Kathmandu Aircraft Crash: નેપાળના કાઠમંડુમાં ભયંકર વિમાન દુર્ઘટના, 18ના કરૂણ મૃત્યુ, પાયલટને ગંભીર ઇજા
Kathmandu Aircraft Crash : નેપાળની રાજધાની કાઠમંડુમાં ટેકઓફ દરમિયાન એક પ્લેન ક્રેશ થયું હતું. આ પ્લેનમાં 19 લોકો સવાર હતા. જેમાં 18ના મોત થયા છે
Kathmandu Aircraft Crash :લગભગ દોઢ વર્ષ પછી નેપાળમાં ફરી એક મોટો વિમાન અકસ્માત થયો. જેમાં 18 લોકોના મોત થયા છે. પ્લેનનો પાયલટ ગંભીર રીતે ઘાયલ થયો છે. નેપાળની રાજધાની કાઠમંડુમાં ટેકઓફ દરમિયાન આ અકસ્માત થયો હતો. આ પ્લેનમાં 19 લોકો સવાર હતા. કાઠમંડુ પોસ્ટ અનુસાર, આ પ્લેન સૌર્ય એરલાઈન્સનું છે. જે બુધવારે સવારે કાઠમંડુના ત્રિભુવન ઈન્ટરનેશનલ એરપોર્ટ પરથી ઉડાન ભરી હતી. પ્લેન ક્રેશ થવાનું મુખ્ય કારણ હજુ સામે આવ્યું નથી, પરંતુ મીડિયા રિપોર્ટ્સ કહી રહ્યા છે કે પ્લેન રનવે પરથી લપસી ગયું અને પછી ક્રેશ થયું. જો કે હાલ ટેકનિકલ ટીમ અકસ્માતના કારણની તપાસ કરી રહી છે. નેપાળમાં આ વિમાન દુર્ઘટના પ્રથમ નથી, આ પહેલા પણ જાન્યુઆરી 2023માં એક વિમાન ક્રેશ થયું હતું. જેમાં 68 લોકોના મોત થયા હતા. આ દુર્ઘટનામાં કાઠમંડુથી 205 કિમી દૂર પોખરામાં યતિ એરલાઈન્સનું વિમાન ક્રેશ થયું હતું. આજે જે પ્લેન ક્રેશ થયું તે પણ પોખરા જવાનું હતું.
પ્લેન ક્રેશમાં અત્યાર સુધીમાં સેંકડો લોકોના મોત થયા છે
નેપાળમાં સૌથી મોટો અકસ્માત જાન્યુઆરી 2023માં થયો હતો. યેતી એરલાઈન્સના વિમાન દુર્ઘટનામાં 68 લોકોએ જીવ ગુમાવ્યા હતા. આ દુર્ઘટના બાદ દુનિયાભરમાં ખૂબ ચર્ચા થઈ હતી. મે 2022માં પણ નેપાળના પર્વતીય મુસ્તાંગ જિલ્લામાં એક વિમાન ક્રેશ થયું હતું. જેમાં 4 ભારતીયો સહિત 22 લોકોના મોત થયા હતા. માર્ચ 2018માં કાઠમંડુમાં જ ત્રિભુવન ઈન્ટરનેશનલ એરપોર્ટ પર એક મોટો અકસ્માત થયો હતો. યુએસ-બાંગ્લા એરલાઇન્સનું વિમાન 67 મુસાફરો અને 4 ક્રૂને લઈને અહીંથી ક્રેશ થયું હતું. જેમાં 49 લોકોના મોત થયા હતા. ફેબ્રુઆરી 2016માં પણ નેપાળના કાલીકોટ જિલ્લામાં 11 લોકોને લઈને જતું વિમાન ક્રેશ થયું હતું.
આ કારણે નેપાળમાં વિમાનો ક્રેશ થઈ રહ્યા છે
નેપાળના મોટાભાગના એરપોર્ટ પહાડી વિસ્તારોથી ઘેરાયેલા છે. જેના કારણે અહીં લેન્ડિંગ અને ટેકઓફ કરવામાં ઘણી મુશ્કેલી પડે છે. તે જ સમયે, એરપોર્ટ પર કોઈ અપડેટેડ ટેક્નોલોજી નથી, જેના કારણે લેન્ડિંગ સિસ્ટમ સારી નથી. અહીં નાની ભૂલ મોટી દુર્ઘટના બની જાય છે. અહીં સલામતીના કોઈ કડક નિયમો નથી. નેપાળમાં દર વર્ષે કોઈને કોઈ મોટી પ્લેન ક્રેશ થાય છે.
ટ્રેન્ડિંગ સમાચાર
ટોપ સ્ટોરી
