Railway Fare: શું રેલ્વે સ્ટેશનોની કાયાપલટ કર્યા બાદ ભાડું વધી જશે? રેલ્વે મંત્રીએ આપ્યો આ જવાબ

Railway Fare: રેલ્વેએ દેશના લગભગ 1300 સ્ટેશનોને 'અમૃત ભારત સ્ટેશન' તરીકે રિડેવલપ કરવાની યોજના બનાવી છે, તો શું આ પછી ટ્રેનોનું ભાડું પણ વધશે, જાણો શું છે રેલ્વે મંત્રીનો જવાબ-

પ્રતિકાત્મક તસવીર

Source : Freepik

Railway Fare: ભારતીય રેલ્વેને સુધારવા માટે સ્ટેશનોના પુનઃવિકાસ હેઠળ, વડાપ્રધાન નરેન્દ્ર મોદીએ રવિવારે 508 રેલ્વે સ્ટેશનોનો શિલાન્યાસ કર્યો. આ સ્ટેશનોને વર્લ્ડ ક્લાસ સુવિધાઓ સાથે જોડવામાં આવશે. જો કે, રેલ્વે મંત્રી અશ્વિની વૈષ્ણવે ખાતરી આપી છે કે સ્ટેશન રીડેવલપમેન્ટ પ્રોજેક્ટના નામે રેલ્વે ભાડામાં વધારો થવાનો નથી. અશ્વિની વૈષ્ણવે જણાવ્યું હતું કે રેલવેના પુનર્વિકાસ પ્રોજેક્ટ માટે રૂ. 25,000 કરોડની જરૂર પડશે અને વર્તમાન રેલવે બજેટ દ્વારા આ વ્યવસ્થા કરવામાં આવશે.

રેલ્વે મંત્રી અશ્વિની વૈષ્ણવે પત્રકાર પરિષદમાં માહિતી આપી હતી

રેલ્વે મંત્રી અશ્વિની વૈષ્ણવે એક પ્રેસ કોન્ફરન્સમાં જણાવ્યું હતું કે પીએમ મોદી સામાન્ય લોકોના જીવનધોરણને સુધારવા માટે કામ કરી રહ્યા છે અને રેલ્વે સ્ટેશનોનો પુનઃવિકાસ આ શ્રેણીમાં એક પગલું છે. અમે દેશના લોકોને કોઈ વધારાના બોજ વગર વર્લ્ડ ક્લાસ સ્ટેશનની સુવિધા આપવા માંગીએ છીએ. રેલ્વે મંત્રીએ એમ પણ કહ્યું કે અમે ન તો રેલ ભાડામાં વધારો કરી રહ્યા છીએ અને ન તો રેલ્વે રીડેવલપમેન્ટ ફી જેવી કોઈ ફી લાદી રહ્યા છીએ.

1300 મુખ્ય સ્ટેશનોને 'અમૃત ભારત સ્ટેશન' તરીકે પુનઃવિકાસ કરવાની યોજના

રેલ્વેએ દેશના લગભગ 1300 મોટા સ્ટેશનોને 'અમૃત ભારત સ્ટેશન' તરીકે પુનઃવિકાસ કરવાની યોજના બનાવી છે. રવિવારે વડાપ્રધાન મોદીએ તેમાંથી 508 અમૃત ભારત સ્ટેશનનો શિલાન્યાસ કર્યો હતો. ઉત્તર પ્રદેશ અને રાજસ્થાનમાં આશરે રૂ. 4,000 કરોડના ખર્ચે આવા 55 સ્ટેશનો, રૂ. 1,000 કરોડના ખર્ચે મધ્યપ્રદેશમાં 34 અને મહારાષ્ટ્રમાં રૂ. 1,500 કરોડના ખર્ચે 44 સ્ટેશનો વિકસાવવામાં આવશે. આ સિવાય તમિલનાડુ, કર્ણાટક અને કેરળ સહિત અનેક રેલવે સ્ટેશનનો પુનઃવિકાસ કરવામાં આવશે.

9000 એન્જિનિયરોને તાલીમ આપવામાં આવી રહી છે

રેલવે પ્રધાન અશ્વિની વૈષ્ણવે જણાવ્યું હતું કે રેલવે સ્ટેશન રિડેવલપમેન્ટ પ્રોજેક્ટનો ભાગ બનવા માટે લગભગ 9000 એન્જિનિયરોને તાલીમ આપી રહી છે જેથી તેઓને પ્રોજેક્ટથી વાકેફ કરી શકાય. આમાં કોન્ટ્રાક્ટ દસ્તાવેજો, આર્કિટેક્ચર, ડિઝાઇન અને સુરક્ષાનું વિશ્લેષણ શામેલ હશે.

રવિવારે વડા પ્રધાન નરેન્દ્ર મોદીએ કહ્યું હતું કે રિડેવલપ થવાના રેલવે સ્ટેશનો દેશના ઈન્ફ્રાસ્ટ્રક્ચર, સંસ્કૃતિ અને અન્ય તથ્યોને પણ પ્રોત્સાહન આપશે. આસામ, બિહાર અને આંધ્રપ્રદેશના 99 રેલ્વે સ્ટેશનો રિડેવલપ થવાના રેલ્વે સ્ટેશનમાં છે.

આ પણ વાંચોઃ