Fake Currency : દેશમાં નકલી ચલણી નોટો વધી રહી છે, 500 રૂપિયાની નકલી નોટોમાં 100 ટકાનો વધારો
Fake Currency : રિઝર્વ બેંક ઓફ ઈન્ડિયા (RBI)એ કહ્યું છે કે દેશમાં નકલી નોટોની સંખ્યામાં વધારો થયો છે.
Fake Currency : કેન્દ્ર સરકારના નોટબંધીમી સામે બજારમાંથી નકલી નોટોની દાણચોરી થઈ રહી હોવાનો આક્ષેપ કરવામાં આવ્યો હતો. RBIએ એક રિપોર્ટમાં કહ્યું છે કે દેશમાં 500 રૂપિયાની નકલી નોટોમાં 100 ટકાનો વધારો થયો છે. આ સાથે 2000 રૂપિયાની નોટોના ચલણમાં પણ ઘટાડો થયો છે.
500 રૂપિયાની નકલી નોટોમાં 100 ટકાનો વધારો
રિઝર્વ બેંક ઓફ ઈન્ડિયા (RBI) અનુસાર, નાણાકીય વર્ષ 2020-2021માં 500 રૂપિયાની નકલી નોટોમાં 101.9 ટકાનો વધારો થયો છે. 2000 રૂપિયાની નકલી નોટોમાં 54.16 ટકાનો વધારો થયો છે. આ તમામ નોટો નવી ડિઝાઇનમાં છે.રિઝર્વ બેંક અનુસાર, 31 માર્ચ, 2022 સુધીમાં ચલણમાં રહેલી કુલ નોટોમાં રૂ. 500 અને રૂ. 2,000ની નોટોનો હિસ્સો 87.1 ટકા હતો. તે 31 માર્ચ, 2021ના રોજ 85.7 ટકા હતો.
50 અને 100 રૂપિયાની નકલી નોટોમાં ઘટાડો
અગાઉના વર્ષની સરખામણીએ રૂ.10, રૂ.20, રૂ.200, રૂ.500 (નવી ડિઝાઇન) અને રૂ.2000ની નકલી નોટોમાં અનુક્રમે 16.4%, 16.5%, 11.7%, 101.9% અને 54.6%નો વધારો થયો છે. તો સામે 50 રૂપિયાની નકલી નોટોમાં 28.7 ટકા અને 100 રૂપિયાની નકલી નોટોમાં 16.7 ટકાનો ઘટાડો થયો છે.
બે હજારની નોટમાં ઘટાડો
કેન્દ્ર સરકારના પ્રતિબંધ બાદ RBIએ રૂ. 2,000ની નોટો જાહેર કરી હતી. માર્ચના અંતે ચલણમાં 2,000ની નોટોનો હિસ્સો ઘટીને 1.6 ટકા પર આવી ગયો હતો. હાલમાં લગભગ 214 કરોડ નોટો ચલણમાં છે. માર્ચના અંતે તમામ મૂલ્યોની કુલ નોટોની સંખ્યા રૂ. 13,053 કરોડ હતી. એક વર્ષ પહેલા આ આંકડો 12,437 કરોડ રૂપિયા હતો.
આ પણ વાંચો :
મોટી જાહેરાત : ભાવનગર શહેરમાં આવેલા ઐતિહાસિક વિક્ટોરિયા પાર્કનું નામ બદલવામાં આવશે, જાણો નવું નામ
Aadhaar Card: આધાર કાર્ડની કોપી આપતા સમયે રહો સાવધાન, કેન્દ્ર સરકારે જાહેર કર્યું એલર્ટ
ટ્રેન્ડિંગ સમાચાર
ટોપ સ્ટોરી
