શું પ્રોટીનના વધુ પડતા સેવનથી વધે છે યુરિક એસિડનું પ્રમાણ? જાણો નિષ્ણાતો શું કહે છે?
યુરિક એસિડ એક વેસ્ટ પ્રોડક્ટ છે જે શરીરમાં પ્યૂરિન નામના પદાર્થના તૂટવાથી બને છે
યુરિક એસિડ એક વેસ્ટ પ્રોડક્ટ છે જે શરીરમાં પ્યૂરિન નામના પદાર્થના તૂટવાથી બને છે. પ્યૂરિન કુદરતી રીતે આપણા શરીરમાં હાજર હોય છે અને કેટલાક ખોરાકમાં પણ જોવા મળે છે. જ્યારે શરીરમાં પ્યૂરિનનું પ્રમાણ વધુ હોય છે ત્યારે યુરિક એસિડનું ઉત્પાદન વધી શકે છે.
પ્યૂરિનથી ભરપૂર ખોરાક ખાવાનું ટાળો
લોકો ઘણીવાર પ્રોટીન અને પ્યૂરિનને એક જ માને છે પરંતુ બંને અલગ છે. હાઈ યુરિક એસિડ હોવા પર પ્રોટીન કરતાં વધુ માત્રામાં પ્યૂરિન ધરાવતા ખોરાકનું સેવન ઓછું કરવું જોઈએ. જ્યારે આપણે રેડ મીટ, માછલી, દ્રાક્ષ જેવા ઓર્ગન મીટ અથવા અમુક પ્રકારના કઠોળ જેવા હાઈ પ્રોટીન ખોરાકનું સેવન કરીએ છીએ, ત્યારે શરીરમાં પ્યૂરિન નામના સંયોજનનું પ્રમાણ વધે છે. જ્યારે પ્યૂરિનનું ચયાપચય થાય છે ત્યારે શરીરમાં યુરિક એસિડ બને છે. જો શરીર આ વધારાનું યુરિક એસિડ યોગ્ય રીતે દૂર કરવામાં અસમર્થ હોય છે તો તે લોહીમાં એકઠું થવા લાગે છે અને સંધિવા, સાંધાનો દુખાવો અથવા કિડનીમાં પથરી જેવી સમસ્યાઓનું જોખમ વધારે છે.
જો કે, એ સમજવું મહત્વપૂર્ણ છે કે બધા પ્રકારના પ્રોટીન હાનિકારક નથી. મગની દાળ, ચણા, ઓછી ચરબીવાળા ડેરી ઉત્પાદનો, ટોફુ અને સોયા ઉત્પાદનો જેવા પ્લાન્ટ બેઝ્ડ પ્રોટીનમાં પ્યૂરિનનું પ્રમાણ ઓછું હોય છે અને જ્યાં સુધી તે સંતુલિત માત્રામાં ખાવામાં આવે ત્યાં સુધી તે શરીરને નુકસાન પહોંચાડતા નથી.
આ ખોરાકથી દૂર રહો
જો કોઈ વ્યક્તિને યુરિક એસિડનું પ્રમાણ વધુ હોવાની ફરિયાદ હોય તો તેણે રેડ મીટ, સીફૂડ, બીયર અને ખાંડયુક્ત ખોરાકથી દૂર રહેવું જોઈએ. ઉપરાંત હાઈ પ્રોટીન ખોરાક લેતા પહેલા ડૉક્ટરની સલાહ લો જેથી આહાર સંતુલિત રહે અને શરીરને જરૂરી પોષણ પણ મળે.
Check out below Health Tools-
Calculate Your Body Mass Index ( BMI )
ટોપ સ્ટોરી
ટ્રેન્ડિંગ સમાચાર
