Ahmedabad: શાંતિપુરા પ્રા.શાળામાં વરસાદી પાણી ઘૂસ્યા, વર્ગખંડમાં 2 ફૂટ પાણી ભરાતા વિદ્યાર્થીઓને રજા અપાઇ
Ahmedabad Rain: ચોમાસાનો વરસાદ ઠેર ઠેર તબાહી મચાવી રહ્યો છે, ઉત્તરથી લઇને દક્ષિણ અને સૌરાષ્ટ્ર-કચ્છમાં સિઝનના પહેલા વરસાદે જ તંત્રની કેટલીય પોલ ખોલી દીધી છે
Ahmedabad Rain: ચોમાસાનો વરસાદ ઠેર ઠેર તબાહી મચાવી રહ્યો છે, ઉત્તરથી લઇને દક્ષિણ અને સૌરાષ્ટ્ર-કચ્છમાં સિઝનના પહેલા વરસાદે જ તંત્રની કેટલીય પોલ ખોલી દીધી છે. હાલમાં દયનીય દ્રશ્યો અમદાવાદની એક શાળામાંથી સામે આવ્યા છે. શાંતિપુરા પ્રાથમિક શાળાના બાળકોને ભણવા માટે મુશ્કેલીઓ પડી રહી છે, કેમ કે અહીં આખેઆખી શાળામાં વરસાદી પાણી 2 ફૂટ સુધી ફરી વળ્યા છે. હાલમાં વિદ્યાર્થીઓને રજા અપાઇ છે.
ચોમાસાના વરસાદે સરકાર અને તંત્રની પોલી ખોલી દીધી છે, હાલમાં અમદાવાદની એક શાળાના દ્રશ્યો સામે આવ્યા છે, જેમાં વિદ્યાર્થીઓને ભણવા માટે મુશ્કેલીઓનો સામનો કરવો પડી રહ્યો છે. ખરેખરમાં, છેલ્લા બે દિવસથી પડી રહેલા ભારે વરસાદથી અમદાવાદમાં રિંગરૉડ પર આવેલી શાંતિપુરા પ્રાથમિક શાળામાં પાણી ભરાયા છે. વરસાદી પાણી સાથે સાથે દુષિત પાણીનો 2 ફૂટ જેટલો જમાવડો થયાં વિદ્યાર્થીઓને શાળામાંથી રજા આપી દેવાઇ છે. શાંતિપુરા પ્રાથમિક શાળાના મોટા ભાગના વર્ગખંડોમાં હજુ પણ બે ફૂટ જેટલુ પાણી ભરાયેલુ છે, વિદ્યાર્થીઓને બેસવા માટે જગ્યા નથી મળી રહી જેના કારણે હાલમાં રજા અપાઇ છે. ખાસ વાત છે કે, દર વર્ષે ચોમાસામાં વરસાદી પાણી શાળામાં ફરી વળે છે, પરંતુ અમદાવાદ તંત્ર કે સરકાર કોઇ કાર્યવાહી કરતુ નથી. દર વર્ષે આ સ્થિતિ સર્જાય ત્યારે વિદ્યાર્થીઓને 15 દિવસ સુધીની રજાઓ આપવામાં આવે છે. વર્ગખંડની સાથે સાથે શાળાનુ મેદાન પણ પાણીથી ભરાઇ ગયેલુ દેખાઇ રહ્યું છે.
ચાલુ મોસમમાં રાજ્યનો કુલ સરેરાશ વરસાદ 20 ટકાથી વધુ, સૌથી વધુ સૌરાષ્ટ્ર ઝોનમાં નોંધાયો
રાજ્યમાં વરસાદી માહોલ જામ્યો છે ત્યારે છેલ્લા ૨૪ કલાક દરમિયાન રાજ્યના ૧૦૮ તાલુકાઓમાં નોંધપાત્ર વરસાદ વરસ્યો છે. જેમાં સુરત જિલ્લાના ઉમરપાડા ગામમાં સૌથી વધુ ૧૪ ઇંચ વરસાદ નોંધાયો છે. ઉમરપાડામાં 14 ઈંચ વરસાદ વરસતા જળબંબાકારની સ્થિતિ જોવા મળી હતી.
