International Dance Day 2024: મેન્ટલ હેલ્થ માટે ખૂબ ફાયદાકારક છે ડાન્સ, થાય છે આ ફાયદાઓ

International Dance Day 2024:દર વર્ષે 29 એપ્રિલે સમગ્ર વિશ્વમાં ઇન્ટરનેશનલ ડાન્સ ડે ઉજવવામાં આવે છે

પ્રતિકાત્મક તસવીર

International Dance Day 2024: દર વર્ષે 29 એપ્રિલે સમગ્ર વિશ્વમાં ઇન્ટરનેશનલ ડાન્સ ડે ઉજવવામાં આવે છે, જેનો હેતુ લોકોને તેના ફાયદા અને મહત્વ વિશે જાગૃત કરવાનો છે. જો તમે પણ તેના શોખીન છો, અથવા તેના ફાયદાઓથી અજાણ છો, તો આ લેખ ફક્ત તમારા માટે જ છે. તમે ડાન્સથી થતા સ્વાસ્થ્ય લાભો વિશે ઘણી વાર સાંભળ્યું હશે, પરંતુ આજે અમે તમને જણાવીશું કે કેવી રીતે માત્ર ડાન્સ દ્વારા તમે આ વ્યસ્ત જીવનમાં આવતી ચિંતા અને તણાવથી રાહત મેળવી શકો છો. ચાલો જાણીએ માનસિક સ્વાસ્થ્ય માટે ડાન્સ કરવાના કેટલાક અદ્ભુત ફાયદાઓ વિશે.

હેપી હોર્મોન્સથી થાય છે ફાયદાઓ

શું તમે જાણો છો કે ડાન્સ કરવાથી શરીર એન્ડોર્ફિન્સ જેવા હેપ્પી હોર્મોન્સનું સ્ત્રાવ કરે છે, જે સૌથી મોટી ચિંતા કે સ્ટ્રેસમાંથી પણ રાહત આપે છે અને મૂડને ફ્રેશ કરે છે. જો તમે દરરોજ ડાન્સ માટે થોડો સમય ફાળવો છો તો તે તમારા વ્યસ્ત જીવનના તણાવને દૂર કરી શકે છે.

મૂડ થશે સારો

ઘણા સંશોધનોએ પણ પુષ્ટી કરી છે કે તમારા મનપસંદ ગીત પર ડાન્સ કરવાથી ઉદાસ મૂડને હળવો કરવામાં ઘણો ફાયદો થઈ શકે છે. આવી સ્થિતિમાં, તમે તેને તમારી દિનચર્યાનો ભાગ પણ બનાવી શકો છો. આ માટે કોઈ વય મર્યાદા મહત્વની નથી, એટલે કે, દરેક ઉંમરે ડાન્સ કરી શકાય છે.

આત્મવિશ્વાસ વધે છે

તમારા આત્મવિશ્વાસને વધારવામાં ડાન્સ મોટી ભૂમિકા ભજવે છે. જ્યારે તમે તેના વિવિધ સ્વરૂપો શીખીને તેમાં નિષ્ણાત બનો છો તો ચાર લોકોની પ્રશંસા સાંભળવાથી મન મજબૂત થાય છે અને આનંદની અનુભૂતિ થાય છે.

સંબંધોમાં પ્રેમ વધે

સંબંધ ગમે તે હોય તેમાં પ્રેમ અને કાળજી વધારવા માટે મનનું શાંત અને સ્વસ્થ રહેવું ખૂબ જ જરૂરી છે. જ્યારે શરીર ડાન્સ કરીને હેપ્પી હોર્મોન્સ રીલીઝ કરે છે, ત્યારે તેનાથી શરીરમાં એનર્જી વધે છે પરંતુ ચીડિયાપણું પણ દૂર થાય છે અને જ્યારે તમે ખુશ હોવ ત્યારે લોકો તમારી સાથે સમય પસાર કરવાનું પણ પસંદ કરે છે.