Aadhaar Card: રજિસ્ટર્ડ મોબાઈલ નંબર વગર પણ ડાઉનલોડ કરી શકાય છે PVC આધાર કાર્ડ, આ રહી પ્રોસેસ

PVC Aadhaar Card: જો તમારું આધાર કાર્ડ ફાટી ગયું હોય તો તમે ક્રેડિટ કાર્ડની જેમ પીવીસી આધાર કાર્ડનો ઓર્ડર કરી શકો છો. આ બનાવવા માટે તમારે માત્ર 50 રૂપિયાની ફી ચૂકવવી પડશે.

ફાઈલ તસવીર ( Image Source :Getty )

Download PVC Aadhaar Card:  આધાર કાર્ડ આજકાલ સૌથી મહત્વપૂર્ણ દસ્તાવેજોમાંનો એક છે. દેશમાં લગભગ દરેક પુખ્ત વયના લોકો માટે આધાર કાર્ડ બનાવવામાં આવ્યું છે. UIDAI લોકોને આધાર કાર્ડ ડાઉનલોડ કરવાની સુવિધા આપે છે. તેનો ઉપયોગ શાળા, કોલેજમાં પ્રવેશ, મિલકત, દાગીના ખરીદવા, બેંક ખાતું ખોલવા, ITR ફાઇલ કરવા વગેરે જેવા કામો માટે થાય છે.

આધારની વધતી ઉપયોગીતાના કારણે તેને આપણી પાસે રાખવું ખૂબ જ મહત્વપૂર્ણ છે. જો તમારું આધાર કાર્ડ ફાટી ગયું હોય તો તમે ક્રેડિટ કાર્ડની જેમ પીવીસી આધાર કાર્ડનો ઓર્ડર  કરી શકો છો. આ બનાવવા માટે તમારે માત્ર 50 રૂપિયાની ફી ચૂકવવી પડશે. આ કાર્ડમાં દરેક વ્યક્તિની ડિજિટલ હસ્તાક્ષર, સુરક્ષિત QR કોડ (QR કોડ) દાખલ કરવામાં આવે છે. આ કાર્ડ રજિસ્ટર્ડ મોબાઈલ નંબર દ્વારા ખૂબ જ સરળતાથી ડાઉનલોડ કરી શકાય છે, પરંતુ, કેટલાક લોકોનો રજિસ્ટર્ડ મોબાઈલ નંબર આધારમાં દાખલ થતો નથી.

રજીસ્ટર્ડ નંબર વગર પણ ડાઉનલોડ કરી શકાય છે PVC આધાર કાર્ડ

જો તમારી સાથે પણ આવું થતું હોય તો ચિંતા કરવાની જરૂર નથી. તમે રજીસ્ટર્ડ મોબાઈલ નંબર વગર પણ આધાર ડાઉનલોડ કરી શકો છો. આ માટે UIDAIએ યુઝર્સને એક સરળ રસ્તો જણાવ્યો છે. તો ચાલો અમે તમને જણાવીએ કે રજિસ્ટર્ડ નંબર વગર PVC આધાર કાર્ડ કેવી રીતે ડાઉનલોડ કરવું.

આ રહી પ્રોસેસ

• આ માટે સૌથી પહેલા તમે residentpvc.uidai.gov.in/order-pvcreprint લિંક પર ક્લિક કરો.
• આગળ My Aadhaar વિકલ્પ પર ક્લિક કરો.
• આ પછી આધાર PVC કાર્ડનો વિકલ્પ પસંદ કરો.
• તમારો 12 અંકનો આધાર નંબર દાખલ કરો.
• તમારે My Mobile Number in not Registered પર ક્લિક કરવાનું રહેશે.
• આગળ તમારે વૈકલ્પિક મોબાઇલ નંબર દાખલ કરવો પડશે.
• આ પછી તમારા વૈકલ્પિક મોબાઇલ નંબર પર OTP આવશે જે તમારે આગળ દાખલ કરવાની જરૂર છે.
• Terms and Conditions પર ક્લિક કરો.
• આગળ સબમિટ વિકલ્પ પર ક્લિક કરો.
• બધી વિગતો ચકાસ્યા પછી Make Payment  વિકલ્પ પર ક્લિક કરો.
• આ પછી, UPI, કાર્ડ અથવા નેટ બેંકિંગ દ્વારા ચુકવણી કરો.
• થોડા દિવસો પછી તમારું PVC આધાર કાર્ડ ઘરે આવી જશે.