Ahmedabad: હોસ્પિટલના બંધ રૂમમાંથી નર્સનો મળ્યો મૃતદેહ, મોતનું કારણ જાણીને ચોંકી જશો

Ahmedabad News: છેલ્લા ત્રણેક દિવસથી હોસ્પિટલમાં કામ કરતી નર્સ ગુમ હોવાનો દાવો કરવામાં આવ્યો હતો. હોસ્પિટલના સાતમા માળે આવેલા બંધ રૂમમાંથી મૃતદેહ મળી આવ્યો હતો.

મૃતક યુવતિના પરિવારજનો

Ahmedabad: અમદાવાદની એસએમએસ હોસ્રપિટલમાંથી એક મહિલાનો મૃતદેહ મળ્યો હતો. તેન સાથે સુસાઇડ નોટ પણ મળી આવી છે. પ્રાથમિક તપાસમાં પ્રેમ પ્રકરણમાં યુવતીએ આપઘાત કર્યો હોવાનું સામે આવ્યું છે. છેલ્લા ત્રણેક દિવસથી હોસ્પિટલમાં કામ કરતી નર્સ ગુમ હોવાનો દાવો કરવામાં આવ્યો હતો. હોસ્પિટલના સાતમા માળે આવેલા બંધ રૂમમાંથી મૃતદેહ મળી આવ્યો હતો. ચાંદખેડા પોલીસે અકસ્માતે મોતનો ગુનો નોંધી તપાસ શરૂ કરી છે.

ગુજરાતમાં હજુ બે દિવસ જોવા મળશે ઠંડીનો ચમકારો

ગુજરાતમાં હજુ બે દિવસ ઠંડીનો ચમકારો જોવા મળશે. બનાસકાંઠાના સરહદી વિસ્તારમાં બરફની ચાદર છવાઈ હતી. નલિયામાં રેકોર્ડ 1.4 ડિગ્રી તો પાટણમાં 6.7 ડિગ્રી તાપમાન નોંધાયુ. રાજ્યના 9 શહેરોમાં 10 ડિગ્રીથી નીચુ તાપમાન નોંધાયું છે. ઠંડીથી રક્ષણ મેળવવા લોકો તાપણાનો સહારો લઈ રહ્યા છે.

અનૈતિક સંબંધ રાખવા મુદ્દે થઈ માથાકૂટ, પૂર્વ પ્રેમિકાએ નવા પ્રેમી સાથે મળી જૂના પ્રેમીને ઉતાર્યો મોતને ઘાટ

રાજકોટમાં એક ચોંકાવનારો કિસ્સો સામે આવ્યો છે. અનૈતિક સંબંધ રાખવા મુદ્દે પૂર્વ પ્રેમી અને પ્રેમિકામાં માથાકૂટ થઈ હતી. જે બાદ પૂર્વ પ્રેમિકાએ નવા પ્રેમી સાથે મળી જૂના પ્રેમિને છરીના ઘા મારી મોતને ઘાટ ઉતાર્યો હતો. મૃતક યુકને દોઢ વર્ષ પહેલા પ્રેમસંબંધ બંધાયો હતો. જેને થોડા સમય પહેલાં તોડી નાંખ્યો હતો.  બાદમાં પૂર્વ પ્રેમિકાએ અન્ય યુવક સાથે મૈત્રી કરાર કર્યો હતો.

શું છે મામલો

રાજકોટના કોઠારિયા રોડ પર રણુજા મંદિર પાસે સોમનાથ સોસાયટીમાં ઉત્તરાયણની સાંજે પ્રેમ સંબંધના કિસ્‍સામાં કોઠારીયા રોડ હુડકો ક્‍વાર્ટરના હિરેન જાદવ પર તેની પૂર્વ પ્રેમિકા જ્યોત્સના અને પ્રેમિકાના હાલના પ્રેમી પરસોતમે છરીથી હુમલો કરી ગંભીર ઇજા પહોંચાડી હતી. આ યુવાનનું રવિવારે સવારે મોત નીપજતાં બનાવ હત્‍યામાં પરિણમ્‍યો હતો. હુમલો કરનાર અને તેના બે મિત્રો વિરૂદ્ધ પણ આજીડેમ પોલીસે જ્યોત્સનાની ફરિયાદ પરથી હત્‍યાની કોશિશનો ગુનો નોંધ્‍યો હતો. જ્યોત્સનાએ ફરિયાદમાં એવું જણાવ્‍યું હતું કે, પોતે હવે સંબંધ રાખવા ઇચ્‍છતી ન હોવા છતાં અગાઉનો હિરેન ધરાર અનૈતિક સંબંધ રાખવા કહેતો હોઇ માથાકૂટ થઇ હતી. એ કારણે તેણે મારા હાલ હું જેની સાથે કરારથી રહું છું તે પરસોતમ પર હુમલો કર્યો હતો.

હિરેન જાદવ સ્‍કૂલવેન ચલાવતો હતો. તેને દોઢેક વર્ષ પહેલા જ્‍યોત્‍સના સાથે પ્રેમ સંબંધ હતો. હિરેને થોડા સમય પહેલા પ્રેમસંબંધ તોડી નાંખ્યો હતો. જે બાદ જ્‍યોત્‍સના પરષોત્તમ સાથે મૈત્રીકરારમાં રહેતી હતી. હિરેનને આ પસંદ ન હોઇ માથાકૂટ ચાલતી હતી.  ઉત્તરાયણના દિવસે બોલાચાલી થતાં પરષોત્તમે છરીનો ઘા હિરેનને પેટમાં મારી દીધો હતો. તેમજ બીજા ઘા પણ માર્યા હતાં. લોકો ભેગા થઇ ગયા હતાં અને હિરેનના ભાઇ કાનાને બોલાવતાં તે આવી ગયો હતો અને હિરેનને હોસ્‍પિટલમાં ખસેડ્યો હતો. સારવાર દરમિયાન તેનું મોત થયું હતું.