અમદાવાદઃ યુવતી ગુજરાતી ફિલ્મ ડિરેક્ટરના પ્રેમમાં પડી ને લવ મેરેજ કર્યાં, પછી શું થયું કે યુવતીએ પોલીસ સ્ટેશન જવું પડ્યું ?

યુવતીને પતિ દારૂ પીને માર મારતો હતો અને સાસરિયાં દહેજ માટે ત્રાસ આપતા હતા. આ બધાથી કંટીળીને યુવતીએ આપઘાતનો પ્રયાસ કર્યો હતો.

(પ્રતીકાત્મક તસવીર)

અમદાવાદઃ મણિનગરમાં ફિલ્મ ડિરેક્ટર સાથે લવ મેરેજ કરનારી 23 વર્ષીય યુવતીને પતિ દારૂ પીને માર મારતો હતો અને સાસરિયાં દહેજ માટે ત્રાસ આપતા હતા. આ બધાથી કંટીળીને યુવતીએ આપઘાતનો પ્રયાસ કર્યો હતો. આમ છતાં સાસરિયાંનો ત્રાસ ચાલુ રહેતાં યુવતીએ પોલીસમાં ફરિયાદ નોંધાવી છે.  મણિનગર પોલીસ સ્ટેશનમાં યુવતીવના પતિ અને ફિલ્મ ડિરેક્ટર  દુષ્યંત પટેલ, સસરા વિષ્ણુ, પટેલ,  હર્ષાબેન અને મેઘનાબેન સામે ગુનો નોંધાયો છે. મણિનગર વિસ્તારમાં આવેલી સુર્યનગર સોસાયટીમાં જહાન્વી તિળક પરિવાર સાથે રહેતી હતી. 2017માં જહાન્વી ડ્રામા ક્લાસીસમાં જતી હતી ત્યારે દુષ્યંત વિષ્ણુભાઇ પટેલ સાથે પ્રેમ સબંધ બંધાયો હતો. ફેબ્રુઆરી 2019માં લગ્ન કર્યા હતા. જહાન્વીનો પતિ દુષ્યંત ગુજરાતી ફિલ્મ ડિરેક્ટર તરીકે કામ કરે છે જ્યારે સસરા વિષ્ણુ પટેલ એલઆઇસીમાં નોકરી કરે છે. લગ્ન બાદ પતિ દારૂ પીને આવી માર મારતો હતો. પતિ અને સસરાને દારૂ પીવાની ટેવ હોવાથી આ  બાબતે વારંવાર દુષ્યંત સાથે તકરાર થતી હતી. પતિ દારૂના નશામાં માર મારતો હતો. બીજી તરફ સાસરીયા કહેતાં કે, તું રૂપિયા જોઇને આવી છું અને અમારા દીકરાનું  સમાજમાં લગ્ન થયું હોત તો દહેજમાં ઘણા રૂપિયા આવ્યા હોત. આ રીતે તેને પરેશાન કરતા હતા. 27 જુલાઇના રોજ પતિએ જહાન્વીને માર મારતા મનમાં લાગી આવતા ફિનાઇલ પી ગઇ હતી. એ પછી પણ સાસરિયાં ત્રાસ આપતાં હતાં તેથી જહાન્વીએ  મણિનગર પોલીસ સ્ટેશનમાં મંગળવારે ફરિયાદ નોંધાવી હતી.