Investors Loss: 2023 માં રોકાણકારોએ 26.50 લાખ કરોડ રૂપિયા ગુમાવ્યા, 6 મહિનાની કમાણી અઢી મહિનામાં ગુમાવી

ભારતીય શેરબજાર માટે અત્યાર સુધી 2023 સારું રહ્યું નથી. સૌથી પહેલા તો અદાણી ગ્રૂપના શેરને શોર્ટ સેલ કરતાં હિંડનબર્ગ રિસર્ચના અહેવાલ બાદ ભારતીય શેરબજાર ઊંધુંચત્તુ થઈ ગયું છે.

પ્રતિકાત્મક તસવીર

BSE Market Capitalisation: વર્ષ 2023 ભારતીય શેરબજારના રોકાણકારો માટે ખૂબ જ નિરાશાજનક રહ્યું છે. દરરોજ, બજારમાં ભારે ઘટાડાથી, તેમની કમાણીમાં ખાડો પડી રહ્યો છે. આંકડાઓ પર નજર કરીએ તો 2023ના અઢી મહિનામાં ભારતીય શેરબજારના રોકાણકારોને 26.50 લાખ કરોડ રૂપિયાનું નુકસાન થયું છે.

2022 ના છેલ્લા ટ્રેડિંગ દિવસે, BSE પર લિસ્ટેડ કંપનીઓનું માર્કેટ કેપ રૂ. 282.44 લાખ કરોડ હતું, જે અઢી મહિનામાં ઘટીને રૂ. 255.90 લાખ કરોડ પર આવી ગયું છે. એટલે કે, 2023 માં, આ સમયગાળા દરમિયાન 26.54 લાખ કરોડ રૂપિયાના માર્કેટ કેપમાં ઘટાડો થયો છે.

એટલું જ નહીં, BSE પર લિસ્ટેડ કંપનીઓનું માર્કેટ કેપ હવે સાડા આઠ મહિના જૂના સ્તરની નજીક પહોંચી ગયું છે. 19 જુલાઈ, 2022 ના રોજ, BSE પર સૂચિબદ્ધ કંપનીઓનું માર્કેટ કેપ રૂ. 256 લાખ કરોડ હતું. જ્યારે 15 માર્ચે માર્કેટ કેપ 255.90 લાખ કરોડ રૂપિયા રહી ગયું છે. એટલે કે, 19 જુલાઈ પછી, રોકાણકારોએ તેમની કમાણી કરેલી તમામ રકમ ગુમાવી દીધી છે.

ભારતીય શેરબજાર માટે અત્યાર સુધી 2023 સારું રહ્યું નથી. સૌથી પહેલા તો અદાણી ગ્રૂપના શેરને શોર્ટ સેલ કરતાં હિંડનબર્ગ રિસર્ચના અહેવાલ બાદ ભારતીય શેરબજાર ઊંધુંચત્તુ થઈ ગયું છે. અદાણી ગ્રુપના શેરમાં 85 ટકા સુધીનો ઘટાડો જોવા મળ્યો હતો. અને હવે અમેરિકાથી આવી રહેલા બેંકિંગ સંકટના સમાચારે બજારની મુશ્કેલીઓ વધારી દીધી છે. છેલ્લા પાંચ દિવસથી સિલિકોન વેલી બેંક (SVB) અને સિગ્નેચર બેંક (Singnature Bank) ના પતનને કારણે બજારમાં ચારે બાજુ વેચવાલી જોવા મળી રહી છે. અને આ ઘટાડામાં રોકાણકારોને ભારે નુકસાનનો સામનો કરવો પડી રહ્યો છે.

30 ડિસેમ્બર, 2022 થી, નવા વર્ષ 2023 માં વિદેશી અને સ્થાનિક રોકાણકારોના વેચાણને કારણે, અત્યાર સુધીમાં BSE સેન્સેક્સ 3300 પોઈન્ટ્સ અને નેશનલ સ્ટોક એક્સચેન્જના નિફ્ટીમાં 1133 પોઈન્ટ્સનો ઘટાડો થયો છે.

15 માર્ચે ઘટાડા સાથે રહ્યું બંધ

ભારતીય શેરબજાર 344.29 પોઇન્ટના ઘટાડા સાથે 57555.90 પોઇન્ટ પર અને નિફ્ટી 71.15 પોઇન્ટના ઘટાડા સાથે 16,972.15 પર બંધ રહ્યા. મંગળવારે ભારતીય શેરબજાર આજે 337.66 પોઇન્ટના ઘટાડા સાથે 57,900.19 પોઇન્ટ પર અને નિફ્ટી 113.05 પોઇન્ટના ઘટાડા સાથે 17922.48 પોઇન્ટ પર બંધ રહ્યા હતા. સોમવારે સેન્સેક્સ 897.25 પોઇન્ટના કડાકા સાથે 58,237.85 પોઇન્ટ પર અને નિફ્ટી 271.68 પોઇન્ટના ઘટાડા સાથે 18035.53 પર બંધ રહ્યા હતા.

ગઈકાલે ટ્રેડિંગ સેશનમાં ફાર્મા, મેટલ્સ, કોમોડિટી, કન્ઝ્યુમર ડ્યુરેબલ્સ, હેલ્થકેર સેક્ટરના શેરમાં ઉછાળો જોવા મળ્યો છે. જ્યારે બેન્કિંગ, આઈટી, ઓટો, એફએમસીજી, મીડિયા, ઈન્ફ્રા, ઓઈલ એન્ડ ગેસ સેક્ટરના શેરમાં વેચવાલી જોવા મળી છે. જો કે સ્મોલ કેપ અને મિડ કેપ શેરોમાં તેજી જોવા મળી છે. નિફ્ટીના 50 શેરોમાંથી 20 શેરો ઉછાળા સાથે બંધ થયા જ્યારે 30 શેર નુકસાન સાથે બંધ થયા. જ્યારે સેન્સેક્સના 30 શેરોમાંથી 8 વધ્યા અને 22 નુકસાન સાથે બંધ થયા.