Champions Trophy 2025: ચેમ્પિયન્સ ટ્રૉફીનું સંપૂર્ણ શિડ્યૂલ જાહેર, ભારત-પાકિસ્તાનની મેચ આ તારીખે અહીં રમાશે, વાંચો લો
ICC Champions Trophy 2025 Full Schedule Announced: ચેમ્પિયન્સ ટ્રૉફી 2025માં 8 ટીમો વચ્ચે કુલ 15 મેચ રમાશે. તમામ ટીમોને 2 ગ્રુપમાં વહેંચવામાં આવી છે
ICC Champions Trophy 2025 Full Schedule Announced: ઇન્ટરનેશનલ ક્રિકેટ કાઉન્સિલ (ICC) એ આવતા વર્ષે પાકિસ્તાન દ્વારા આયોજિત થનારી ચેમ્પિયન્સ ટ્રૉફી 2025નું પુરેપુરું શિડ્યૂલ જાહેર કરી દીધું છે. આવી સ્થિતિમાં હવે ચાહકો માટે એ સ્પષ્ટ થઈ ગયું છે કે ભારત અને પાકિસ્તાન વચ્ચે શાનદાર મેચ કયા મેદાન પર અને ક્યારે રમાશે.
ચેમ્પિયન્સ ટ્રૉફી આવતા વર્ષની શરૂઆતમાં ફેબ્રુઆરીથી માર્ચ વચ્ચે રમાશે. ICCએ પહેલા જ સ્પષ્ટ કરી દીધું હતું કે આ ટૂર્નામેન્ટ હાઇબ્રિડ મૉડલ હેઠળ યોજાશે. આમાં ભારત પોતાની મેચ અન્ય કોઈ દેશમાં રમશે. આવું જ કંઈક થયું.
ભારત અને પાકિસ્તાન એક જ ગૃપમાં -
ચેમ્પિયન્સ ટ્રૉફી 2025માં 8 ટીમો વચ્ચે કુલ 15 મેચ રમાશે. તમામ ટીમોને 2 ગ્રુપમાં વહેંચવામાં આવી છે. ભારત અને પાકિસ્તાન એક જ ગ્રુપ-Aમાં છે. તેમની સાથે બાકીની બે ટીમો ન્યૂઝીલેન્ડ અને બાંગ્લાદેશ છે. જ્યારે દક્ષિણ આફ્રિકા, ઓસ્ટ્રેલિયા, અફઘાનિસ્તાન અને ઈંગ્લેન્ડને ગ્રુપ-બીમાં રાખવામાં આવ્યા છે.
ગ્રુપ A - પાકિસ્તાન, ભારત, ન્યૂઝીલેન્ડ, બાંગ્લાદેશ
ગ્રુપ બી - દક્ષિણ આફ્રિકા, ઓસ્ટ્રેલિયા, અફઘાનિસ્તાન, ઈંગ્લેન્ડ
ચેમ્પિયન્સ ટ્રૉફીનું ફૂલ શિડ્યૂલ -
19 ફેબ્રુઆરી- પાકિસ્તાન વિરૂદ્ધ ન્યૂઝીલેન્ડ, કરાચી
20 ફેબ્રુઆરી- બાંગ્લાદેશ વિરૂદ્ધ ભારત, દુબઈ
21 ફેબ્રુઆરી- અફઘાનિસ્તાન વિરૂદ્ધ દક્ષિણ આફ્રિકા, કરાચી
22 ફેબ્રુઆરી- ઓસ્ટ્રેલિયા વિરૂદ્ધ ઈંગ્લેન્ડ, લાહોર
23 ફેબ્રુઆરી- પાકિસ્તાન વિરૂદ્ધ ભારત, દુબઈ
24 ફેબ્રુઆરી- બાંગ્લાદેશ વિરૂદ્ધ ન્યૂઝીલેન્ડ, રાવલપિંડી
25 ફેબ્રુઆરી- ઓસ્ટ્રેલિયા વિરૂદ્ધ દક્ષિણ આફ્રિકા, રાવલપિંડી
26 ફેબ્રુઆરી- અફઘાનિસ્તાન વિરૂદ્ધ ઈંગ્લેન્ડ, લાહોર
27 ફેબ્રુઆરી- પાકિસ્તાન વિરૂદ્ધ બાંગ્લાદેશ, રાવલપિંડી
28 ફેબ્રુઆરી- અફઘાનિસ્તાન વિરૂદ્ધ ઓસ્ટ્રેલિયા, લાહોર
1 માર્ચ- દક્ષિણ આફ્રિકા વિરૂદ્ધ ઈંગ્લેન્ડ, કરાચી
2 માર્ચ- ન્યૂઝીલેન્ડ વિરૂદ્ધ ભારત, દુબઈ
4 માર્ચ- સેમિફાઈનલ-1, દુબઈ
5 માર્ચ- સેમિફાઇનલ-2, લાહોર
9 માર્ચ, ફાઇનલ, લાહોર (ભારત ફાઇનલમાં પહોંચશે તો દુબઇમાં ફાઇનલ રમાશે)
10 માર્ચ, રિઝર્વ ડે
ભારત અને ઓસ્ટ્રેલિયા 2-2 વાર જીતી ચૂક્યા છે આ ખિતાબ
ચેમ્પિયન્સ ટ્રૉફીની છેલ્લી સિઝન 2017માં યોજાઈ હતી, જ્યારે પાકિસ્તાને ફાઇનલમાં ભારતીય ટીમને હરાવીને ટાઈટલ જીત્યું હતું. હવે આગામી સિઝનમાં કુલ 8 ટીમો ભાગ લેશે જેમાં યજમાન પાકિસ્તાન, ભારત, ઓસ્ટ્રેલિયા, ઈંગ્લેન્ડ, ન્યૂઝીલેન્ડ, દક્ષિણ આફ્રિકા, અફઘાનિસ્તાન અને બાંગ્લાદેશનો સમાવેશ થાય છે.
ચેમ્પિયન્સ ટ્રૉફીની પ્રથમ સિઝન 1998માં થઈ હતી. ત્યારથી અત્યાર સુધી 8 સિઝન આવી છે. આવતા વર્ષે ચેમ્પિયન્સ ટ્રૉફીની 9મી સિઝન યોજાવાની છે. 8માંથી ભારત અને ઓસ્ટ્રેલિયાએ સૌથી વધુ 2-2 વખત આ ખિતાબ જીત્યો છે. ભારતીય ટીમે 2002માં પ્રથમ વખત શ્રીલંકા સાથે સંયુક્ત રીતે આ ખિતાબ જીત્યો હતો.
આ પછી, 2013માં બીજી વખત ચેમ્પિયન્સ ટ્રૉફીનો ખિતાબ જીત્યો. આ સિવાય દક્ષિણ આફ્રિકા (1998), ન્યૂઝીલેન્ડ (2000), વેસ્ટ ઈન્ડિઝ (2004), ઓસ્ટ્રેલિયા (2006, 2009) અને પાકિસ્તાન (2017) આ રીતે ખિતાબ જીતી ચૂક્યા છે.
આ પણ વાંચો
ટ્રેન્ડિંગ સમાચાર
ટોપ સ્ટોરી
