Summer Effects: આ રીતે તમે કરી શકો છો શરીરને ડિટોક્સ, જાણી લો આ ઘરગથ્થુ ઉપાયો 

ઉનાળામાં લૂ, હિટવેવ ખૂબ જ ખતરનાક હોય છે. જેના કારણે થાક, ચક્કર, બેચેની જેવી સમસ્યાઓ થાય છે. જો આવા લક્ષણો દેખાય છે તો તરત જ એલર્ટ થવાની જરૂર છે.

પ્રતિકાત્મક તસવીર

Fruit Juice Benefits: આકરો ઉનાળો લોકોને અકળાવી રહ્યો છે. લૂ, હીટવેવ જેવી ગંભીર સમસ્યાઓનો લોકો સામનો કરી રહ્યા છે. ત્યારે આગામી દિવસોમાં આવી સમસ્યાઓ વધી શકે છે. હીટસ્ટ્રોકને કારણે ચક્કર આવવા, થાક લાગવો, ઉબકા આવવા જેવી સામાન્ય સમસ્યાઓ થાય છે. ઉનાળામાં થતી આવી સમસ્યાઓ સામાન્ય છે. પરંતુ અહીં એ જાણવું પણ જરૂરી છે કે આવી સમસ્યા સમયે આખા શરીરને કેવી રીતે તાજગી આપી શકાય. ચાલો એ જાણવાનો પ્રયત્ન કરીએ કે શરીરને કેવી રીતે ડિટોક્સ કરી શકાય અને ફિટ રહી શકાય.

પહેલા જાણી લો કે શું છે ફાયદા

લોહી શુદ્ધિ હોવું ખૂબ જ જરૂરી છે. બોડી ડિટોક્સ પ્રક્રિયા આ જ કરે છે. તે લોહીને શુદ્ધ કરવાનું કામ કરે છે. જેનાથી માનસિક સ્વાસ્થ્ય સારું રહે છે. રોગપ્રતિકારક શક્તિ વધે છે. હોર્મોનલ સંતુલન, સારી ઊંઘ અને શારીરિક રીતે ફિટ રહે છે.

આ રીતે બોડી ડિટોક્સ કરો

ઉપવાસ કરો

શરીરનું ડિટોક્સિફિકેશન ખૂબ જ મહત્વપૂર્ણ છે. આ માટે ઉપવાસ એ સારો ઉપાય છે. જો તમને ભૂખ લાગે તો તમે ફુદીનો, કાકડીના ટુકડા, લીંબુ અને આદુ મિક્સ કરીને પી શકો છો.

વધુ પાણી પીવો

પાણી શરીરનો ખૂબ જ મહત્વપૂર્ણ ભાગ છે. શરીરમાં સૌથી વધુ પાણી હોય છે. શરીરને ડિટોક્સ કરવા માટે વધુને વધુ પાણી પીવું સૌથી જરૂરી છે. દરરોજ 6 થી 7 લીટર પાણી પીવું જોઈએ.

ફળો અને લીલા શાકભાજી ખાઓ

લીલા શાકભાજી અને ફળો ખાવા એ પણ શરીરને ડિટોક્સ કરવાની એક સરસ રીત છે. જો ફળો અને લીલા શાકભાજી રોજિંદા આહારનો ભાગ નથી, તો તેનો સમાવેશ કરવો જોઈએ. સલાડ પણ દરરોજ ખાવું જોઈએ.

આ સમયે રાત્રિભોજન કરો

રાત્રિભોજન દરરોજ રાત્રે 7 થી 8 ની વચ્ચે કરવું જોઈએ. ભોજન કર્યા પછી ઓછામાં ઓછા 1000 ડગલાં ચાલવા જોઈએ. સવારે યોગ કરો. વ્યાયામ સ્વસ્થ રહેવામાં મદદ કરી શકે છે.

Disclaimer: અહીં, આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં સંબંધિત નિષ્ણાતની સલાહ લો