Government Loan Scheme: ધંધો કરવો છે પણ પૈસા નથી તો નો ટેન્શન! સરકારની આ યોજનાઓમાં મામુલી વ્યાજ પર મળે છે લોન
Government Loan Scheme: વૈશ્વિક ડિજીટલાઇઝેશન પછી ભારતમાં ઉદ્યોગોની ગતિ વધી છે. સરકાર પણ દેશમાં વેપારની ગતિ વધારવા માંગે છે. ઉદ્યોગ સાહસિકોને આર્થિક સંકડામણનો સામનો ન કરવો પડે તે માટે વિવિધ સરકારી યોજનાઓ ચલાવવામાં આવી રહી છે.
Government Loan Scheme: વૈશ્વિક ડિજીટલાઇઝેશન પછી ભારતમાં ઉદ્યોગોની ગતિ વધી છે. સરકાર પણ દેશમાં વેપારની ગતિ વધારવા માંગે છે. ઉદ્યોગ સાહસિકોને આર્થિક સંકડામણનો સામનો ન કરવો પડે તે માટે વિવિધ સરકારી યોજનાઓ ચલાવવામાં આવી રહી છે. જો તમે પણ તમારો પોતાનો વ્યવસાય કરવા માંગો છો તો જાણો આ સરકારી યોજનાઓ, તમને ખૂબ જ ઓછા વ્યાજ દરે 10000 થી 5 કરોડ રૂપિયા સુધીની લોન સુવિધાનો લાભ મળશે.
સ્વાનિધિ યોજના: ખૂબ જ નબળી આર્થિક સ્થિતિમાંથી પસાર થતા લોકો આ યોજના હેઠળ સ્ટ્રીટ વેન્ડર સ્થાપિત કરવા માટે ઓછામાં ઓછી ₹10,000 ની ગેરેન્ટી વિનાની લોન લઈ શકે છે. આ યોજનાનું નામ પીએમ સ્વાનિધિ યોજના છે. દેશના 50 લાખથી વધુ સ્ટ્રીટ વેન્ડરોએ એક વર્ષમાં હપ્તામાં રકમ પરત કરવાની રહેશે. સરકાર આ માટે 7% સબસિડી અને ₹1200 કેશબેક પણ આપે છે.
મુદ્રા લોનઃ દેશમાં યુવા સાહસિકો પર કેન્દ્રિત મુદ્રા લોન યોજના એપ્રિલ 2015માં શરૂ કરવામાં આવી હતી. જેમાં બેંકોમાંથી યુવાનોને કોઈપણ ગેરંટી વગર લોન આપવામાં આવે છે. તેને 3 કેટેગરીમાં રાખવામાં આવી છે, શિશુ મુદ્રા લોન (50,000), કિશોર મુદ્રા લોન (50,001-5,00,000) અને તરુણ મુદ્રા લોન (5,00,001-10,00,000).
સ્ટેન્ડ અપ ઈન્ડિયા સ્કીમ: SC/ST અને મહિલા ઉદ્યોગ સાહસિકોને પ્રોત્સાહિત કરવા માટે, સ્ટેન્ડ અપ ઈન્ડિયા સ્કીમ હેઠળ, 10 લાખ રૂપિયાથી લઈને 1 કરોડ રૂપિયા સુધીની લોન કોઈપણ કોલેટરલ વિના આપવામાં આવે છે. લોન 7 વર્ષના રિપેમેન્ટ શેડ્યૂલ અનુસાર આપવામાં આવે છે, જેનો મોરેટોરિયમ સમયગાળો 18 મહિનાનો હોઈ શકે છે. સ્ટેન્ડ અપ ઈન્ડિયા સ્કીમ હેઠળ, બિઝનેસ શરૂ કરતી વખતે પ્રથમ 3 વર્ષ માટે આવકવેરામાં છૂટ મળે છે.
રાષ્ટ્રીય લઘુ ઉદ્યોગ નિગમ યોજના:
NSIC દેશમાં MSME સાહસોના વિકાસને પ્રોત્સાહન આપવા માટે કામ કરી રહી છે. NSIC દેશમાં ઓફિસો અને ટેકનિકલ કેન્દ્રોના રાષ્ટ્રવ્યાપી નેટવર્ક દ્વારા કાર્ય કરે છે. આ યોજના હેઠળ બે પ્રકારની લોન આપવામાં આવે છે:
- માર્કેટિંગ સહાય યોજના: તમે તમારા ઉત્પાદનોનું માર્કેટિંગ વધારવા માટે આ યોજના હેઠળ પ્રાપ્ત રકમનો ઉપયોગ કરી શકો છો. આ બિઝનેસને તેની માર્કેટ પહોંચ વધારવામાં ઘણી મદદ કરી શકે છે.
- ક્રેડિટ સહાય યોજના: આ યોજનામાં, કાચા માલની ખરીદી, ફાઇનાન્સ, માર્કેટિંગ વગેરે માટે નાણાકીય સહાય પૂરી પાડવામાં આવે છે.
ક્રેડિટ ગેરંટી ફંડ સ્કીમ
હજારો સ્ટાર્ટઅપ કંપનીઓ દેશમાં પોતાનો પગ જમાવવાનો પ્રયાસ કરી રહી છે. સ્ટાર્ટઅપ કલ્ચરને પ્રોત્સાહન આપવા માટે, સરકારની ક્રેડિટ ગેરંટી સ્કીમ હેઠળ, સ્ટાર્ટઅપ કંપનીઓને કોઈપણ ગેરંટી વિના મહત્તમ રૂ. 5 કરોડની લોન મળશે. આ યોજના માટે, મંજૂર રકમ પર ચૂકવવામાં આવતી ગેરંટી ફી વાર્ષિક 2% થી ઘટાડીને 0.37% કરવામાં આવી છે.
એમએસએમઈ લોન
માઈક્રો, સ્મોલ અને મીડિયમ એન્ટરપ્રાઈઝ પોતાના ધંધાને મોટો કરરવા અથવા નવા ઉદ્યોગ શરૂ કરવા માટે એમએસએમઈ લોનનો લાભ લઈ શકે છે. આ સ્કીમના અંતર્ગત, કોઈ પણ નવું અથવા વર્તમાન સાહસ 1 કરોડ રૂપિયા સુધીની લોન પ્રાપ્ત કરી શકે છે. સામાન્ય રીતે, લોનની પ્રક્રિયા પૂર્ણ થવામાં લગભગ 15 દિવસ લાગે છે.
ટોપ સ્ટોરી
ટ્રેન્ડિંગ સમાચાર
