Gold-Silver Price Crash: બે દિવસમાં 26000 રુપિયા સસ્તી થઈ ચાંદી; આજે સોનામાં પણ બોલ્યો કડાકો

Gold-Silver Rate Crash Today: શુક્રવારે સોના અને ચાંદીના ભાવમાં તીવ્ર ઘટાડો જોવા મળ્યો, બજાર ખુલતાની સાથે જ તેમાં ઘટાડો થયો. સોનું ₹3,000 થી વધુ સસ્તું થયું છે, જ્યારે ચાંદીમાં ₹17,000 થી વધુનો ઘટાડો થયો છે.

સોના-ચાંદીના ભાવ

Source : PTI

Show Quick Read

Key points generated by AI, verified by newsroom

• સોના-ચાંદીના ભાવમાં અચાનક મોટો ઘટાડો જોવા મળ્યો.
• સરકારની ગોલ્ડ-સિલ્વર ઇમ્પોર્ટ ડ્યુટી વધાર્યા બાદ તેજી અટકી.
• ચાંદી 17,000 રૂપિયા પ્રતિ કિલોથી વધુ સસ્તી થઈ.
• સોનું પણ 3,000 રૂપિયા પ્રતિ 10 ગ્રામથી વધુ ઘટ્યું.

Gold-Silver Rate Crash Today: સોના-ચાંદીના ભાવમાં (Gold-Silver Rates) અચાનક મોટો ઘટાડો આવ્યો છે. સરકાર દ્વારા ગોલ્ડ-સિલ્વર ઇમ્પોર્ટ ડ્યુટી વધાર્યા બાદ રોકેટ બનેલી આ કિંમતી ધાતુઓની તેજી થંભી ગઈ છે. પહેલા ચાંદી અને હવે સોનું પણ કડડભૂસ થઈને તૂટ્યું છે. મલ્ટી કોમોડિટી એક્સચેન્જ એટલે કે MCX પર શુક્રવારે વાયદાના વેપારની શરૂઆત થતાની સાથે જ ચાંદીના ભાવમાં અચાનક 17,000 રૂપિયા પ્રતિ કિલોથી વધુનો ઘટાડો થયો છે. બીજી તરફ કિંમતી પીળી ધાતુ સોનું પણ એક ઝાટકે ખુલતાની સાથે જ 3,000 રૂપિયા પ્રતિ 10 ગ્રામથી વધુ સસ્તું થઈ ગયું છે.

 

ચાંદીની તેજી પર બ્રેક

Gold-Silver Import Duty Hike બાદ સોના-ચાંદીની કિંમતોમાં તોફાની તેજી આવી હતી અને ખાસ કરીને ચાંદી 13 મે ના રોજ ઓપનિંગ સાથે જ 22,000 રૂપિયા સુધી મોંઘી થઈ ગઈ હતી. પરંતુ બીજા જ દિવસે એટલે કે 14 મે થી તેની તેજી પર બ્રેક લાગી ગઈ અને તે તૂટવા લાગી. હવે માત્ર બે દિવસમાં જ ચાંદી ક્રેશ (Silver Price Crash) થઈ ગઈ છે.

જ્યાં વીતેલા કારોબારી દિવસે ગુરુવારે 3 જુલાઈની એક્સપાયરી વાળી ચાંદી 2,91,102 રૂપિયા પ્રતિ કિલો પર બંધ થઈ હતી, તો શુક્રવારે ખુલતાની સાથે જ તે 2,73,636 રૂપિયા પર આવી ગઈ, એટલે કે 17,466 રૂપિયા સસ્તી થઈ ગઈ છે. જ્યારે બે દિવસમાં 1 Kg ચાંદીના ભાવ 3,00,238 રૂપિયાથી 26,602 રૂપિયા સુધી ઘટી ગયા છે.

જો ચાંદીની હાઈ લેવલ સાથે સરખામણી કરીએ તો જણાવી દઈએ કે જાન્યુઆરી મહિનામાં પહેલીવાર સિલ્વરે 4 લાખ રૂપિયાનો ઐતિહાસિક આંકડો પાર કર્યો હતો અને તમામ રેકોર્ડ તોડતા 4,57,328 રૂપિયા પ્રતિ કિલોના લાઈફ ટાઈમ હાઈ લેવલ પર પહોંચી હતી. તાજેતરના ઘટાડા બાદ હવે આ કિંમતી ધાતુ પોતાના હાઈ લેવલથી 1,83,692 રૂપિયા પ્રતિ કિલો સુધી સસ્તી થઈ ગઈ છે.

સોનાની રફ્તાર પર પણ બ્રેક

માત્ર ચાંદી જ નહીં, પરંતુ ઇમ્પોર્ટ ડ્યુટી વધ્યા બાદ સોનાની તેજ રફ્તાર પર પણ શુક્રવારે અચાનક બ્રેક વાગતી જોવા મળી છે. 5 જૂનની એક્સપાયરી વાળું વાયદા સોનું વીતેલા કારોબારી દિવસે 1,61,978 રૂપિયા પ્રતિ 10 ગ્રામ પર બંધ થયું હતું અને હવે તે લપસીને 1,58,852 રૂપિયા પર આવી ગયું છે. આ હિસાબે જોઈએ તો 10 ગ્રામ 24 કેરેટ ગોલ્ડ 3,126 રૂપિયા સસ્તું થઈ ગયું છે.

ચાંદીની જેમ જો સોનાના હાઈ લેવલ સાથે સરખામણી કરીએ તો આ પીળી ધાતુ પણ ઘણી સસ્તી થઈ ગઈ છે. Gold Life Time High એમસીએક્સ પર 2,02,984 રૂપિયા પ્રતિ 10 ગ્રામ છે અને ત્યાંથી હવે તે 44,132 રૂપિયા સસ્તું મળી રહ્યું છે.

આ પણ વાંચો

Gold Crisis: આર્થિક સંકટમાં દુનિયાના દેશોને કેમ યાદ આવે છે સોનું, આ મેટલની કેમ છે આટલી વેલ્યૂ

Milk Price Hike: દેશમાં કઈ કઈ કંપનીઓ વેચે છે દૂધ? જાણો કોણ કોણ વધારી ચુક્યું છે ભાવ