.