Layoff: વર્ષના ચાર મહિનામાં ટેક કંપનીઓએ 80 હજારથી વધુ કર્મચારીઓની કરી છટણી
Tech Companies Layoff: આ વર્ષના પ્રથમ ચાર મહિનામાં ટેક સેક્ટરમાં 80,000 થી વધુ કર્મચારીઓની છટણી કરવામાં આવી છે
Tech Companies Layoff: આ વર્ષના પ્રથમ ચાર મહિનામાં ટેક સેક્ટરમાં 80,000 થી વધુ કર્મચારીઓની છટણી કરવામાં આવી છે. વૈશ્વિક સ્તરે સ્ટાર્ટઅપ ઇકોસિસ્ટમમાં છટણી ચાલુ છે. ટેક સેક્ટરમાં નોકરીમાં કાપ પર નજર રાખતા પોર્ટલ Layoff.fy ના નવા ડેટા અનુસાર, 279 ટેક કંપનીઓએ 3 મે સુધી 80,230 કર્મચારીઓની છટણી કરી છે.
2022 અને 2023માં વિશ્વભરની ટેક કંપનીઓ 425,000 થી વધુ કર્મચારીઓની છટણી કરે તેવી અપેક્ષા છે. વૈશ્વિક મંદીએ આઇટી/ટેક અને સ્ટાર્ટઅપ ઇકોસિસ્ટમને અસર કરી છે. તાજેતરમાં યુએસ ગ્રાહક અનુભવ સંચાલન પ્લેટફોર્મ Sprinklr લગભગ 116 કર્મચારીઓને છૂટા કર્યા છે. વ્યાયામ સાધનો અને ફિટનેસ કંપની પેલોટને આ અઠવાડિયે તેના કર્મચારીઓના 15 ટકા અથવા લગભગ 400 કર્મચારીઓને છૂટા કરવાની યોજનાની જાહેરાત કરી.
રિપોર્ટ્સ અનુસાર, ગૂગલે રિસ્ટ્રક્ચરિંગને કારણે લગભગ 200 કર્મચારીઓની છટણી કરી છે. ટેસ્લાએ તેના વૈશ્વિક કર્મચારીઓમાંથી 10 ટકા અથવા 14,000 કર્મચારીઓને નોકરીમાંથી કાઢ્યાના થોડા અઠવાડિયામાં સેંકડો કર્મચારીઓને કાઢી મૂક્યા હતા. ટેક અબજોપતિએ છટણીના નવા રાઉન્ડમાં આખી ટેસ્લા ચાર્જિંગ ટીમની છટણી કરી હતી. ભારતમાં રાઇડ-હેલિંગ પ્લેટફોર્મ Ola Cabs તેના ઓછામાં ઓછા 10 ટકા કર્મચારીઓને બહારનો રસ્તો બતાવશે.
ઓલા કંપનીમાં છટણી થવાની છે. કંપની તેના 10 ટકા સ્ટાફની છટણી કરશે. છટણી વચ્ચે ઓલા કેબ્સના સીઇઓ હેમંત બક્ષીએ પણ પોતાના પદ પરથી રાજીનામું આપી દીધું છે. તેઓ જાન્યુઆરી 2024માં જ કંપનીમાં જોડાયા હતા. આ ઓલા દ્વારા કરવામાં આવી રહેલા રિસ્ટ્રક્ચરિંગનું પરિણામ હોવાનું માનવામાં આવે છે.
હેમંત બક્ષીએ માત્ર ચાર મહિનામાં જ પોતાનું પદ છોડી દીધું
મની કંટ્રોલે સૂત્રોને ટાંકીને અહેવાલ આપ્યો છે કે કંપની મોટી છટણી કરવા જઈ રહી છે. આના કારણે ઓછામાં ઓછા 10 ટકા કર્મચારીઓને બહારનો રસ્તો બતાવવામાં આવશે. હેમંત બક્ષીના ગયા પછી ઘણા વરિષ્ઠ કર્મચારીઓને પણ બહાર કરી દેવામાં આવશે. હેમંત બક્ષીએ પણ માત્ર ચાર મહિનામાં પોતાનું પદ છોડવું પડ્યું હતું. રિપોર્ટમાં એવો પણ દાવો કરવામાં આવ્યો છે કે હેમંત બક્ષી ઓલાને બદલે અન્ય કોઈ કંપનીમાં કામ કરવા માંગતા હતા. તેમના સ્થાને ટૂંક સમયમાં નવા સીઈઓની જાહેરાત થઈ શકે છે.
ટ્રેન્ડિંગ સમાચાર
ટોપ સ્ટોરી
