ઇસરોના વૈજ્ઞાનિક પર 4 શખ્સોએ કર્યો હુમલો, બાઇકર્સે કારનો પીછો કરી તોડી નાખ્યા કાચ, જાણો શું છે મામલો

બેંગલુરુમાં ઇસરોના વૈજ્ઞાનિકો પર હુમલાની ઘટના બની છે. બાઇક પર આવેલા 4 અજાણ્યા શખ્સોએ વૈજ્ઞાનિકનો પીછો કરીને તેમના પર જીવલેણ હુમલો કર્યો હતા.

વૈજ્ઞાનિક પર હુમલો

ISRO:એક તરફ, આખો દેશ બેંગલુરુમાં ISRO મુખ્યાલયના વૈજ્ઞાનિકોના પ્રયાસોના વખાણ કરતા થાકતો નથી, જેમણે ચંદ્રયાન-3ને ચંદ્ર મિશન હેઠળ સફળતાપૂર્વક લેન્ડ કરીને ઇતિહાસ રચ્યો છે. બીજી તરફ 4 અજાણ્યા બદમાશો દ્વારા વૈજ્ઞાનિક પર હુમલાની ઘટના બેંગ્લોરમાંથી જ સામે આવી છે. હુમલાખોરોએ માત્ર વૈજ્ઞાનિકની કારનો પીછો કર્યો જ નહીં પરંતુ તેની વિન્ડશિલ્ડ અને પાછળના કાચ પણ તોડી નાખ્યા હતા.  આ ઘટના 24મી ઓગસ્ટની મધ્યરાત્રિની હોવાનું કહેવાય છે.

મળતી માહિતી મુજબ, 4 અજાણ્યા હુમલાખોરોએ ઇસરોના એક  વૈજ્ઞાનિકનો બાઇક પર પીછો કર્યો અને તેમના પર જીવલેણ હુમલો કર્યો. બદમાશોએ તેમની કારની વિન્ડશિલ્ડ અને પાછળના કાચ તોડી નાખ્યા હતા. આ સમગ્ર મામલો ત્યારે પ્રકાશમાં આવ્યો જ્યારે સેન્ટર ફોર નેનો એન્ડ સોફ્ટ મેટર સાયન્સ (CENS) સાથે સંકળાયેલા વૈજ્ઞાનિક આશુતોષ સિંહે ટ્વિટર (X) પર પોતાનો ભયાનક અનુભવ શેર કર્યો.

તેમના કહેવા પ્રમાણે, 4 મોટરસાઇકલ પર સવાર હુમલાખોરો કેટલાય કિલોમીટર સુધી તેમનો પીછો કર્યો અને  તેમને ધમકાવ્યા. તેણે જણાવ્યું કે, આ સમગ્ર ઘટના 24 ઓગસ્ટના રોજ સવારે 1.45 વાગ્યે બની હતી જ્યારે ઉત્તર-પશ્ચિમ બેંગલુરુના રવુથાનહલ્લી રોડ પર તલવારોથી સજ્જ કેટલાક બદમાશોએ તેમની કાર પર હુમલો કર્યો હતો. તેની કારની વિન્ડશિલ્ડ અને પાછળના અરીસાઓ તોડી નાખવામાં આવ્યા હતા.                                                       

મદનાયકનાલ્લી પોલીસે 4 અજાણ્યા બદમાશો સામે ગુનાહિત ધાકધમકી અને ખોટી રીતે બંધક બનાવવાની કલમો હેઠળ FIR નોંધી છે. ટ્રાફિક એડીજીપી આલોક કુમારે આ બાબતને ગંભીરતાથી લીધી છે અને દોષિતો સામે કડક કાર્યવાહીનું આશ્વાસન આપ્યું છે.

આ પણ વાંચો