તળાજામાં પિતા-પુત્ર પર ધોળા દિવસે ફાયરિંગ, પુત્રનું મોત

તળાજામાં પોલીસને ખુલો પડકાર ફેંકતા હોય તેવી ઘટના સામે આવી છે. જ્યાં પોલીસનો કોઈ ડરના હોય તેમ ફાયરિંગની ઘટના બની છે.  ફાયરિંગ કરનારાઓએ પોલીસને પડકાર ફેંક્યો છે. આ ઘટના દેવલી ગામે બની છે.

મુકેશ દેવભાઈ દેવીપૂજકનું મોત

ભાવનગર: તળાજામાં પોલીસને ખુલો પડકાર ફેંકતા હોય તેવી ઘટના સામે આવી છે. જ્યાં પોલીસનો કોઈ ડરના હોય તેમ ધોળા દિવસે ફાયરિંગની ઘટના બની છે.  ફાયરિંગ કરનારાઓએ પોલીસને પડકાર ફેંક્યો છે. આ ઘટના તળાજા શેત્રુંજી નદી નજીક  દેવલી ગામે બની છે. પિતા-પુત્ર પર ફાયરિંગ કરવામાં આવ્યું હતું. જેમા પુત્ર મુકેશ દેવભાઈ દેવીપૂજકનું મોત નિપજ્યું છે, જ્યારે તેમના પિતા ભાવનગર ખાતે સારવાર હેઠળ છે.

મહેસાણા: યુવતીનું અપહરણ કરી 10 દિવસ સુધી દુષ્કર્મ આચરવામાં આવતા ચકચાર
મહેસાણા: વિજાપુરના ઉબખલ ગામની યુવતીનું અપહરણ કરી દુષ્કર્મ આચરવામાં આવ્યું છે. મળતી માહિતી પ્રમાણે ગામના જ શખ્સે અન્ય મિત્રની મદદથી યુવતીનું કારમાં અપહરણ કરી દુષ્કર્મ આચર્યું હતું. યુવતીને 10 દિવસ સુધી બનાસકાંઠાના કાંકરેજ તાલુકાના વાલાપુરા ગામે ગોંધી રાખવામાં આવી. નદીની કોતરોમાં 10 દિવસ સુધી ગોંધી રાખી દુષ્કર્મ આચર્યું હતું. દુષ્કર્મ આચરનાર અને તેને મદદ કરનાર શખ્સ સામે ફરિયાદ દાખલ કરવામાં આવી છે. રાવળ રાજુભાઇ શંકરભાઇ અને રાવળ જીગ્નેશ ભગાભાઈ નામના શખ્સ સામે ફરિયાદ નોંધાઈ છે.

 સુરતમાં યુવકે કપલ બોક્સમાં કોલેજીયન છોકરી સાથે આચર્યું દુષ્કર્મ
સુરત સ્માર્ટ સીટી સુરતમાં કાફેની આડમાં ધમધમતા કપલ બોક્સ પુનઃ વિવાદમાં આવ્યા છે. વેસુ વિસ્તારની કોલેજીયન યુવતીને કાફેમાં બોલાવી સહઅધ્યાયીએ દુષ્કર્મ આચર્યું છે.  જે અંગે ઉમરા પોલીસમાં ફરિયાદ નોંધાઈ છે. યુવતીએ સંબંધ રાખવાનો ઇન્કાર કરતા ફોટો કોલેજના ગૃપમાં અને પરિવારને મોકલવાનું કહી બ્લેકમેલ કરી દુષ્કર્મ આચરવામાં આવ્યું. યુવતીની મદદથી છટકું ગોઠવી પોલીસે નરાધમને પકડી પાડ્યો છે. યુવકે સુરતના વેસુ વિસ્તારમાં રહેતી કોલેજીયન યુવતી સાથે પહેલા મિત્રતા કેળવી હતી. ત્યાર બાદ યુવક મળવાના બહાને યુ એન્ડ મી કાફે નામના કપલ બોક્સમાં લઇ ગયો હતો. આ યુવક રાણી તળાવનો રહેવાસી હોવાની વાત સામે આવી છે. યુવાને યુવતી સાથે ફોટો ક્લિક કરી લીધી હતા. બાદમાં દુષ્કર્મ આચરી પોતાની સાથે સંબંધ નહીં રાખે તો ફોટો વાયરલ કરવાની ધમકી આપી હતી.

ત્યાર બાદ દુષ્કર્મનો ભોગ બનેલી યુવતીએ પોલીસને જાણ કરી હતી અને પોલીસે યુવતીની મદદથી છટકું ગોઠવી નરાધમ દુષ્કર્મીને ઝડપી પાડયો હતો. આ યુવકનું નામ બાદશાહ સુફીયાન મોહમદ ફતેહ છે. મળતી માહિતી પ્રમાણે ગત નવેમ્બર મહિનામાં બાદશાહે યુવતીને મળવા માટે વેસુના સફલ સ્કેવર પાસે બોલાવી હતી.  ત્યાર બાદ નજીકના યુ એન્ડ મી કાફેના કપલ બોક્સમાં લઇ ગયો હતો.  જયાં બાદશાહે બંનેના સાથે ફોટો પાડયા હતા અને બાદમાં દુષ્કર્મ આચર્યું હતું.