Health Risk: શું ચોપિંગ બોર્ડ પર ટોઈલેટ સીટ કરતાં વધુ બેક્ટેરિયા હોય છે? જાણો સંપૂર્ણ સત્ય

કટિંગ કે ચોપિંગ બોર્ડ ઘરની સૌથી ગંદી વસ્તુઓમાંની એક છે. તે ખાવા પીવાની વસ્તુઓના સૌથી વધુ સંપર્કમાં આવે છે, તેથી તેમાં બેક્ટેરિયા અને ફૂગ વધવાની શક્યતા વધારે હોય છે.

પ્રતિકાત્મક તસવીર

Household Hygiene: ઘરનું રસોડું જેટલું સ્વચ્છ અને હાઈજેનિક દેખાય છે, વાસ્તવમાં તેટલું હોતું નથી. ઇસ્તાંબુલની ઝેલીઝમ યુનિવર્સિટીના એક અભ્યાસમાં જણાવવામાં આવ્યું છે કે 9% રોગો તો માત્ર રસોડામાં જ ઉત્પન્ન થતા બેક્ટેરિયાથી થાય છે. આજકાલ ઇન્ટરનેટ પર એક ચર્ચા ખૂબ જ વધારે થઈ રહી છે કે રસોડામાં સૌથી વધુ વપરાતું ચોપિંગ કે કટિંગ બોર્ડ (Cutting Board) ચેપનું ઘર છે. શાકભાજી, માંસ કાપવાનું ચોપિંગ બોર્ડ, ટોઈલેટ સીટ કરતાં પણ વધુ ગંદું છે. આ વાતમાં કેટલું સત્ય છે, ચાલો જાણીએ નિષ્ણાતો પાસેથી...

શું ચોપિંગ બોર્ડ ટોઈલેટ સીટ કરતાં પણ વધુ ગંદા છે?

ઘણા આહાર નિષ્ણાતોનું કહેવું છે કે ચોપિંગ બોર્ડમાં ઈ કોલી અને સાલ્મોનેલા જેવા હાનિકારક બેક્ટેરિયા હોઈ શકે છે, ખાસ કરીને ત્યારે જ્યારે તેઓ કાચા માંસ અને શાકભાજીના સંપર્કમાં આવે છે. જોકે ટોઈલેટ સીટ સાથે તેની તુલના થોડી વધારે હોઈ શકે છે, કારણ કે ચોપિંગ બોર્ડ, ખાસ કરીને લાકડાના, જો યોગ્ય રીતે સાફ ન કરવામાં આવે તો બેક્ટેરિયા વધવા માટે હોટસ્પોટ બની શકે છે. લાકડાની નાની નાની જગ્યાઓ અને તિરાડોમાં બેક્ટેરિયા ઘૂસવાની અને વધવાની શક્યતાઓ વધારે હોય છે, તેથી તેની સફાઈ યોગ્ય રીતે કરવી જોઈએ.

ચોપિંગ બોર્ડ પર કેટલા બેક્ટેરિયા?

માઇક્રોબાયોલોજિસ્ટ્સનું માનવું છે કે કટિંગ બોર્ડમાં ટોઈલેટ સીટની તુલનામાં ઘણા વધારે ગંદા બેક્ટેરિયા હોઈ શકે છે. આવું એટલા માટે છે કારણ કે ચોપિંગ બોર્ડ અવારનવાર કાચા માંસના સંપર્કમાં આવે છે, અને બેક્ટેરિયા બોર્ડની સપાટીમાં ફસાઈ શકે છે.

જોકે ટોઈલેટ સીટને નિયમિત સાફ કરવામાં આવે છે, તેથી તેમાં બેક્ટેરિયા નાશ પામતા રહે છે. જ્યારે કટિંગ બોર્ડની નિયમિત સફાઈથી પણ બેક્ટેરિયા સંપૂર્ણપણે દૂર થઈ શકતા નથી, જેથી તેઓ વધુ ખતરનાક માનવામાં આવે છે. જોકે, નિષ્ણાતો આ વાત સાથે સહમત નથી કે ચોપિંગ બોર્ડમાં ટોઈલેટ સીટ જેટલા બેક્ટેરિયા હોય છે, પરંતુ તેમનું કહેવું છે કે તેમાં બેક્ટેરિયા ઓછા પણ નથી હોતા.

ચોપિંગ બોર્ડને યોગ્ય રીતે કેવી રીતે સાફ કરવું?

બેક્ટેરિયા ચેપને ઘટાડવા માટે ચોપિંગ બોર્ડની યોગ્ય રીતે સફાઈ જરૂરી છે. તેને વાપર્યા પછી તરત જ ગરમ પાણી અને સાબુથી ધોવું જોઈએ. કાચા માંસ કાપવા માટે જો તેનો ઉપયોગ કરો છો તો સફાઈ સફેદ વિનેગર અથવા લીંબુના રસથી કરવી જોઈએ. ક્યારેક આ બોર્ડને બ્લીચથી સાફ કરી શકો છો. તે પછી સૂકાવા માટે હવા અને તડકામાં મૂકો. ચોપિંગ બોર્ડ હંમેશા સૂકી જગ્યાએ રાખવું જોઈએ, કારણ કે ભેજમાં બેક્ટેરિયા વધે છે.

Disclaimer: સમાચારમાં આપેલી કેટલીક માહિતી મીડિયા રિપોર્ટ્સ પર આધારિત છે. તમે કોઈપણ સૂચનને અમલમાં મૂકતા પહેલા સંબંધિત નિષ્ણાતની સલાહ જરૂર લો.

આ પણ વાંચોઃ