ભરૂચ જિલ્લાના નેત્રંગ તાલુકામાં ૭ ઇંચ વરસાદ નોંધાયો
રાજ્યના સ્ટેટ ઇમરજન્સી ઓપરેશન સેન્ટર દ્વારા મળેલા અહેવાલો મુજબ આજે તા.૧૬/૦૭/૨૦૨૪ના રોજ સવારે ૬.૦૦ કલાક પુરા થતા ભરૂચ જિલ્લાના નેત્રંગ તાલુકામાં ૭ ઇંચ અને નર્મદા જિલ્લાના ગરુડેશ્વર, નાંદોદ તાલુકામાં ૫ ઇંચ કરતા વધુ વરસાદ વરસ્યો છે તેમજ નર્મદા જિલ્લાના તિલકવાડા તાલુકામાં અને નવસારીના ચીખલી તાલુકામાં ૪ ઇંચ કરતા વધુ વરસાદ વરસ્યો હોવાના અહેવાલો છે.
રાજ્યનો કુલ સરેરાશ વરસાદ ૨૦ ટકાથી વધુ નોંધાયો
ચાલુ મોસમમાં રાજ્યનો કુલ સરેરાશ વરસાદ ૨૦ ટકાથી વધુ નોંધાયો છે જેમાં સૌરાષ્ટ્ર ઝોનમાં ૩૯.૭૪ સૌથી વધુ વરસાદ નોંધાયો છે, જ્યારે ઉતર ગુજરાત ઝોનમાં ૨૧.૫૨, દક્ષિણ ગુજરાત ઝોનમાં ૩૭.૬૫, પૂર્વ મધ્ય ગુજરાત ઝોનમાં ૨૨.૨૬ અને કચ્છ ઝોનમાં ૩૯.૧૦ ટકા વરસાદ વરસ્યો હોવાના અહેવાલો છે.
અનેક તાલુકાઓમાં 3 ઈંચ કરતા વધુ વરસાદ નોંધાયો
આ ઉપરાંત લીલા, મહુવા, વિજયનગર, સાવરકુંડલા, ગોધરા, પલસાણા તાલુકામાં ૩ ઇંચ કરતા વધુ વરસાદ નોંધાયો છે તેમજ સિનોર, અમરેલી, ગોંડલ, રાધનપુર, આણંદ, ભિલોડા, તારાપુર, નવસારી, હિમતનગર, વિસાવદર, લખતર, જેસર અને અંજાર તાલુકામાં બે ઇંચ કરતા વધુ વરસાદ નોંધાયો છે. મેઘરજ, મહેસાણા, બેચરાજી, મુન્દ્રા, કરજણ, અમદાવાદ સીટી, ઈડર, જલાલપોર, તળાજા, ખંભાત, સંતરામપુર, લીંબડી, વઢવાણ, ગળતેશ્વર, પેટલાદ અને વસો તાલુકામાં દોઢ ઇંચ વરસાદ વરસ્યો હોવાના અહેવાલો છે.
કુલ ૨૧ તાલુકામાં અડધો ઇંચ વરસાદ
આ ઉપરાંત સિદ્ધપુર, ભુજ, ગાંધીધામ, સાવલી, મહેમદાવાદ, સંજેલી, જાફરાબાદ, બાવળા, પ્રાંતિજ, કોડીનાર, વાઘોડિયા, નડીઆદ, ખાનપુર, કેશોદ, ધોળકા, સોજીત્રા, સાણંદ, સંખેડા, ખેરાલુ, સમી તાલુકામાં એક ઇંચ કરતા વધુ વરસાદ વરસ્યો હતો. જયારે જુનાગઢ, જુનાગઢ સીટી, બોડેલી, વંથલી, ડેડીયાપાડા, દેસર, ધારી, માંગરોળ, કલ્યાણપુર, બગસરા, માલપુર, વીરપુર, જોટાણા, દેહગામ, સુબીર, લુણાવાડા, ફતેહપુર, ચુડા, ચાણસ્મા, ઝાલોદ, માતર, વિસનગર જેતપુર, અને માંડલ તાલુકા મળી કુલ ૨૧ તાલુકામાં અડધો ઇંચ વરસાદ વરસ્યો હોવાના અહેવાલો છે.
ટોપ સ્ટોરી
ટ્રેન્ડિંગ સમાચાર
