ડિનર અથવા લંચમાં સ્વાદિષ્ટ અને હેલ્ધી ખાવાની ઈચ્છા હોય તો બનાવો Palak Dal Khichdi

Palak Dal Khichdi: જો તમે ઈદમાં ખૂબ જ હેવી ફૂડ ખાધું હોય તો અમે તમને ખૂબ જ ટેસ્ટી અને હેલ્ધી ખીચડીની રેસિપી જણાવી રહ્યા છીએ.

palak dal khichdi

Palak Dal Khichdi: જો તમે ઈદના અવસર પર વધુ પડતા તેલમાં મસાલેદાર ચિકન મટન ખાધું હોય તો તે તમારા માટે નુકસાનકારક સાબિત થઈ શકે છે. આવી સ્થિતિમાં જો તમે હવે કંઈક હલકું ખાવાનું વિચારી રહ્યા છો જે સ્વાદિષ્ટ હોવાની સાથે સાથે તમારા સ્વાસ્થ્ય માટે પણ ફાયદાકારક છે, તો અમે તમને પાલક દાળ ખીચડીની રેસિપી જણાવી રહ્યા છીએ જે ઝડપથી તૈયાર થઈ શકે છે. તમે આ વાનગી રાત્રે ખાઈ શકો છો. અથવા તમે તેને લંચમાં પણ ખાઈ શકો છો. આ વાનગીમાં પાલક અને દાળનો ઉપયોગ કરવામાં આવે છે, જે બાળકો, વડીલો અને વૃદ્ધો માટે પણ ફાયદાકારક સાબિત થાય છે. તે બનાવવી ખૂબ જ સરળ છે. આવો જાણીએ પાલક દાળ ખીચડી બનાવવાની રીત

પાલક દાળ ખીચડી બનાવવા માટેની સામગ્રી

પાલક 1 કપ

1 ડુંગળી સમારેલી

ચોખા અડધો કપ

તુવેર દાળ એક કપ

જીરું અડધી ચમચી

હળદર પાવડર અડધી ચમચી

સ્વાદ માટે મીઠું

લાલ મરચું પાવડર અડધી ચમચી

દેશી ઘી એક ચમચી

2 ઝીણા સમારેલા લીલા મરચા

પાલક દાળ ખીચડી બનાવવા માટેની રીત

પાલક દાળ ખીચડી બનાવવા માટે પહેલા ચોખા અને દાળને સારી રીતે સાફ કરી લો. આ પછી તેને હુંફાળા પાણીમાં 10 મિનિટ માટે પલાળી રાખો. હવે પ્રેશર કૂકરમાં ઘી મૂકી ગેસ પર ગરમ કરો. ઘી ગરમ થાય એટલે તેમાં જીરું અને બારીક સમારેલા મરચાંની સાથે સમારેલી ડુંગળી ઉમેરો. હવે આ બધાને એકસાથે સારી રીતે ફ્રાય કરો, ત્યાર બાદ તેમાં હળદર પાવડર, લાલ મરચું પાવડર નાખીને 1 મિનિટ માટે સાંતળો. આ પછી સ્વાદ મુજબ મીઠું નાખો અને પછી દાળ ભાત ઉમેરો. હવે તેમાં એક ગ્લાસ પાણી નાખીને બેથી ત્રણ મિનિટ પકાવો. હવે તેને સારી રીતે ધોઈને બારીક કાપ્યા પછી પાલક ઉમેરો. પછી કૂકર બંધ કરીને 10 મિનિટ પકાવો. કૂકરમાં બે સીટી વાગે પછી ગેસ બંધ કરી દો. તો તૈયાર છે તમારી પાલક દાળ ખીચડી.તેને પ્લેટમાં કાઢીને દહીં, ઘી, ચટણી અથવા અથાણાં સાથે સર્વ કરો.

