Investors Wealth Loss: અદાણી ગ્રુપ સામે હિંડનબર્ગની રિપોર્ટની અસર, એક મહિનામાં રોકાણકારોને થયું 20 લાખ કરોડનું નુકસાન
Investors Wealth Loss: ગુરુવારના સત્રમાં શેરબજાર ઘટાડા સાથે બંધ થયું હતું. અને આ સતત પાંચમું ટ્રેડિંગ સેશન છે જ્યારે ભારતીય બજારોમાં ઘટાડો જોવા મળ્યો છે.
Investors Wealth Loss: ગુરુવારના સત્રમાં શેરબજાર ઘટાડા સાથે બંધ થયું હતું. અને આ સતત પાંચમું ટ્રેડિંગ સેશન છે જ્યારે ભારતીય બજારોમાં ઘટાડો જોવા મળ્યો છે. છેલ્લા પાંચ દિવસમાં ભારતીય શેરબજારના રોકાણકારોના રૂ. 7.50 લાખ કરોડનું નુકસાન થયું છે. અને જ્યારથી અદાણી જૂથ વિરુદ્ધ હિંડનબર્ગ રિસર્ચનો રિપોર્ટ આવ્યો છે, ત્યારથી ભારતીય બજારના રોકાણકારોને 20 લાખ કરોડ રૂપિયાનું નુકસાન થયું છે.
રોકાણકારોનું મનોબળ તૂટી ગયું
છેલ્લા પાંચ ટ્રેડિંગ સેશનમાં બીએસઈ સેન્સેક્સે પહેલા 61000 અને પછી 60000ની સપાટી તોડી હતી. આ પાંચ સેશનમાં સેન્સેક્સમાં 1700 પોઈન્ટનો ઘટાડો થયો છે. બીજી તરફ નિફ્ટીની વાત કરીએ તો આ ઈન્ડેક્સ 5 સેશનમાં 433 પોઈન્ટ તૂટ્યો છે. અદાણી ગ્રૂપના શેરમાં સતત ઘટાડાથી રોકાણકારોનું મનોબળ તૂટી ગયું છે. આની એવી અસર થઈ છે કે સ્થાનિક અને વિદેશી રોકાણકારો હાલ બજારથી દૂર રહી રહ્યા છે, જેના કારણે બજારનું સેન્ટિમેન્ટ બગડ્યું છે.
એક મહિનામાં રોકાણકારોને 20 લાખ કરોડ રૂપિયાનું નુકસાન
છેલ્લા પાંચ ટ્રેડિંગ સેશનમાં ભારતીય બજારોમાં ઘટાડાને કારણે રોકાણકારોની મહેનતના નાણાંમાં ભારે ઘટાડો થયો છે. 16 ફેબ્રુઆરી, 2023 ના રોજ બજાર બંધ થયું ત્યારે, BSE પર લિસ્ટેડ શેરનું માર્કેટ કેપ રૂ. 268.23 લાખ કરોડ હતું, જે 23 ફેબ્રુઆરીએ ઘટીને રૂ. 260.88 લાખ કરોડ થયું છે. એટલે કે માત્ર 5 સેશનમાં રોકાણકારોએ કુલ 7.35 લાખ કરોડ રૂપિયા ગુમાવ્યા છે. બીજી બાજુ, 24 જાન્યુઆરી, 2023ના રોજ, હિંડનબર્ગ રિસર્ચ રિપોર્ટના પ્રકાશનના દિવસે, BSE પર લિસ્ટેડ કંપનીઓની માર્કેટ મૂડી રૂ. 280.37 લાખ કરોડ હતી. એટલે કે એક મહિનામાં રોકાણકારોને 20 લાખ કરોડ રૂપિયાનું નુકસાન થયું છે.
NSE પર સક્રિય ટ્રેડર્સની સંખ્યામાં પણ ઘટાડો થયો
છેલ્લા એક મહિનાથી બજારમાં ચાલી રહેલી ઉથલપાથલની અસર રિટેલ રોકાણકારો હવે આઘાતમાં છે. જાન્યુઆરી મહિનામાં સ્થાનિક બજારમાં વ્યક્તિગત રોકાણકારોનો હિસ્સો 34 મહિનાના સૌથી નીચલા સ્તરે આવી ગયો છે. NSE પર સક્રિય ટ્રેડર્સની સંખ્યામાં પણ ઘટાડો થયો છે. નેશનલ સ્ટોક એક્સચેન્જના ડેટા અનુસાર, રિટેલ રોકાણકારોએ ગયા મહિને કેશ માર્કેટમાં દરરોજ રૂ. 22,829 કરોડનું ટ્રાન્ઝેક્શન કર્યું હતું, જે માર્ચ 2020 પછી સૌથી ઓછું છે. ફેબ્રુઆરી 2021માં 58,409 કરોડ. જાન્યુઆરીમાં સક્રિય ટ્રેડિંગ એકાઉન્ટ્સની સંખ્યા ઘટીને 3.4 કરોડ થઈ ગઈ છે. ગયા વર્ષે જૂનમાં આ આંકડો 3.8 કરોડ હતો.
ટ્રેન્ડિંગ સમાચાર
ટોપ સ્ટોરી
