અમદાવાદઃ યુવકને સગા મામાની દીકરી સાથે બંધાયા સેક્સ સંબંધ, માતા ગુજરી જતાં સગીરાના ઘરે જઈને જ બાંધતો શારીરિક સંબંધ ને...

શાહીબાગમાં રહેતા પરિવારમાં મામા-ફોઈના ભાઈબહેનો એકમેકને મળતા રહેતા હતા. આ દરમિયાન ફોઈના દીકરાની મામાની સગીર વયની દીકરી સાથે આંખ મળી ગઈ હતી અને બંને પ્રેમ કરવા લાગ્યાં

અમદાવાદ: શાહીબાગ વિસ્તારમાં રહેતા એક યુવાને તેની મામાની દીકરી સાથે પ્રેમસંબંધ બાંધી વારંવાર સેક્સ માણીને તેને ગર્ભવતી બનાવી દીધી હતી. યુવતીને પેટમાં દુઃખાવો થતાં ડોક્ટર પાસે લઈ જતાં ભાંડો ફૂટ્યો હતો. યુવતીએ બાળકને જન્મ આપ્યા પછી પોલીસ ફરિયાદ નોંધાવતાં પોલીસે આરોપી યુવાનની ધરપકડ કરી છે. શાહીબાગમાં રહેતા પરિવારમાં મામા-ફોઈના ભાઈબહેનો એકમેકને મળતા રહેતા હતા. આ દરમિયાન ફોઈના દીકરાની મામાની સગીર વયની દીકરી સાથે આંખ મળી ગઈ હતી અને બંને પ્રેમ કરવા લાગ્યાં. બંને વચ્ચે શારીરિક સંબંધો બંધાયા હતા. દરમિયાનમાં સગીરાની માતાનું છ મહિના પહેલા અવસાન થતાં ઘરમાં સગીરા એકલી જ રહહેતી તેથી બંનેને મોકળું મેદાન મળ્યું હતું. બંને મુક્ત રીતે છોકરીના ઘરમાં જ શારિરિક સુખ માણતાં તેથી સગીરા ગર્ભવતી બની ગઈ હતી. સગીરાના પેટમાં ગર્ભ આકાર લેતો હતો તેની કોઈને જાણ નહતી. તાજેતરમાં સગીરાને પેટમાં દુઃખાવો ઉપડતા દવાખાને લઈ જવાતા ભાંડો ફૂટ્યો હતો. સારવાર દરમિયાન સગીરાએ બાળકને જન્મ આપ્યો હતો. પોલીસે આરોપી યુવાનની ધરપકડ કરતા તેણે પોલીસને કહ્યું હતું કે, અમે પ્રેમમાં હતા એટલે કોઈ બાબતનો ખ્યાલ રહ્યો નહીં અને ભૂલ થઈ ગઈ હતી.