Health Tips: શું ખરેખર શાક કે ખાવાની કોઈ પણ વસ્તુ પર મીઠું નાખવું જોખમી છે? જાણો તેની પાછળનું લૉજિક

મીઠા વગરનો કોઈપણ ખોરાક બેસ્વાદ લાગે છે. એટલા માટે ખોરાકમાં યોગ્ય માત્રામાં મીઠું હોવું જોઈએ. પરંતુ જો તમે મીઠું નાખીને શાકભાજી, સલાડ અને રાયતા ખાઓ છો તો તે સ્વાસ્થ્ય માટે સારું નથી.

પ્રતિકાત્મક તસવીર

Health Tips: મીઠા વગરનો કોઈપણ ખોરાક બેસ્વાદ લાગે છે. એટલા માટે ખોરાકમાં યોગ્ય માત્રામાં મીઠું હોવું જોઈએ. મીઠામાં સોડિયમ, આયોડિન, પોટેશિયમ અને કેલ્શિયમ હોય છે. તે સ્વાદની સાથે સ્વાસ્થ્ય માટે પણ ખૂબ જ જરૂરી છે. પરંતુ તમારી જાણકારી માટે તમને જણાવી દઈએ કે શાકમાં મીઠું નાખીને ખાવાથી જાણ્યે-અજાણ્યે તમે અનેક રોગોને આમંત્રણ આપો છો. વધુ મીઠું ખાવાથી બીપીની સમસ્યા વધવા લાગે છે. તેની સાથે જ હૃદયને લગતી બીમારીઓ પણ થવા લાગે છે. આટલું જ નહીં જો તમે ઉપરથી મીઠું નાખીને શાકભાજી અથવા કોઈપણ ખોરાક ખાઓ છો, તો તમારા ઓર્ગનને પણ તેની અસર થાય છે.

ઉપરથી મીઠું ખાવાથી તમારા સ્વાસ્થ્ય પર ખરાબ અસર પડે છે

રોટલી, ભાત, દાળ અથવા કોઈપણ ખાદ્ય વસ્તુમાં સોડિયમ કુદરતી રીતે હાજર હોય છે. જો તેમાં મીઠું ન ઉમેરવામાં આવે તો પણ સોડિયમ મળી રહે છે. જો તમારે સ્વસ્થ રહેવું હોય તો કોઈપણ વાનગી કે ભોજનમાં મીઠું ન નાખવું જોઈએ. જો તમને દરેક વસ્તુમાં વધુ મીઠું ખાવાની આદત હોય તો તમારે આ આદતને સમયસર બદલવી જોઈએ.

5 ગ્રામથી વધુ મીઠું ન ખાવું જોઈએ

હેલ્થ એક્સપર્ટના મતે રોજના ખોરાકમાં વધુ મીઠું ખાવાથી 9 થી 10 ગ્રામ સુધી પહોંચી જાય છે. આમ કરવાથી તમને સ્વાસ્થ્ય સંબંધિત ઘણી સમસ્યાઓ થઈ શકે છે. આહારમાં હંમેશા એક વાતનું ધ્યાન રાખો કે 5 ગ્રામથી વધુ મીઠું ન હોવું જોઈએ. અમુક શાકભાજી લોકોને ઓછી પસંદ હોય છે. અને તેને ખાવા માટે લોકો તેમાં વધુ મીઠું નાખીને ખાય છે. ઉપરથી વધુ મીઠું અને મીઠું નાખીને સલાડ ખાવું પણ યોગ્ય નથી. ઘણીવાર આપણે ખાવાની સાથે મીઠું અને અથાણું લઈએ છીએ. તમારી જાણકારી માટે તમને જણાવી દઈએ કે આવું કરવું બિલકુલ ખોટું છે. કારણ કે 5 ગ્રામથી વધુ મીઠું ખાવાથી શરીરને ઘણું નુકસાન થાય છે.

શરીરના ઓર્ગનને કરી શકે છે અસર

હેલ્થ એક્સપર્ટ હંમેશા કહે છે કે પ્રોસેસ્ડ ફૂડને ન્યૂનતમ આહારમાં સામેલ કરવું જોઈએ. કારણ કે તેમાં મીઠું અને ખાંડ બંનેનું પ્રમાણ ખૂબ વધારે હોય છે. તમે ફળો ખાતા હો કે સલાડ, જો તમે બંને ઉપર મીઠું નાખીને ખાશો તો તે સ્વાસ્થ્ય માટે સારું નથી.

Disclaimer: અહીં, આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં સંબંધિત નિષ્ણાતની સલાહ લો