ગુજરાતના વાતાવરણમાં પલ્ટો, 8થી 10 તારીખ સુધી કઈ-કઈ જગ્યાએ પડી શકે છે વરસાદ, જાણો વિગત

હવામાન વિભાગની આગામીમાં 9 અને 10 તારીખે ગુજરાતના વાતાવરણમાં પલ્ટો આવવાની સંભાવના વ્યક્ત કરવામાં આવી છે. જેમાં રાજકોટ, પોરબંદર અને કચ્છ જિલ્લામાં હળવો વરસાદ થવાની આગાહી વ્યક્ત કરવામાં આવી છે. આ સિવાય ગુજરાતમાં હવામાન ડ્રાય રહેવાની આગાહી કરવામાં આવી છે.

અમદાવાદઃ ઓડિશામાં ‘ફોની’ વાવાઝોડાએ તોફાની કહેર વર્તાવ્યા બાદ હવે ગુજરાતના વાતાવરણમાં પલ્ટો આવવાની વાત હવામાન વિભાગે કહી છે. હાલ ગુજરાતમાં ગરમીના પારો ઉપર છે જોકે આ અઠવાડિયામાં હવામાનમાં પલ્ટો જોવા મળી શકે છે. ગુજરાતના છૂટાછવાયા અથવા ઝરમરિયો વરસાદ પડે તેવી સંભાવના છે તેવું હવામાન વિભાગ દ્વારા આગાહી કરવામાં આવી છે . હવામાન વિભાગની આગામીમાં 9 અને 10 તારીખે ગુજરાતના વાતાવરણમાં પલ્ટો આવવાની સંભાવના વ્યક્ત કરવામાં આવી છે. જેમાં રાજકોટ, પોરબંદર અને કચ્છ જિલ્લામાં હળવો વરસાદ થવાની આગાહી વ્યક્ત કરવામાં આવી છે. આ સિવાય ગુજરાતમાં હવામાન ડ્રાય રહેવાની આગાહી કરવામાં આવી છે. 11 તારીખને શનિવારે ઉત્તર ગુજરાતના બનાસકાંઠામાં અને સૌરાષ્ટ્ર-કચ્છના રાજકોટ, અમરેલી, પોરબંદર અને કચ્છમાં હળવો અથવા ઝરમરિયો વરસાદ થવાની શક્યતા છે. આ સિવાય 7 અને 8 તારીખે હવામાન સામાન્ય રહેશે. આ તારીખ દરમિયાન આકાશ પણ ચોખ્ખું રહી શકે છે. હવામાન દ્વારા ગુજરાતમાં વરસાદની આગાહી કરવામાં આવી છે. આ દરમિયાન તાપમાનનો પારો પણ નીચે રહેશે અને 9 થી 11 તારીખ દરમિયાન અમદાવાદ અને ગાંધીનગરમાં પણ વાતાવરણ વાદળછાયું રહી શકે છે.