Weak Kidney Diet: શું આપની કિડની નબળી છે? આ લક્ષણો અનુભવાય તો થઇ જાવ સાવધાન, ડાયટમાં આટલો કરો ફેરફાર

ખરાબ કિડની શરીરના બાકીના અંગોની કાર્યક્ષમતા પર ખરાબ અસર કરી શકે છે. એટલા માટે તેના સ્વાસ્થ્ય પર ધ્યાન આપવું અને લક્ષણોને ઓળખ્યા પછી તેની સારવાર કરવી ખૂબ જ મહત્વપૂર્ણ છે.

હેલ્થ ટિપ્સ

Weak Kidney Diet:ખરાબ કિડની શરીરના બાકીના અંગોની  કાર્યક્ષમતા પર  ખરાબ અસર કરી શકે છે. એટલા માટે તેના સ્વાસ્થ્ય પર ધ્યાન આપવું અને લક્ષણોને ઓળખ્યા પછી તેની સારવાર કરવી ખૂબ જ મહત્વપૂર્ણ છે.

     કિડની આપણા શરીરનું સૌથી મહત્વપૂર્ણ અંગ છે. તે એટલું મહત્વનું છે કે જો તેની તબિયત બગડે છે તો શરીરના અન્ય અંગો પણ ખરાબ રીતે પ્રભાવિત થાય છે. લોહીને સ્વચ્છ રાખવાની સાથે સાથે કિડની શરીરમાંથી નકામા પદાર્થોને બહાર કાઢવાનું કામ કરે છે. આ સિવાય તે ઘણા પ્રકારના હોર્મોન્સના  સ્ત્રાવ પણ કરે છે. જ્યારે કિડની  બગડવા લાગે છે, ત્યારે આ તમામ કાર્યોમાં પણ અવરોધ આવે છે, જેના કારણે શરીરને ઘણી મુશ્કેલીઓનો સામનો કરવો પડે છે. તમારી કિડની નબળી છે તે કેવી રીતે જાણી શકાય, તેના લક્ષણો શું છે જાણીએ.

નબળા આહાર અને બિનઆરોગ્યપ્રદ જીવનશૈલી જેવા ઘણા પરિબળો તમારી કિડનીના સ્વાસ્થ્યને અસર કરે છે. ન્યુટ્રિશનિસ્ટ ભક્તિ કપૂરના કહેવા મુજબ  આંખોમાં સોજો, ચહેરા પર સોજો,  ફીણવાળો પેશાબ, આ લક્ષણો નબળી કિડનીને સૂચવે છે. તમારી કિડની નબળી છે. જોકે ડરવાની જરૂર નથી. તમારી કિડનીની તંદુરસ્તી જાળવવા અને તેને મજબૂત રાખવા માટે તમારે તમારા આહાર અને જીવનશૈલીમાં થોડો ફેરફાર કરવો પડશે.

ન્યુટ્રિશનિસ્ટ કહે છે કે સારા આહારથી કિડનીને મજબૂત રાખી શકાય છે.  ભક્તિ કપૂરે  ઇન્સ્ટાગ્રામ પોસ્ટમાં સમજાવ્યું છે કે, ફીણવાળું પેશાબ અથવા ખીલવાળો ચહેરો અથવા પફ્ફી આઇ ડિહાઇડ્રેશનને કારણે હોઈ શકે છે. એટલા માટે પૂરતા પ્રમાણમાં પાણી પીવો. શ્વાસમાં દુર્ગંધ આવવી અથવા મોંનો વિચિત્ર ટેસ્ટ એ પણ સૂચવે છે કે તમારી કિડની નબળી છે.

ન્યુટ્રિશનિસ્ટ ભક્તિ કપૂર લીંબુના રસનો ઉપયોગ કરવાની અને વિટામિન સીથી સમૃદ્ધ ખોરાક ખાવાની ભલામણ કરે છે. દરરોજ તાજા લીંબુનો રસ કોઇ ડ્રિન્કમાં મિકસ કરીને પીવો જોઇએ. કારણ કે લીંબુના રસમાં વિટામિન સી ભરપૂર માત્રામાં હોય છે. પોષક તત્વોથી ભરપૂર અન્ય ખાદ્ય પદાર્થોમાં લીલા પાંદડાવાળા શાકભાજી, ખાટાં ફળો, બ્રોકોલી અને કાકડીઓનો સમાવેશ થાય છે. આ ખાદ્યપદાર્થોમાં સાઇટ્રેટ નામનું તત્વ હોય છે, જે કેલ્શિયમ પથરીની રચનાને રોકવામાં મદદરૂપ છે.

કીડનીને સ્વસ્થ રાખવા માટે વધારે મીઠું વાળી વસ્તુઓથી બચવું પણ જરૂરી છે. ન્યુટ્રિશનિસ્ટ્સ જણાવે છે કે ઓછા પોટેશિયમવાળી ખાદ્ય ચીજો ખાવી જોઈએ, જેમ કે સફરજન, દ્રાક્ષ, ગાજર, કઠોળ, કોબી અને સ્ટ્રોબેરી. પોટેશિયમનું પ્રમાણ વધુ હોય તેવા ખાદ્ય પદાર્થોમાં કેળા, નારંગી, બટાકા અને ટામેટાંનો સમાવેશ થાય છે. કિડનીની સમસ્યાથી પીડાતા લોકોએ મીઠાનું વધુ પડતું સેવન ટાળવું જોઈએ.

સેલરીનો રસ કિડનીને સ્વસ્થ રાખવામાં પણ મદદ કરી શકે છે. ન્યુટ્રિશનિસ્ટ્સ જણાવે છે કે તેમાં ખનિજ ક્ષાર હોય છે, જે કિડનીના કાર્યને જાળવવા અને વધારવામાં મદદ કરી શકે છે. તમારા ભોજનની 30 મિનિટ પહેલા દરરોજ 1-2 ગ્લાસ અજવાઇનનો રસ પીવો.

Disclaimer: અહીં આપેલી માહિતી માત્ર માન્યતાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે, abp અસ્મિતા કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.