Bhavnagar: ભાવનગર જિલ્લા પ્રમુખે આપ્યું રાજીનામું, જાણો ભાજપ નેતાએ કેમ લીધો આ નિર્ણય

ભાવનગર: વિધાનસભાની ચૂંટણી પહેલા ભાવનગર ભાજપમાં નવાજૂની એંધાણ જોવા મળી રહ્યા છે. ભાવનગર ભાજપ જિલ્લા પ્રમુખ મુકેશ લંગાળિયાએ પ્રમુખ પદેથી આપ્યું રાજીનામું આપી દીધુ છે.

ભાવનગર ભાજપ જિલ્લા પ્રમુખ મુકેશ લંગાળિયા

ભાવનગર: વિધાનસભાની ચૂંટણી પહેલા ભાવનગર ભાજપમાં નવાજૂની એંધાણ જોવા મળી રહ્યા છે. ભાવનગર ભાજપ જિલ્લા પ્રમુખ મુકેશ લંગાળિયાએ પ્રમુખ પદેથી આપ્યું રાજીનામું આપી દીધુ છે. આ અંગે સામે આવેલી વિગતો અનુસાર કારડીયા રાજપૂત સમાજ પર વિવાદિત નિવેદનનો ઓડિયો વાયરલ થતા કારડીયા રાજપૂત સમાજ દ્વારા સતત વિરોધ થઈ રહ્યો છે. જે બાદ તેમણે રાજીનામું આપી દીધુ.

ગઈ કાલે રાત્રે 50થી વધારે કાર્યકરો સાથે મુકેશ લંગાળિયાએ પ્રદેશ પ્રમુખ સી.આર.પાટીલને રજુઆત કરી રાજીનામુ આપી દીધુ હતું. જોકે સી.આર.પાટીલ દ્વારા રાજુનામા અંગે હજુ નિર્ણય લેવાયો નથી, મુકેશ લંગાળીયાનું રાજીનામુ સી.આર.પાટીલ સ્વીકારશે કે નહીં તે આવનારા દિવસોમાં ખબર પડશે. સી.આર.પાટીલ આવતી તારીખ 3 અને 4 બે દિવસ ભાવનગરની મુલાકાતે છે ત્યારે કાર્યકરોને મળી ને નિર્ણય લેશે.

વિધાનસભાની ચૂંટણીમાં ટિકિટને લઈને સુખરામ રાઠવાનું મોટું નિવેદન

છોટાઉદેપુર: ગુજરાતમાં વિધાનસભાની ચૂંટણીને લઈને તમામ રાજકીય પાર્ટીઓએ કાઉન્ટડાઉન શરૂ કરી દીધુ છે. ભાજપ અને આમ આદમી પાર્ટી બાદ હવે કોંગ્રેસ પણ એક્શન મોડમાં આવી છે. હવે વિપક્ષ નેતા સુખરામ રાઠવાએ મહત્વનું નિવેદન આપ્યું છે. તેમણે કહ્યું કે, કોંગ્રેસના 64 ધારાસભ્યોની ટિકિટની વાલી તરીકે જવાબદારી મારી છે. એમની ટિકિટ ના કપાઈ એ જવાબદારી મારી પરંતુ સર્વેમાં એમની કામગીરી નહિ હોય તો મિનિમાઈઝ કરાશે. સુખરામ રાઠવાના નિવેદન બાદ રાજકીય ગરમાવો આવ્યો છે. જો હવે કોને ટિકિટ મળશે અને કોનું પત્તુ કપાશે એતો આવનારા સમયમાં જ ખબર પડશે.

પાટીદાર સમાજ કયા પક્ષ સાથે?

નર્મદાઃ ખોડલધામના ચેરમેન નરેશ પટેલે આજે નર્મદા જિલ્લાની મુલાકાત લીધી હતી. નર્મદા જિલ્લામાં વિશ્વની સૌથી ઊંચી પ્રતિમાના દર્શન પણ કર્યા. નર્મદા જિલ્લામાં જે વિકાસ થઈ રહ્યો છે તેને વેગ મળતો રહે તેવી પ્રાર્થના નર્મદા નદીને કરી હતી. નર્મદા જિલ્લાનો પ્રવાસ સંગઠનના હેતુને ધ્યાનમાં રાખીને કરવામાં આવ્યો હતો.  દરેક જિલ્લા અને તાલુકાના કન્વીનરો સાથે ખાટલા બેઠક કરવાનો હેતુ છે અને સંગઠન ને મજબૂત કારવાના ઉદ્દેશથી દરેક જિલ્લાની મુલાકાત લઈ રહ્યા છે.

આગામી વિધાનસભા માટે કહ્યું કે પાટીદાર સમાજ ભોળો સમાજ છે અને દરેક પક્ષ માં ફેલાયેલો સમાજ છે. ખોડલધામના નેજા હેઠળ કોઈ પક્ષ ની વાત કરવી એ વ્યાજબી ન ગણાય. કોઈ પણ સમાજના સારા ઉમેદવારો વિધાનસભામાં ચૂંટાયને આવે તો ગુજરાતનું ભલું થાય. પાટીદાર સમાજ એક પક્ષ સાથે રહે એવું કદી બને નહીં. ચૂંટણીનો માહોલ બને ત્યારે નક્કી થશે કે ગુજરાતમાં ત્રિપાંખીયો જંગ થશે કે શું થશે તે.

8 મહાનગરપાલિકા માટે રૂપિયા 50 કરોડની ફાળવણી

મુખ્યમંત્રી ભૂપેન્દ્ર પટેલે શહેરી વિકાસને વધુ વેગ આપવા આજે રાજ્યની 8 મહાનગરપાલિકા માટે રૂપિયા 50 કરોડની ફાળવણી કરી છે. સ્વર્ણિમ જયંતિ મુખ્યમંત્રી શહેરી વિકાસ યોજના અંતર્ગત અમદાવાદ, સુરત, વડોદરા, રાજકોટ, ભાવનગર, જામનગર, જૂનાગઢ અને ગાંધીનગર મહાનગરપાલિકાના આઉટગ્રોથ વિસ્તારના વિકાસ કામો માટે આ ફાળવણી કરવામાં આવી છે. સ્વર્ણિમ જયંતિ મુખ્યમંત્રી શહેરી વિકાસ યોજના હેઠળ રાજ્યની ૮ મહાનગરપાલિકાઓના આઉટગ્રોથ વિસ્તારના વિકાસ કામો માટે રૂ. પ૦ કરોડની ફાળવણી કરી. આ અંતર્ગત મહાનગરોમાં રસ્તા, પાણી, ગટર લાઇન, સ્ટ્રીટલાઇટ સહિતની આંતરમાળખાકીય સુવિધાઓ સુદ્રઢ બનાવવાના કામો હાથ ધરાશે.