આર્થિક ક્ષેત્રે સારા સમાચાર, ચોથા ત્રિમાસિકમાં GDP ગ્રોથ રેટ 7.7 ટકા

નવી દિલ્હી: નાણાકીય વર્ષ 2017-18ની ચોથા ક્વાર્ટરના જીડીપીના આંકડા જાહેર કરવામાં આવ્યા છે. ચોથા ત્રિમાસિકમાં દેશનો જીડીપી દર 7.7 ટકા નોંધાયો છે. વર્ષના અન્ય ત્રણ ત્રિમાસિક મુકાબલે જાન્યુઆરીથી માર્ચ ક્વાર્ટરમાં આ સૌથી સારું સ્તર છે.  સાથે ચીનને પછાળ છોડી ભારત દુનિયાની સૌથી ઝડપી વધતી અર્થવ્યવસ્થા બની ગઇ છે. આ પહેલા વર્ષના પ્રથમ, બીજા અને ત્રીજા ક્વાર્ટરમાં જીડીપી દર ક્રમશ: 5.6 ટકા, 6.3 ટકા અને 7 ટકા હતો. આ નાણાકીય વર્ષ 2017-18માં દેશની ઇકોનોમીની ગ્રોથ રેટ 6.7 ટકા રહી છે. ગત વર્ષે 7 ટકા હતી. આ પહેલા ઉદ્યોગ મંડળ ફિક્કીએ ગત નાણાકીય વર્ષના ચોથા ત્રિમાસિક દરમિયાન દેશની જીડીપી ગ્રોથ રેટ 7.1 ટકા રહેવાનું અનુમાન લગાવ્યું હતું. ફિક્કીએ નાણાકીય વર્ષ 2017-18માં જીડીપીની વૃદ્ધી દર 6.6 ટકા રહેવાનું અનુમાન લગાવ્યું હતું. બુધવારે આંતરરાષ્ટ્રીય રેટિંગ એજન્સી મૂડીઝે ચાલું નાણાકીય વર્ષમાં દેશના જીડીપી ગ્રોથ રેટમાં પોતાના અનુમાનને ઘટાડી 7.3 કરી દીધો હતો. આ પહેલા મૂડીઝે 7.5 ટકા ગ્રોથ રેટનું અનુમાન લગાવ્યું હતું. મૂડીઝે કહ્યું હતું કે ભારતની અર્થવ્યવસ્થામાં ક્રમશ: સુધાર થઇ રહ્યો છે પરંતુ વધતી તેલની કિમંતોના કારણે નાણાકીય સ્થિતની સુધારની ગતિને ધીમી પાડી શકે છે.