અમદાવાદીઓ માટે ખુશખબર! સાબરમતીમાં શરૂ થશે ફ્લોટિંગ બોટ, જમવાની પણ હશે સુવિધા

સાબરમતી નદીમાં નવું નજરાણું મુકવામાં આવશે. સાબરમતી નદીમાં ફ્લોટિંગ બોટ શરૂ કરવા અંગે તંત્રએ કામગીરી શરૂ કરી દીધી છે. જેમાં સુવિધાની વાત કરીએ તો, નાગરિકો બોટમાં ભોજન માણી શકે તે પ્રકારનું આયોજન કરવા છે.

સાબરમતી રિવરફ્રન્ટ પ્રાઇવેટ લિમિટેડ દ્વારા કરવામાં આવી જાહેરાત

Floating Boat: સાબરમતી નદીમાં નવું નજરાણું મુકવામાં આવશે. સાબરમતી નદીમાં ફ્લોટિંગ બોટ શરૂ કરવા અંગે તંત્રએ કામગીરી શરૂ કરી દીધી છે. જેમાં સુવિધાની વાત કરીએ તો, નાગરિકો બોટમાં ભોજન માણી શકે તે પ્રકારનું AMC આયોજન કરવા જઈ રહી છે. સાબરમતી રિવરફ્રન્ટ પ્રાઇવેટ લિમિટેડ દ્વારા આ જાહેરાત કરવામાં આવી છે. મળતી માહિતી પ્રમાણે PPP ધોરણે આ ફ્લોટિંગ બોટ શરૂ કરવામાં આવશે. અમદાવાદની અક્ષર ટ્રાવેલ્સ નામની એજન્સી આ બોટનું સંચાલન કરશે. જો કે આ ફ્લોટિંગ બોટ કઈ તારીખે શરૂ થશે તેની કોઈ ચોક્કસ માહિતી સામે આવી નથી.

અરવિંદ કેજરીવાલ ફરી આવશે ગુજરાત, હવે આ મુદ્દે ગુજરાત સરકારને ઘેરવાનો છે પ્લાન
Arvind Kejriwal Gujarat Visit: ગુજરાતમાં વિધાનસભાની ચૂંટણીને લઈને દરેક રાજકીય પાર્ટીઓએ પ્રચાર પ્રસાર માટે એડીચોટીનું જોર લગાવી રહી છે. એક બાદ એક મોટા નેતાઓ ગુજરાતમાં ધામા નાખી રહ્યા છે. આ વખતે આમ આદમી પાર્ટીની એન્ટ્રીથી ગુજરાતમાં ત્રિપાંખીયો જંગ જોવા મળશે. ગુજરાતમાં આમ આદમી પાર્ટીને મજબૂત કરવા દિલ્હીના સીએમ અને આપના સંયોજક અરવિંદ કેજરીવાલ ફરી ગુજરાત આવશે. 26મી જૂનના રોજ કેજરીવાલ ગુજરાત આવશે અને ટાઉનહોલ કાર્યક્રમમાં હાજરી આપશે. વીજળીના મુદ્દે અમદાવાદમાં કાર્યક્રમ યોજાવાનો છે. નોંધનિય છે કે, ગુજરાત પહેલા શિક્ષણના મુદ્દે સવાલો ઉઠાવ્યા બાદ હવે આમ આદમી પાર્ટી વીજળીને લઈને મેદાનમાં ઉતરશે.

ગુજરાત કોંગ્રેસના કયા દિગ્ગજ નેતાને જીવના જોખમ બાદ અપાઈ સુરક્ષા ?
Bharatsinh Solanki:  કોંગ્રેસના દિગ્ગજ નેતા અને પૂર્વ કેન્દ્રીય મંત્રી ભરતસિંહ સોલંકી પોતાના વ્યક્તિગત જીવનને લઈ હાલ વિવાદોમાં છે. થોડા દિવસો પહેલા ભરતસિંહ સોલંકીનો અન્ય યુવતી સાથેનો વીડિયો વાયરલ થયો હતો. ભરતસિંહના પત્ની રેશ્મા પટેલ આણંદ વિદ્યાનગર રોડ સ્થિત આશ્રય બંગલો પર પહોંચ્યા હતા જ્યાં ભરતસિંહ અન્ય યુવતિ સાથે જોવા મળ્યા હતા. આ સમગ્ર ઘટનાનો વીડિયો પણ ત્યાં હાજર લોકોએ બનાવ્યો હતો જે ખુબ વાયરલ થયો હતો. જે બાદ તેમણે પ્રેસ કોન્ફન્સમાં આ મુદ્દે સ્પષ્ટતા કરી હતી અને તેમના જીવને જોખમ હોવાનું જણાવ્યું હતું. જે બાદ ગૃહ વિભાગના નિર્દેશ અનુસાર ભરત સોલંકીને સુરક્ષા આપવામાં આવી હતી. આણંદ પોલીસે એક કમાન્ડોની સુરક્ષા આપી હતી.

પ્રેસ કોન્ફરન્સમાં શું બોલ્યા હતા ભરતસિંહ સોલંકી

ભરતસિંહ સોલંકીએ કહ્યું, છેલ્લા 7 મહિનાથી ગુજરાતની રાજનીતિ અને તેમાં વ્યક્તિગત કોન્ટ્રોવર્સી ચાલી છે. રોજબરોજ અસંખ્ય લોકોએ મને પૂછ્યું કે તમે કેમ કંઈ બોલતા નથી. 1992માં હું રાજકારણમાં આવ્યો. લોકો, કાર્યકરો અને હાઈકમાન્ડના આશીર્વાદ મળ્યા. 30 વર્ષનું મારું જાહેર જીવન છે, ક્યારેય કોઈ ભ્રષ્ટ્રાચારની વાત નથી થઈ. ચૂંટણી આવે ત્યારે કંઈ ને કઈ આવી જાય. રામ મંદિરના નિવેદન અંગે પણ કોન્ટ્રોવર્સી થઈ.  પુરો વિડિયો જુવો તો ખ્યાલ આવે કે મારો કહેવાનો આશય શું હતો. દરેક વાતને તોડી મરોડીને રજૂ કરવામાં આવે છે.