Gujarat Rain: ભાવનગરના આ વિસ્તારમાં માત્ર 3 કલાકમાં 4 ઈંચ વરસાદ ખાબકતા જળબંબાકાર

Gujarat Rain: આજે સવારથી ફરી રાજ્યમાં સાર્વત્રિક વરસાદ પડી રહ્યો છે. જેને લઈને અનેક વિસ્તારોમાં પાણી ભરાયા છે. નદી નાળાઓ છલકાતા ખેડૂતોમાં ખુશી જોવા મળી રહી છે તો ક્યાંય વરસાદી પાણી ઘરોમાં ઘૂસી જતા લોકોને હાલાકીનો સામનો કરવો પડી રહ્યો છે.

ભાવનગર જિલ્લામાં સાર્વત્રીક વરસાદ

Gujarat Rain: આજે સવારથી ફરી રાજ્યમાં સાર્વત્રિક વરસાદ પડી રહ્યો છે. જેને લઈને અનેક વિસ્તારોમાં પાણી ભરાયા છે. નદી નાળાઓ છલકાતા ખેડૂતોમાં ખુશી જોવા મળી રહી છે તો ક્યાંય વરસાદી પાણી ઘરોમાં ઘૂસી જતા લોકોને હાલાકીનો સામનો કરવો પડી રહ્યો છે. તો બીજી તરફ આજે ભાવનગર જિલ્લામાં પણ મેઘરાજાની તોફાની બેટિંગ જોવા મળી રહી છે.

ભાવનગર જિલ્લાના ઉમરાળા તાલુકા પંથકમાં મેઘરાજાની તોફાની બેટિંગ જોવા મળી છે. માત્ર ત્રણ કલાકમાં ઉમરાળા તાલુકામાં ચાર ઇંચ વરસાદ ખાબકતા જળબંબાકારની સ્થિતિ સામે આવી છે. મુશળધાર વરસાદના કારણે સ્થાનિક નદી નાળાઓ છલકાયા છે. પીપળી, વાવડી, નવા રામપર, ચોગઠ, ધારૂકા, માલપરા, ધોળા, રામણકા, હડીયાદ, નવાગામ, લોલીયાણા સહિતના ગામડાઓને મેઘ રાજાએ મેઘ રાજાએ બનમાં લીધા છે.

બોટાદ શહેર સહિત તાલુકા પંથક તેમજ બરવાળા શહેર સહિત તાલુકા પંથકમાં સિઝનનો સૌ પ્રથમ ઝડપી વરસાદ વરસ્યો હતો. જેમાં બોટાદ શહેરના પાળીયાદ રોડ, ભાવનગર રોડ, ગઢડા રોડ, બસ સ્ટેન્ડ, ટાવર રોડ સહિતના વિસ્તારોમાં મુશળધાર વરસાદ વરસતા ઠેર ઠેર મુખ્ય માર્ગો પર પાણી વહેતા થયા હતા. તો બોટાદ જિલ્લાના બરવાળા શહેરના રોજીદ દરવાજા, છત્રી ચોક, ખમીદાણા દરવાજા, રોકડીયા હનુમાનજી મંદિર સહિત સમગ્ર શહેરમાં તો બરવાળા તાલુકાના કુંડળ બેલા ટીંબલા કાપડીયાળી ખમીદાણા રોજીદ રાણપરી વહીયા સહિતના ગામોમાં વરસાદ વરસ્યો હતો. જે તીવ્ર ગતિએ વરસાદ વરસ્યો હતો ત્યારે ઝરમર ઝાપટા બાદ એકસાથે મુશળધાર વરસતા લોકોમાં આનંદ જોવા મળ્યો હતો.

 

સિહોર પથકમાં વરસાદના કારણે હાઈવે રોડના રસ્તાઓ ધોવાયા છે. એક તરફ વરસાદ અને બીજી તરફ ડીસ્કો રોડના કારણે એમ્બ્યુલન્સ પણ અટવાઈ હતી. સિહોરના બસ સ્ટેન્ડ પાસેના છે જ્યાં સરકારી અધિકારીઓની ગાડીઓ પણ એક ફૂટ સુધીના ખાડામાંથી પસાર થઈ રહી છે. સ્થાનિક નઘરોળ પ્રશાસનના કારણે દરરોજ અકસ્માતનાં બનાવો બને છે આમ છતાં રીપેરીંગ હાથ ધરવામાં આવતું નથી.

 ભારેથી અતિભારે વરસાદને લઈ હવામાન વિભાગની આગાહી

હવામાન વિભાગની આગાહી અનુસાર સૌરાષ્ટ્રમાં ભારેથી અતિભારે વરસાદ વરસશે .  આગામી 3 દિવસ સૌરાષ્ટ્ર-કચ્છમાં ધોધમાર વરસાદની આગાહી કરાઈ છે.  હવામાન વિભાગના જણાવ્યા અનુસાર,  અમદાવાદ શહેરમાં પણ  વરસાદી માહોલ રહેશે. આવતીકાલે એટલે કે શનિવારે અમદાવાદ, ભાવનગર, અમરેલી, ગીર સોમનાથ, સુરેન્દ્રનગર, રાજકોટ, બોટાદ, બાનસકાંઠા, સાબરકાંઠા, સુરત, વલસાડ, નવસારી અને વડોદરા જિલ્લામાં  ભારે વરસાદ વરસશે. 23 જુલાઈના રોજ અમદાવાદ, સુરેન્દ્રનગર, મોરબી, કચ્છ, પાટણ, સુરત, નવસારી, વલસાડ, ભરૂચ અને આણંદ જિલ્લામાં જળબંબાકાર  થશે. 24 જુલાઈના જૂનાગઢ, અમરેલી, ગીર સોમનાથ, નવસારી અને વલસાડ જિલ્લામાં ભારે વરસાદની આગાહી કરવામાં આવી છે.   

Join Our Official Telegram Channel: https://t.me/abpasmitaofficial