એક EMI ચુકી ગયા પછી કેટલા સમય બાદ ખરાબ થાય છે CIBIL સ્કોર? જાણીલો બેંકના નિયમો

EMI Delay Rules: માત્ર એક EMI ચુકી જવાથી CIBIL સ્કોર તરત જ ખરાબ થતો નથી. ચાલો જાણીએ કે કેટલી વિલંબ થયા પછી બેંકો બાકી લેણાંની માહિતી ક્રેડિટ બ્યુરોને મોકલે છે અને તેની સ્કોર પર શું અસર પડે છે.

સિબિલ સ્કોર

Show Quick Read

Key points generated by AI, verified by newsroom

• 1-2 દિવસ EMI વિલંબ CIBIL ને તરત અસર નથી કરતો.
• 30 દિવસથી વધુ વિલંબથી CIBIL સ્કોર ઘટી શકે.
• લાંબા સમય સુધી પેમેન્ટ બાકી રહેતા ક્રેડિટ પ્રોફાઈલ નબળી બને.
• સમયસર EMI ભરી CIBIL સ્કોર સુધારી શકાય છે.

CIBIL Score News: જો તમે કોઈ બેંક અથવા નાણાકીય સંસ્થા પાસેથી હોમ લોન, પર્સનલ લોન કે કાર લોન લીધી છે, તો સમયસર EMI ચૂકવવો તમારા માટે ખૂબ જ જરૂરી છે. જોકે ઘણી વખત ટેકનિકલ ખામી, બેંક ખાતામાં ઓછું બેલેન્સ હોવાને કારણે અથવા અન્ય કોઈ કારણોસર નક્કી કરેલી તારીખે EMI કપાતો નથી. આવા કિસ્સાઓમાં ઘણા લોકોના મનમાં પ્રશ્ન થાય છે કે શું એક EMI ચુકી જતાં જ CIBIL સ્કોર તરત જ ખરાબ થઈ જાય છે?

 

પરંતુ રાહતની વાત એ છે કે એક-બે દિવસનો વિલંબ થાય તો સામાન્ય રીતે સિબિલ સ્કોર પર તેની તરત જ અસર પડતી નથી. પણ જો તમારી બાકી રકમ લાંબા સમય સુધી જમા ન થાય, તો આવી સ્થિતિમાં બેંક તેની માહિતી ક્રેડિટ બ્યુરોને મોકલી શકે છે, જેના પછી તમારો ક્રેડિટ સ્કોર ખરાબ થઈ શકે છે.

EMI મોડો થાય તો ક્યારે અસર પડે છે?

1 થી 7 દિવસનો વિલંબ: જો EMI થોડા દિવસોના વિલંબ પછી જમા થાય છે, તો સામાન્ય રીતે તેની સિબિલ સ્કોર પર સીધી અસર પડતી નથી. જોકે બેંક તમારી પાસેથી લેટ ફી, EMI બાઉન્સ ચાર્જ અને અન્ય પેનલ્ટી વસૂલી શકે છે.

30 દિવસનો વિલંબ: જો તમારો EMI 30 દિવસ કે તેથી વધુ સમય સુધી બાકી રહે છે, તો આવી સ્થિતિમાં બેંક તેની રિપોર્ટિંગ ક્રેડિટ બ્યુરોને કરી શકે છે. આ કિસ્સામાં તમારા CIBIL સ્કોરમાં 50 થી 100 પોઈન્ટ સુધીનો ઘટાડો આવી શકે છે. જેથી તમને ભવિષ્યમાં લોન કે ક્રેડિટ કાર્ડ મેળવવામાં ઘણી મુશ્કેલીઓ પડી શકે છે.

60 થી 89 દિવસના વિલંબ પર શું થાય છે?

જો તમે સતત પેમેન્ટમાં વિલંબ કરો છો, તો આવી સ્થિતિમાં તમારી ક્રેડિટ પ્રોફાઈલ વધુ નબળી પડી જાય છે. આ દરમિયાન બેંક અને રિકવરી એજન્સીઓ બાકી પેમેન્ટ માટે તમારો સંપર્ક કરવાનું શરૂ કરી શકે છે.

બેંકો કેવી રીતે કરે છે રિપોર્ટિંગ?

બેંકો દર મહિને એક નક્કી કરેલી રિપોર્ટિંગ સાઈકલ મુજબ ગ્રાહકોની પેમેન્ટ હિસ્ટ્રી ક્રેડિટ બ્યુરોને મોકલે છે. જો 30 દિવસનું ચક્ર પૂરું થતાં પહેલાં બાકી રકમ જમા કરી દેવામાં આવે, તો ઘણા કિસ્સાઓમાં CIBIL સ્કોર ઘટી જવાથી બચાવી શકાય છે.

ખરાબ સિબિલ સ્કોર કેવી રીતે સુધારવો?

• તમામ EMI અને ક્રેડિટ કાર્ડ બિલ સમયસર ચૂકવો.
• બાકી રકમ શક્ય તેટલી વહેલી તકે ક્લિયર કરો.
• ઓટો-ડેબિટ અથવા રિમાઇન્ડર સેટ કરીને EMI મિસ થવાથી બચો.

આ પણ વાંચો

Gold Price Alert: શું સોનું 37% સુધી સસ્તું થશે? જુઓ WGC નો નવો રિપોર્ટ

Credit Card યૂર્ઝસનું મોત થાય તો કોણ ચૂકવશે બાકી બિલ? જાણો શું છે નિયમ