વેઇટિંગ ટિકિટ કન્ફર્મેશન હવે 4 નહીં, આટલા કલાક વહેલું જાણી શકાશે! જાણો રેલવેનો ક્રાંતિકારી નવો નિયમ
મુસાફરોને વૈકલ્પિક વ્યવસ્થા માટે પૂરતો સમય મળશે; બિકાનેર ડિવિઝનમાં પાયલોટ પ્રોજેક્ટ સફળ, દેશભરમાં ટૂંક સમયમાં અમલ.
- હવે વેઇટિંગ ટિકિટ કન્ફર્મ છે કે નહીં તે ટ્રેન ઉપડવાના 24 કલાક પહેલા જાણી શકાશે.
- અત્યાર સુધી આ જાણકારી માત્ર 4 કલાક પહેલા જ મળતી હતી.
- રેલવેએ મુસાફરોને વૈકલ્પિક વ્યવસ્થા માટે પૂરતો સમય મળી રહે તે હેતુથી આ નિર્ણય લીધો છે.
- આ નિયમનો પાયલોટ પ્રોજેક્ટ બિકાનેર રેલવે ડિવિઝનમાં સફળ રહ્યો છે.
- રેલવે ટૂંક સમયમાં આ નિયમને દેશભરમાં લાગુ કરવાની યોજના ધરાવે છે.
Indian Railways new rule: ભારતીય રેલવે કરોડો મુસાફરો માટે પરિવહનનું મુખ્ય માધ્યમ છે. મોટાભાગના પ્રવાસીઓ રિઝર્વેશન કરાવ્યા પછી જ મુસાફરી કરવાનું પસંદ કરે છે, કારણ કે રિઝર્વ કોચમાં ભીડ ઓછી હોય છે અને ઘણી સુવિધાઓ પણ ઉપલબ્ધ હોય છે. જોકે, ઘણી વખત રિઝર્વેશન કરાવ્યા પછી પણ ટિકિટ કન્ફર્મ થતી નથી અને ટિકિટ વેઇટિંગમાં રહી જાય છે. હાલમાં, મુસાફરોને ટ્રેન ઉપડવાના માત્ર 4 કલાક પહેલા જ તેમની વેઇટિંગ ટિકિટનું સ્ટેટસ જાણવા મળે છે, જેના કારણે વૈકલ્પિક વ્યવસ્થા કરવાનો સમય મળતો નથી.
પરંતુ હવે ભારતીય રેલવે મુસાફરોની આ મુશ્કેલીને દૂર કરવા માટે એક મોટો અને ક્રાંતિકારી ફેરફાર કરવા જઈ રહી છે. રેલવે દ્વારા પ્રાપ્ત માહિતી અનુસાર, હવે મુસાફરોને તેમની વેઇટિંગ ટિકિટનું સ્ટેટસ ટ્રેન ઉપડવાના 4 કલાક પહેલા નહીં, પરંતુ 24 કલાક પહેલા જ જાણી શકાશે.
મુસાફરોને મળશે પૂરતો સમય
આ નવા નિયમથી મુસાફરોને ઘણો ફાયદો થશે. જો ટિકિટ કન્ફર્મ ન થાય, તો તેમને બસ કે અન્ય કોઈ પરિવહન માધ્યમ દ્વારા મુસાફરીનો વૈકલ્પિક વિકલ્પ પસંદ કરવા માટે પૂરતો સમય મળશે. અત્યાર સુધી, 4 કલાકનો ઓછો સમય મળતો હોવાથી મુસાફરો મુશ્કેલીમાં મુકાતા હતા.
બિકાનેર ડિવિઝનમાં સફળ ટ્રાયલ
આ નવો નિયમ તાજેતરમાં જ બિકાનેર રેલવે ડિવિઝન પર એક પાયલોટ પ્રોજેક્ટ તરીકે શરૂ કરવામાં આવ્યો હતો, જે સંપૂર્ણપણે સફળ રહ્યો છે. આ સફળ ટ્રાયલ પછી, રેલવે હવે આ નિયમને દેશભરમાં લાગુ કરવા માટે સજ્જ છે. જોકે, આ નવો નિયમ ક્યારથી અમલમાં આવશે તે અંગે રેલવે દ્વારા કોઈ સત્તાવાર તારીખ જાહેર કરવામાં આવી નથી. પરંતુ રેલવે મંત્રીએ ખાતરી આપી છે કે ટૂંક સમયમાં આ નિયમ દિલ્હી, મુંબઈ સહિત દેશના ઘણા મુખ્ય રેલ રૂટ પર લાગુ કરવામાં આવશે.
Before You Go
BJP Protest Against Mallikarjun Kharge: ખડગેના નિવેદનથી ભાજપમાં આક્રોશ! ગાંધીનગરમાં વિરોધ પ્રદર્શન
ટોપ સ્ટોરી
ટ્રેન્ડિંગ સમાચાર
