Health tips: મોતનું કારણ બની શકે છે કેફીન, જાણો એક દિવસમાં કેટલા કપ કોફી પીવી હિતાવહ

અચનાક જ કેફીન ઓછું કરવું મુશ્કેલ બની શકે છે. જો કેફીનનું સેવન અચાનક ઓછું કરવામાં આવે તો માથાનો દુખાવો, થાક, ચીડિયાપણું જેવા લક્ષણો દેખાવા લાગે છે પરંતુ સારી વાત એ છે કે તે થોડા દિવસોમાં જ ઠીક થઈ જાય છે.

કોફીના નુકસાન

Health tips:અચનાક જ કેફીન ઓછું કરવું મુશ્કેલ બની શકે છે. જો કેફીનનું સેવન અચાનક ઓછું કરવામાં આવે તો માથાનો દુખાવો, થાક, ચીડિયાપણું જેવા લક્ષણો દેખાવા લાગે છે પરંતુ સારી વાત એ છે કે તે થોડા દિવસોમાં જ ઠીક થઈ જાય છે.

જો તમે કોફી પીતા હોવ તો તમારા માટે મહત્વના સમાચાર છે. યુએસ ફૂડ એન્ડ ડ્રગ એડમિનિસ્ટ્રેશન અનુસાર, કેફીનનો પાવડર અથવા પ્રવાહી સ્વરૂપ શરીર માટે જોખમી હોઈ શકે છે. 1 ચમચી કેફીન પાવડર લગભગ 28 કપ કોફીની સમકક્ષ છે. કેફીનની આટલી વધુ માત્રા વ્યક્તિના સ્વાસ્થ્ય પર મોટી અસર કરી શકે છે. મૃત્યુ પણ થઈ શકે છે. પુખ્ત વયના લોકોમાં કેફીનનો ઉપયોગ સ્વીકાર્ય છે પરંતુ બાળકોમાં તેનો ઉપયોગ કરવાની ભલામણ કરવામાં આવતી નથી.

યુવાનો અને કિશોરોએ વધુ પડતા કેફીનનો ઉપયોગ ટાળવો જોઈએ. કેફીનનો ઉપયોગ આલ્કોહોલ અને અન્ય દવાઓ સાથે પણ થઈ શકે છે. જે મહિલાઓ ગર્ભવતી છે અથવા ફેમિલી પ્લાનિંગ કરી રહી છે કે પછી  બાળકોને સ્તનપાન કરાવતા હોય, તેવી મહિલાએ  આખા દિવસમાં ઓછામાં ઓછા 200 મિલિગ્રામ કેફીનનું સેવન જ  કરવું જોઈએ. , કેફીનનું સેવન યુવાનો માટે નુકસાનકારક હોઈ શકે છે. કેફીન એવા લોકો માટે સમસ્યાને વધુ ખરાબ કરી શકે છે જેઓ પહેલેથી જ કેફીનની અસરો ઘટાડવા માટે વિવિધ પ્રકારની દવાઓ લેતા હોય છે. જો તમે દિવસમાં ઓછામાં ઓછા 4 કપથી વધુ કેફીનયુક્ત કોફી પીતા હોવ તો તે તમારા માટે ખૂબ જ નુકસાનકારક છે.

શું સમસ્યા હોઈ શકે છે

વધુ પડતા કેફીનનું સેવન કરવાથી માથાનો દુખાવો, અનિદ્રા, નર્વસનેસ, ચીડિયાપણું, વારંવાર પેશાબ થવો ,  ધબકારા વધી જવા, સ્નાયુઓમાં કંપન જેવી સમસ્યાઓ થઈ શકે છે. કેફીનનું વધુ સેવનથી બેચેની અને અનિદ્રા જેવી આડઅસરો થઇ શકે છે.

કેફીનની આદત કેવી રીતે તોડવી

ખાદ્યપદાર્થો અને પીણાઓ, ખાસ કરીને એનર્જી ડ્રિંક્સ દ્વારા તમે કેટલી કેફીનનો વપરાશ કરો છો તે ટ્રૅક કરવાનું શરૂ કરો. લેબલ પર ધ્યાન આપો. જો કે, કેટલાક કેફીનયુક્ત ખોરાક અને પીણાં પર લેબલ નથી હોતા

ધીમે ધીમે ઘટાડો

ધીમે ધીમે કોફી પીવાની આદત ઓછી કરી શકાય છે. કોફી પીવાની વધુ આદત હોય તો કપ નાનો રાખો,  કોફી સિવાય દિવસ દરમિયાન અન્ય કેફીનયુક્ત પીણાં ટાળવાનો પ્રયાસ કરો.  જે આપના  શરીરમાં  કેફીનના નીચા સ્તરને સમાયોજિત કરવામાં મદદ કરશે. મોટાભાગના લોકો તેમના દિવસની શરૂઆત કેફીનથી કરે છે. જો તે તમારા સ્વાસ્થ્ય માટે હાનિકારક ન હોય તો ઠીક છે પરંતુ ધીમે ધીમે તમારા શરીરમાં કેફીનનું પ્રમાણ ઘટાડવાનો પ્રયાસ કરો.