ખેડૂત આંદોલનઃ રિલાયન્સનો દાવો- કોન્ટ્રાક્ટ ફાર્મિંગથી કોઈ લેવા-દેવા નથી, અમે ખેડૂતો પાસેથી કોઈ ખરીદી નથી કરતા

રિલાયન્સે પોતાના નિવેદમાં કહ્યું કે, કંપનીએ ક્યારેય કોર્પોરેટ કે કોન્ટ્રાક્ટ ખેતી નથી કરી અને ન તો કંપનીની ભવિષ્યમાં આ વેપારમાં ઉતારવાની કોઈ યોજના છે.

નવી દિલ્હીઃ દિલ્હી બોર્ડર પર નવા કૃષિ કાયદા વિરૂદ્ધ ચાલી રહેલ ખેડૂત આંદોલનની વચ્ચે રિલાયન્સની પ્રોડક્ટ્સનો વિરોધ કરવામાં આવી રહ્યો છે. જિઓના મોબાીલ ટાવરને નુકસાન પહોંચાડવામાં આવી રહ્યું છે. હવે રિલાયન્સ તરફથી નિવેદન બહાર પાડવામાં આવ્યું છે. કંપનીએ કહ્યું કે, ત્રણેય કૃષિ કાયદા સાથે તેને કોઈ લેવા-દેવા નથી અને આ ત્રણેય કાયદા કંપનીને કોઈપણ રીતે કોઈ ફાયદો નથી પહોંચાડતા. કંપનીએ સ્પષ્ટતા કરી છે કે ભવિષ્યમાં પણ આવો કોઈ ઇરાતો નથી. તે સીધી રીતે ખેડૂતો પાસેથી કોઈ જ ખરીદી નથી કરતું. રિલાયન્સે પોતાના નિવેદમાં કહ્યું કે, કંપનીએ ક્યારેય કોર્પોરેટ કે કોન્ટ્રાક્ટ ખેતી નથી કરી અને ન તો કંપનીની ભવિષ્યમાં આ વેપારમાં ઉતારવાની કોઈ યોજના છે. કંપનીએ પંજાબ હરિયાણા કે ભારતમાં ક્યાંય પણ કોર્પોરેટ અથવા કોન્ટ્રાક્ટ ફાર્મિંગ માટે કોઈ જમીન નથી ખરીદી. કંપનીએ કહ્યું, રિલાયન્સે ક્યારેય કોઈપણ ખેડૂત પાસેથી ખરીદીને લઈને કોઈપણ લાંબા ગાળાના કોન્ટ્રાક્ટ નથી કર્યા. રિલાયન્સ પોતાના સપ્લાયર પાસેથી પણ એમએસપી પર જ ખરીદી ખરવાનો પ્રોત્સાહન આપે છે. કંપની દેશના અન્નદાતાઓનું સન્મામ કરે છે. ખેડૂતોને તેના પાકના વાજબા ભાવ મળે એ આઈડિયાને કંપની પૂરી રીતે સમર્થન કરે છે.