આ પણ વાંચો: Roti Ka Samosa: બચી ગયેલી રોટલીમાંથી બનાવો સ્વાદિષ્ટ સમોસા, નોંધી લો ફટાફટ રેસિપી

Roti Samosa Recipe: ભારતીય પરિવારોમાં લંચ હોય કે ડિનર દરેકને રોટલી ખાવાનું ગમે છે. તે સ્વાસ્થ્ય માટે ખૂબ જ પૌષ્ટિક છે. ત્યારે કામ કરતા લોકો માટે ટિફિન લઈ જવાનું સરળ છે. બીજી તરફ જો તમને ઘરમાં ભોજન કરતી વખતે ગરમાગરમ રોટલી મળે તો મજા આવી જાય. ઘણીવાર આપણા ઘરોમાં રોટલી વધી પડે છે કારણ કે કોઈના કોઈ સભ્ય બહાર હોય અથવા બહાર જમીને આવ્યું હોય. જેના લીધે રોટલી બચે છે. અને આ વધેલી રોટલીને ફેકવાનું મન ના થતું હોય તો આજે અમે તમને એક રેસિપી જણાવીશું જેમાં તમે બચેલી રોટલીનો ઉપયોગ કરી શકો છો

બચેલી રોટલીમાંથી બનાવો યુનિક રેસિપી 

અત્યાર સુધી તમે ઘણા પ્રકારના સમોસા ખાધા હશે અને બનાવ્યા હશે. આજે અમે તમને વધેલી રોટલામાંથી ટેસ્ટી સમોસા બનાવવાની રેસિપી જણાવી રહ્યા છીએ (Roti Samosa Recipe). બીજી તરફ, કેટલાક લોકો મેંદાના લોટના બનેલા સમોસા ખાતા નથી. આવી સ્થિતિમાં જો તમે વધેલી રોટલીમાંથી સમોસા બનાવશો, તો તે ખાવામાં સ્વાદિષ્ટ બનશે અને તેનાથી કોઈ નુકસાન થશે નહીં. આજે અમે તમને વધેલી રોટલીની અદભૂત રેસિપી જણાવી રહ્યા છીએ.

રોટલી સમોસા બનાવવા માટેની સામગ્રી

બચેલી રોટલી - 4

બાફેલા બટાકા - 2-3

ચણાનો લોટ - 3 ચમચી

લીલા મરચા સમારેલા - 2

લાલ મરચું પાવડર - 1/2 ચમચી

ગરમ મસાલો - 1/2 ચમચી

કલોંજી - 1/2 ચમચી

લીલી કોથમીર

તેલ - તળવા માટે

મીઠું - સ્વાદ મુજબ

સમોસા બનાવવા માટે આ રીતે મસાલો તૈયાર કરો

સૌ પ્રથમ બાફેલા બટાકાને સારી રીતે મેશ કરી લો. હવે એક પેનમાં તેલ મુકો. હવે તેમાં વરિયાળી અને લીલા મરચાં નાખીને થોડી સેકંડ માટે સાંતળો. આ પછી તેમાં બાફીને  છૂંદેલા બટાકાને કડાઈમાં નાખો. થોડીવાર તેને હલાવતા રહો. હવે તેમાં સ્વાદ અનુસાર બધા મસાલા અને મીઠું ઉમેરીને બરાબર મિક્ષ કરી લો. તેની ઉપર કોથમીર નાખી તેને થોડા ઠંડા થવા દો

બ્રેડ સમોસા રેસીપી

સૌપ્રથમ ચણાના લોટનું ઘટ્ટ બેટર તૈયાર કરો. હવે રોટલીને વચ્ચેથી કાપી લો. હવે એક ટુકડો લો અને તેમાંથી કોન બનાવો અને તેમાં બટાકાનો મસાલો ભરો. તેને સમોસાનો આકાર આપો અને તેને ચણાના લોટની મદદથી ચોંટાડો. હવે એક પેનમાં તેલ ગરમ કરો અને તેને ડીપ ફ્રાય કરો. તેને ચટણી સાથે ગરમા-ગરમ સર્વ કરો.